يا رب كلكم تكونوا بخير
و معلش هتقل عليكم في الاسئله :)
و مش عارفه هو كده مسموح اعمل موضوع لوحدي و لا لا بس انا مستعجله في استفساراتي لان خلاص السفر قرب و معذره للمشرفات الغاليات لو فيه اي خطأ مني
ان شاء الله بداية الاسبوع اللي جاي هسافر لواشنطن و هنزل في
هل فيه محطات للباص بجانب الفندق او مترو انفاق قريب؟
عايزه اعرف الجو عامل ايه هناك ؟ و هل اخد معايا هدوم تقيله و لا صيفي؟
هل المنطقه اللي فيها الفندق فيها مراكز تسوق كويسه و اسعارهم حلوه و لا كلها غاليه؟
لو حبيت اكل بره الفندق فيه مطاعم عربيه او بتقدم اكل حلال؟
ايه اقرب سوبرماركت للفندق ممكن اشتري منه؟
لو عايزه اشتري اي فون هل لازم ادفع اشتراك التليفون و لا ممكن اشتري التليفون لوحده و ايه افضل محلات اتعامل معها ؟
و منين ممكن اشتري جهاز gps و يكون سعره حلو ؟
هل فيه محلات لبيع مستلزمات التوزيعات و التورت و صناعة الشموع و لا بس اشتري اونلاين؟
فيه حاجه تانيه طريقة اللبس :)
انا لبسي كله اسود و بلبس نقاب هل فيه اي عنصريه ممكن اقابلها و انا ماشيه في الشارع او راكبه الباص؟
طبعا انا مش هسال عن محلات لبس الخروج لانه اكيد مافيش لبس ينفعنا هناك , صح ؟
تنصحوني اخد ايه معايا من هنا و هحتاجه هناك و في نفس الوقت مش هلاقيه هناك؟
هل فيه اي نصيحه تنصحوني بها و انا هناك؟
دا ان قلت هدخل الاقي ردود كتييييييييييرة :(