بنات واسووني !؟

شوفي يا جنا تدرين الدكتور وش يبي يقول لك يبي يقول لك اشغلي نفسك عشان تطلعين من الاكتئاب الي انتي فيه يعني ادخلي معهد او تحفيظ قران

شكلك مره مره مره متعلقه فيهم
شوفي ياقلبي هم مو كل حياتك
كل حياتك زوجك وعيالك
هم مع نفسهم بيجي يوم يرجعولك
انتي انسي اللي صار واللي سمعتيه منهم
واذا صار وتقابلتوا في فرح او عزيمه خليك عاديه جدا
لان مافي شي يستدعي انك تكتئبي عشانه
زوجك عندك وش تبي بهم دامك اكتشفتي نواياهم
اذكري الله كثير واستغفري وصلي على الحبيب
صدقيني راح تنسي المراره اللذ ذقتيها منهم
واشغلي نفسك بزوووووجك حبيبك
واسال الله ان يريح بالك

شوفي ياختي نصيحه لاتتعلقين بأحد

لا قريب ولا بعيد الناس مو مثل أول قلوبهم صافيه لا

نادر ماتلقين الطيبات بالزمن هذا كله مصالح

تخلص مصلحتها تروح لغيرك عودي نفسك

حتى لو تعرفتي على صديقات بعدين لاتخلينهم بالمقام الأول

ومحض إهتمامك النفوس تتغير بلحظه

إهتمي في نفسك في بيتك إذا عندك عيال إهتمي فيهم

ماعندك إدخلي دورات طبخ تجميل أي شي

المهم تبعدين عن البيت علشان ماتفكرين وتكتئبين

كوني صداقات مع اللي راح تشوفينهم بأي دوره تدخلينها بس

لاتتعرفين بسرعه وبس شوفي أخلاق البنات قبل

لأنه شي مهم بهذا الزمن اللي يخوف

ومثل ماقلت لك لاتتعلقين بأحد علاقتك مع الناس خليها سطحيه

الله يوفقك ويسعدك يارب

يالله الحزن واضح مره من كلامك لكن باقل لك شي واتمنى تقرين كلامي وباطول عليك لاني والله اتمنى لك الخير
ياجنى فيه مفاهيم كثيره خطا في حياتك  هي سبب في وضعك النفسي ...
اولا :اي انسان في الدنيا مع الزمن يتغير سواء للافضل او الاسوء حسب درجة الايمان ومعروف الايمان يزيد بالطاعه وقتها يظهرحسن الخلق .وينقص بالمعصيه وقتها يظهر سوء الخلق...يعني مافي شي اسمه طلعو عكس وانا مخدوعه فيهم ...وهذي شي يمكن انتي وانا نمر به الله يثبتنا جميعا على طاعته 

ثانيا :احنا كمسلمين شعارنا في الحياه (قل إن صلاتي ونسكي ومحياي ومماتي لله رب العالمين) يعني اي احسان او معروف او حسن خلق نقدمه نبتغي به وجه الله حتى لو كان مع انسان مايستحق علشان كذا وجب الاحسان للاسرا مع ان الاعداء لايحسنون مع الاسرا من المسلمين...ولازم نتذكر ان الله سبحانه مايضيع عنده العمل الصالح  يعني لاتندمين على صله ولا على معروف بالعكس استمري لانك ماتبتغين بها رضاهم لكن رضى الله سبحانه 

ثالثا :واضح من كلامك انهم اقارب ومايجوز تقاطعينهم ..خلي انسان او انسانه حكيمه تدخل للصلح علشان اخرتك بس مهما سوو احنا في الدنيا في جهاد 

رابعا :المشاكل تسير بين الاقارب شي طبيعي بس لازم مايلعب علينا الشيطان ونعتبرهم يحسدون ويتمنون الشر ..وحتى لو هم كذا انتي  مؤمنه وعارفه ان لن يصيبك الا ماكتب الله لك  وحافظي على الاذكار ونصيحه هم غلطو عليك لايكون هذا دافع انك توزعين عليهم حسناتك بالغيبه 

خامسا :قلتي  وصرت اقرى قران واستغفر... لعل هذاالابتلاء باب خير لك تتقربين فيه الى الله .وتناجين الله بقلب منكسر 

لاتحزنين الحياه دروس وعبر وكل البشر تمر عليهم اشياء زي كذا لاتجعلين الشيطان يحزنك ويتمكن منك ويدخلك في دوامه الاكتئاب  ...تخيلي المصطفى عليه الصلاة والسلام لو وقف عند تصرف عمه ابو لهب الي كان يحبه وماخذ بنات الرسول لاولاده ..ماكان قدر يكمل مسيرة النجاح 
ونصيحه لاتجعلين ثقتك في مخلوق ابدا مهما كان امك ،ابوك ،زوجك ،عيالك ، ..صح اعامل الناس باحسان وخلق جميعا لكن الثقه لا والف لا مادام البشر ايمانهم يزيد وينقص والاخلاق على حسب الايمان ...خلي كاااامل الثقه في الله وحده
اسال الله ان يفرج كربك ويصلح احوال المسلمين 

ليش تروحين لدكتور نفسي انتي مافيك الا العافيه لا تعلقين نفسك بأحد الدنيا كذا ما عاد فيه صدق الا ما ندر بهالزمن لا تثقين ولا تأمنين احد قريب او بعيد ولا تخلين حياتك تتدمر عشان ناس ما يستاهلون اطلعي واخلقي لك علاقات وصداقات جديده تغنيك عنهم