بسم الله الرحمن الرحيم
السلام عليكم بنات شلونكم و عساكم من عواده
امس زايرين جماعه وماشاء الله تبارك الرحمن كل المقبلات الي قدموها جديده علي يعني اكلت من مطاعم مشهوره و بقصور و قاعات للاعراس اشكال و الوان بس مثل هالمقبلات ما شفت ماشااء الله تبارك الرحمن
مو بس جديده الا حشوتها بعد جديده و البهارات و الملح فيها مضبوط ماشاء الله تبارك الرحمن
وكنت اتمنى اسالهم بس السوالف اخذتنا
انا بوصف لكم الي شفته و انتو قولو لي
هم قدمو تقريبا 4 مقبلات تقريبا
النوع الاول سهل مسوينه بصينية الكب كيك عباره عن بيض مضروب بفلفل و طماط مقطعين صغار وكنه عليهم جبن و بالفرن صاير كب كيك بس بيض حيل شكله نايس و ذرب و كشخه
النوع الثاني:
شايفين المرتديلا تقريبا مثلها بس لونها فوشي شي غريب بس انا ذقتها مثل المرتديلا تقريبا بس فوشية و محشينها ببطاط اصابع بطاطية واحده و بخسه و بمرتديلا عادية و بمايونيز مخلوط فيه شي شنو مدري وهالفوشية ملفوفه على الحشوه عادي لفه عادية
بسالكم هالفوشي شنو؟ انا قلت عجين حاطين عليه صبغه حمرا بس طعمه بين المرتديلا و الطحين
النوع الثالث يشبه الي قبله لحد كبير حتى بالطعم
بس الفرق بقطعة الدجاجه الي حاطينها شكلها صدر دجاجه و مقطعينها مو منتفينها لا قطعه واضحه
و محشينها ببطاط اصابع بطاطية واحده و بخسه و بمايونيز مخلوط فيه شي شنو مدري و شريحه ملفوف بنفسجي
يعني نفس الحشوه السابقه بس شايلين المرتديلا و حاطين دجاج و ملفوف بنفسجي
و لافينها بقطعة خبز بس غريبه مره لينه و لافينها بطريقة مفتوحه مو مسكره نفس الي قبلها
يعني جايبين العجينه مثل قطعة القماش و حاطين الحشوة بالنص وجابين الجهة الا ولى و صافطينها
ثم الجهة الثانية و صافطينها على الاولى بدون لف بس تطبيق عادي كنك تصفطين ملابسك
عاد مدري مدخلينهم فرن او لا؟؟؟
بس ماشاء الله تبارك الرحمن كلها شغل بيت
انا على كثر ما قريت وصفات بالمنتديات ما شفت مثل هالمقبلات
لان مثل ما قلت لكم هي جديده
يا انهم جايبينها من وصفات اجنبية
يا انها ابتكار
يا الله دلونا الله يعافيكم
.gif)
او النقانق