بنات والله منقهرة من هالحالة .. تكفون مالي الا مشورتكم وتوجيهكم .. وش الحل تعبت تعبت

السلام عليكم يا بنات حواء ..

ما شاء الله عليكم تعجبوني جدا على حبكم للتعاون .. الله يسهل أموركم ويسعدكم ..

أنا مشكلتي مشكله ..

دائماً أرجع للسوق ونفسيتي زفت زفت زفت !!
وإن ما بكيت من القهر فهو أعجوبه !!
والله اني بالسجود أدعي ربي إنه ييسر لي هالأمر ..
والسبب اللي يقهرني هو ..

البضاعة اللي كل ما أشوفها أتحسب على أصحابها !!

يا ناس أنا تعبت وأنا أدوّر ملابس ساتره ..
أبي تنانير حلوه وذوق وطويله ..
أبي بلايز محترمه ..

البلايز أمرها أسهل .. وفي بعض الأحيان أحصلها ..

لكن التنانير للأسف لا لا لا لا :06:!

والله إني درت على ثلاث أسواق كبيره .. مالقيت إلا تنانير جنز أو ألوان موحّده !
وان لقيت تنانير طويله .. والله أشكالها قبيحه !.. وشويه عليها قبيحه ..

أنا تعبت بقوّه ..

في عزايم واحتفالات ما أروح لها والسبب ما عندي لبس !!!
كل لبسي رسمي في رسمي ..
لأني مستحيل ألبس قصير ..
ومستحيل ألبس بلوزة طويله وتحتها بنطلون ..

أنا طلباتي محدده ..
وأحيانا ألقاها .. بل نادر النادر .. ألقاها في محل برومود .. مع ان برومود هالحين بايخ بقوّة ..

يا ناس أمي تعبت منّي .. تقول أنت تلعبين بفلوسك ما تشترين شيء ينشاف عليك .. !!

والله مو السبب مني .. من الأسواق البايخه ..

عطور عندي .. جزم عندي .. شنط عندي .. ذهب عندي .. كل شيء عندي .. وماركات بعد !

إلا اللبس ...

تكفون يا بنات اذا تعرفون محلاّت بالرياض محدده توفر ملابس ساتره وذوق تقولون إسمه ..
أنا ضايق صدري العيد قرّب ولا عندي لبس ..
الظاهر ماني معيده !!! :06:

تخيلوا لبسي كلّه تنانير جنز !!

أووووف منقهره :mad:..
حسبي الله على اللي ناوين يحدوننا على المعصية !


المفروض يتوفر في السوق ما يناسب المجتمع السعودي !
مو المجتمع الأوربي وهالطقّة !

تكفون ساعدوني الله يكتب لكم الأجر ويحقق لكم أمانيكم ..