###بنات والله خايفه بكريه وبعيده عن اهلي وعندي بوادر ولاده الظاهر ###

السلام عليكم


امس جاني طلق قوي مره من قوته اصارخ وقعد زوجي يقرى علي وقال بوديك المستشفى رفضت

وبدا يخف هذا الساعه 5.30 العصر واقعد اكل تمر واتكبى واشرب زمزم وانقع زعفران واشربه

واتقهوى على دواء قهوة طريقه قشر قهوه كنت مجهزته لنفاس

وحسيت انه خف وقدرت اجلس اول ماني قادره اجلس طول الوقت امشي

عاد قلت لزوجي ابغى انام لاني من صلاة الفجر مانمت وصليت العشاء وانام واول ماغفيت واصحي على ذيك الطلقه القويه

عجزت اقوم من السرير ويجي زوجي على صرختي ويشيلني من السرير ويوقفني بعدين بدت تخف شوي

شوي ورفض زوجي قال بوديك المستشفى وانا مانزل مني مويات ولادم بس من الفجر بدت تنزل مني افرازات

صفراء ثقيله ويوم حسيت بالالم احس بسايل لزج ينزل مني

سمعت كلام زوجي ورحت الساعه 9 بالليل واكشفت علي والرحم فاتح 2 سانت

وقعدت تنافخ علي تقول ليش تجين يوم قلت ابطلع

ويالله يطلعوني 12 طبعا تعبانه لااكل ولانوم من الفجر بس استفراغ

ويجب لي زوجي عشاء واكلت وانا ما اشو ف ونمت الساعه 1 بالليل وصحيت الساعه 4 الفجر على نغزات بطني

وظهري واروح للحمام واشوف افرازات بنيه ثقيله زي الكدره

واصلي الفحر واطلع بالحوش امشي وبعدين نمت حاسه بالم بس اقدر اتحمله

واصحي 9 الصباح وافطر وارجع انام ودي اعوض اللي مانمت امس خفت يجيني الم وانا مانمت

واصحي 12 واصلي الضهر واقعد امشي ساعه طبعا الوجع راح نهائيا

واكل واقعد اشرب يانسون واروح للحمام والمفاجاة




نزلت مني افرازات يالله اسحبها ثقيله شبه شفافه يعني بنيه فاتح واخرها معاها دم
كميتها كبيره

اعذروني على الوصف بس مالي غيركم


واخاف قلت بس ولاده والى الان مانزل معي شي ولافيه الم


انا قلت يمكن هاذي سدادة الرحم لاني الظهر نسيت لااقولكم اتشطفت بمره وماء دافي


تكفون ساااعدوني اللي عندها خبرة وش اسوي اروح للستشفى


ولا اقدر اكلم امي خايفه تتواكل علي لان عندها ضروف ولاعيدت عندها



سااعدوني مالي غيركم اساله