بالنسبه لهيوستن .ياحلوات هيوستن............
فهي مليانه عرب وجاليات اسلاميه كثير ..النقاب والحجاب موغريب فيها ابدا
القهوه جيبيها والتمر والله الله بالحجابات كثري لان الموجود مو ذاك الزود ..وزي ماقالت حبيبة قلبي ام عبووووود ممكن بعدين القهوه عن طريق النت..
طبعا ترامس للقهوه والشاي من نوع ابو نقطه حمرا الهوت بوينت..
اذا كانوا بنوتاتك يلبسو او انت شورتات قطن داخليه فجيبي منها لان تعجزي تلاقينها هنا..
بالنسبه للجوال اختاري الجهاز اللي يشتغل ثلاثي الموجات من السعوديه لانه انواع فقط تغطي اسيا واوروبا..وفيه انواع تعطي ثلاثي الابعاد وتاكدي من البائع ولما توصلي هنا راح يشتغل باي شريحه امريكيه عااادي بس جيبي النوع اللي ثلاثي الابعاد..
ممكن اذا انتي راعية اعشاب وحوايج مثل (المره والرشاد ولهومات فجيبي لانها غير موجوده هنا)<<<على وشك نفاس
الجلابيات عادي بالبيت بالزيارات ياستي اكشخي باللي تبي..ذس از امريكا..
اقول شهادات العيال جيبيها اذا بتدرسيهم..شهادات التطعيم..
وماقصروا البنوتات حلوات هيوستن..

ام عبووووووود وين دنياك ياقلبي
دمتم بود....الضوء الناعم

اهلا اختي الضوء الناعم
مشكوره على الرد ماقصرتي وزين ذكرتينا لشورتات
انا جوالي نوكيا n73 ان شاء الله يشتغل
الادويه جهزت جزء منها لو اني ما بستخدمها بس للاحتياط
الف شكر وتحيه لك من القلب

Cafe _Latte
العسل الاصلي هذا اهم شي :)

حبوبة خالد العسل الاصلي مهم بس فيه هنا ناحذ اذا ماعندنا اصلي ديرتنا من الهول فوود..واذا كنا طالعين نتمشى ورايحين ستيت بارك الاوفيس اللي برا يبيع عسل على ذمة الامريكان انه ناتشيورال
واذا مره كلش مستعجلين ..نجيب لانغنيزا من فياستا <<<<<<<فياستا حبيبة العرب عديت كل العسل اللي ببيتنا
وحياج الله كافي لاتيه مرة اخرى.....
على فكره اذا انتِ تلبسين بلايز طوال فاللي اشوفه جاي من السعوديه ازين واشيك من اللي هنا وتظمنين الكم الطويل

مرحبا




انا توني واصله هيوستن صارلي 8 ايام وبنقعد لمدة سنه ونص
بما اني توني وجايه على هالبلد فبعطيكم معلومات عن الرحله وعن البلد
رحلتنا كانت من لندن على مطار جاتويك رايحين دايركت على هيوستن
شسووا فينا الانجليز هناك !!!
خذوا منظفات المكياج وومكياجي وعطري والحمدلله اني حاطه منظفات تستر حق الشنطه والعاديين حطيتهم في العفش
اما التفتيش عادي جدا بس خلونا نفصخ (وانتو بكرامه)جواتينا وجاكيتاتنا...
احنا اول ماوصلنا هيوستن كان فالليل فصادني اكتئاب حسيت ان البلد ممله ومافيها شي
بس ثاني يوم قمت الصبح وطلعنا فهالجو الحلو رحنا مولاتهم وايد حلوه
وسوبرماركتاتهم بعد فظيعه
ويقولون مطاعمهم حلوه بس احنا ماناكل لا لحم ولا دياي (ذبح حرام)ناكل من المطاعم العربيه
عجبني مطعم فاديز حلو
والسوبرماركتات العربيه كلللللللل شي فيها
انا ماكنت ادري شحنت مع اغراضنا شوية بهارات وهيل وزعفران مادريت ان كل شي موجود اهنيه
بكره بيوصل الشحن بس قالوا لنا ممنوع يدخلون الاكل فبيشيلون من اغراضنا البهارت وكل شي يخص الاكل...عادي بشتري من اهنيه...

الشي المب حلو عندهم جوهم بويرد لكنه رطب طول ما انا قاعده فالبيت شعري كله كاش ومايتسشور مع انه شعري ناعم

وغير ان كهربتهم غير عنا اجهزتنا ماتشتغل هناك


نسيت اقول شي حق اللي سئلت عن المدرسه
سجلت بنتي روضه قريبه وايد من مجمعنا تبعد 5 او 10 دقايق مشي عن المجمع
اسمهاkompaney kids
احنا في المونتير ابارتمنتز المجمع اللي هو قريب من الروضه

هذا اللي شفته في هيوستن اذا تبين تسئلوني عن اي شي انا حاضره