بنات والله اني محتاره وماني عارفه كيف اتصرف

السلام عليكم ورحمة الله وبركاته

طبعا انا للحين مالقيت حل ولا استشرت احد الا انتوا اول من خطر في بالي

السالفه ان زوجي واعدني من زمان انه يوديني عمان كم يوم .. وكل مره ياجل وتصير ظروف الين جا هالوقت اللي انا حامل فيه باخر الشهر السابع والمشيمه نازله عندي ومعرضه للنزيف في اي وقت وعندي اثنين من العيال طبعا لازم اخذهم معاي اذا رحت

والروحه بالسياره .. انا ماودي ااجل الموضوع او ارفضه لان اعرف لو رفضت ما راح احصل لي سفره الله العالم متى بتكون

وانا يا خواتي اعاني من اني دايم محبوسه بالبيت وما عندي احد اعرفه او اسولف معه وزوجي كل وقته برع البيت وعايشه في شقه كانها سجن لا اهل ولا صديقات ولا حتى اتصل على حد ولا حد يتصل علي لاني مقطوعه عن الناس

وهالشي بسبب ظروفي .. شو اتشورون علي لاني مره مره محتاره ودي اروح وخايفه على نفسي علما ان الدكتوره قالت لي اول ما تشوفي اي اثر للنزيف على طول تروحين الطواري؟؟؟؟؟؟؟؟؟؟؟