بنات والله ماراح يضركم بشيء ماراح آخذ منكم الا دقيقتين اسعفوني محتاجتكم بهالوقت الحين

السلام عليكم ورحمة الله وبركاته حوائيات

وبما اننا لا نجيد المقدمات

وبما ان بكره مدرسه

وبما اني طالبه نجيبه أنام الساعه 10

00000


مشكلتي :

الساعه 11 ونص يعني قبل ساعتين ونص قمت مثل الغزال ابروح انام
رحت جهزت شنطتي وشرابي وجزمتي - اعزكم الله , قدام غرفتي عشان اطلع والقى اغراضي جاهزه

مو اقعد ساعه احوس بالبيت ادور اغراضي واروح متأخره :35:

المهم , بعد ماجهزت اغراضي في غضون خمس دقاااائق , دخلت غرفتي ووثبت على سريري الحبيييب
ووضعت رأسي في وسادتي الدبدوبه الحلوه , وقلت باسم الله وغمضت عنووووني

. . . . . . . .

المفاجــــئه

. . . . . . . .

الساعه 12

للحين ما نمت !


الساعه 1 للحين ما نمت !!!!

السساعه 1 ونص

للحييييين مانمت

ما اكذب عليكم خنقتني العبره وخفت وعورني بطني :44:

قلت يمكن مليت من جو غرفتي , ابغير

واطلع واروح لغرفة اختي الصغيره لأنها نايمه عند امي

المهم وارقد على سريرها واغمض عيوني ابي اناااام ابي انااااام !!


والنتيجه











جت الساعه 2 ما نمت !!!!!

ليه ؟؟؟؟؟؟

وش اسوي !؟

نط علي ضميري المطنش : يانوير انتي طول الاسبوعين اللي راحت سهر وأكل ومقابله لابك تشوفين هالمسرحيات وو و و و و . . . إلخ
وماتنامين الا الساعه 10 9 7 الصباح , جت على اليوم بس !؟؟

قلت له : ايه والله صادق .

قال ضميري المطنش : ادري اني صادق , انتي الحين مجهده نفسك ومتعبه عمرك عشان المدرسه
وهالمدرسه مافكرت تريحك او ترحمك , فأنتي لا تضيعين مجهود ولا تعورين راسك عليها .

قلت : طيب وش اسوي ؟

قال ضميري المطنش : روحي افتحي اللاب ووسعي صدرك وروحي مواصله شوفي نصف البنات مواصلات وماشاء الله في كامل النشاط , وبعدين يا نوير اول يوم ما راح يكون فيه دروس كثيره .

قلت : ايييه والله جبتها .

وانططط من سرير اختي المخملي الدميل , اتجاهاً الى غرفتي . . . وانا بالطريق
قابلت ضميري الشطور , قلت له : للحين ما نمت انت بعد ؟

قال ضميري الشطور : لا ما نمت , كنت نايم بس قرارك صحاني .

قلت وبكل غباء : وش تقصد ؟

قال ضميري الشطور : ليه يانوره ؟ معقوله بتصيرين مثل هالبنات ال أي شيء ؟ , معقوله ؟ وين اللي
منظمه وقتها ومهتمه بنفسها وبنومها وبدروسها !

قلت : طيب وش تبيني اسوي والله غصب عني لو الود ودي نمت من الساعه 8 بس وش اسوي ساعتين ونص ماجاني النوم عورني راسي من كثر ماانا احاول انام . !!

قال الشطور : انا فاهمك , وعادي روحي افتحي اللاب .

قلت : ياربي دوختني مره كذا ومره كذا , وش تنصحني به ؟

قال الشطور : روحي افتحي النت وادخلي عللى بنات حواء , اطلبي منهم الحل وشوفي , هم عاقلات وفاهمات وراشدات وما شاء الله عليهم رأيهم يستاهل تأخذينه .

قلت : ايه والله ذكرتني بهم , اجل ابروح لهم بس خايفه يملون مني كل حدث والثاني اطق بابهم بيطفشون .

قال الشطور : مستحيل بنات حواء يطفشون من اللي طق بابهم وأخذ رايهم , بالعكس .. بيعطونه كل المساعدات
والآراء , وانتي تأكدي بنفسك .

قلت له : يالله تعال معي ندخل على حواء واعرض لهم هالمشكله .

-----

وهذا انا عرضت عليهم مشكلتي , بنات لا تخيبون ظني لا تدخلون وتطلعون تقولون هذي شكلها جايه تستخف دم
او تألف قصص او مدري ايش . . . والله ابي احط هالنكهه احس ان فيه احد بيسمعني ويحس فيني تكفون يابنات لا تطنشوني ولا تخيبون ظني فيكم ارجوكم قولوا لي وش اسوي ؟؟ انتم اكيد اذا حطيتوا موضوع او مشكله لو حتى صغيييييره مثل النمله اكيد تبوني يكون فيه ردود وآراء وكل وحده لها رأي , انا بعد ابي كذا

معلومه : اليومين اللي راحوا كلها نوم ! وانا اليوم قايمه الساعه 3 العصر .

بإنتظاركم . . .