بنات والله اني احبها ساعدوها :(

بسم الله الرحمن الرحيم

حبيباتي

حبيت اكتب لكم قصة اعز قريباتي وهي صديقتي بنفس الوقت

امتحنها الله بالانترنيت وتعرفت على شاب يسكن بمنطقة ثانية بس هي بنفس المملكة لكن بعيدة
المهم هذا الرجال متزوج وعنده اطفال لكن كان تارك زوجته وزي اللي شافته اهي ضعيف ودايم يتشكى لها لين دخل قلبها وحبته
المهم هي لما شافته رجال كبير الله يهديها وثقت فيه وحطت كل ثقتها فيه علمته عن اسمها واسم عائلتها وحتى شاف لها بعض الصور وصور اخوانها :(

المهم بعد علاقة سنة بالضبط حست انه صاحب مشاكل وانه مصاب بمثل المرض النفسي
كانت بالمرة متضايقة منه ومو عارفة كيف تفتك لانه ازعجها بالجوال والماسنجر

رجعت له زوجته فقالت انها فرصه عشان تتركه وتتعذر بهذا العذر
قامت وقالت له انها خلاص ماعاد تقدر تكمل معاه لانها خايفة من زوجته انها تدعي عليها لو دريت عنها وانها ماتبي وكذا وكذا

اقتنع هو بالشي هذا وتركها قرابة الاربع شهور

بعدها رجع يتصل عليها ويهددها بالصور خافت المسكينة واضطرت انها تكلمه وتبكي وتبغى زي اللي تتفاهم معاه قام حلف لها انه ماعنده اي صوره لها بس حب انه يستفزها :(

هي تابت البنت والله ورجعت لربي وتندمت على الشي اللي هي سوته وحتى قالت له انها بتتزوج كذبت عليه عشان يفكها من شره

رجع يدق عليها ثاني لما شافت ان اسلوب التفاهم مانفع معاه قامت اعطت اخوها يرد عليه
لما رد اخوها قام جاب له اسماء العائلة كلها

طبعا الولد انهبل ويبغى يعرف وش السالفة قامت البنت وتعذرت له وقالت ان هذا من كم يوم يدق علي ويقول كل اسمائنا وانا اعطيتك عشان تشوف وش سالفته
وسكت اخوها على هالحال

المهم انه بعد المكالمة رد هذا برسالة يعتذر انه ماكان قصده شي

السالفة هذي لها اسبوعين

بس البنت بحاله مزرية صدقوني تحزن خايفة انه ينتقم ويقوم يكلم ابوها ويفضحها بصورها
وخايفة بعد انه يستعمل الصور يعمل لها عمل او شي بعد :(

ادعوا لها تكفون ان ربي يخفف عنها او ساعدوها باي حل
لاني زي ماشفتها ماتفارق سجادتها وبس تبكي ومتندمة اشد ندم وحياتها صارت كابوس حتى الضحكة تستخسرها

الله يوفقكم حبيباتي لما يحبه ويرضاه

تحياتي