السلام عليكم ورحمة الله وبركاته
هلا وغلا خواتي الحبيبات
الصراحه يا بنات حاسه بحرقه بقلبي وودي ابجي من القهر:(
اليوم مر علي موقف طبعا كلكم تعرفون برنامج البالتوك للمحادثه انا دايما ادخله علشان استفيد منه خاصه الغرف الاسلاميه لانها تنقل محاضرات ودروس لمشايخ معروفين مثل خالد الراشد ومحمد العريفي وغيرهم من المشايخ المهم اليوم دخلت غرفه فيها عدة مواضيع ونقاشات وقعدت اسمع شوي ودخلت علينا وحده للأسف سعوديه تدرس برا ونكها (( دلعني ........مابكمل الاسم لاني مابي افضحها))الله يستر عليها ويهديها المهم اخذت المايك وقامت تتميع وتتأوه وتقول حق هذا حبيبي وحق ذاك حبيبي وخبلت بالشباب اللي بالغرفه عاد اهم كانوا يتكلمون بموضوع يخص دراستها وهي ماصدقت خبر مسكت المايك وطاحتله سوالف واذا خلصت قالت للشاب لك احلي مايك مغطى بالشوكولاته ومن ها الكلام البايخ واللي ماله داعي والله قلبي شب نار :06: ماعرفت من القهر شقولها بس يوم شفتها زودتها كتبت لها اشفيج يافلانه اعقلي وبعد جملتي هاذي مارجعت مسكت المايك الظاهر استحت وطلعت من الغرفه وفي شي ضايقني منها وايد قالت لما رحت السعوديه وانا بالسوق شافني مطوع وكنت لابسه عباية كتف جان يقولي حطي عباتج على راسج قلت له ماقدر لانها عباية كتف لان مثل ماتعرفون عباية الكتف اذا ارفعتها على راسها بتصير قصيره المهم قالها اذا ماحطيتيها على راسج طلعي من السوق تقول قلت له طيب خلاص بحطها وقمت وحطيتها على راسي وجان تطلع رجولي ويوم شافني قالي تغطي نزلي عباتج وتتكلم بستهتاروتظحك ولا كأن هامها شي:( وانا اسمع وقلبي شاب نار اقول الحين بدل لا تقوله جزاك الله خيرقاعده تظحك وتتميع ليش البنات صاروا جذيه مايخافون الله :44: والشباب اللي كانوا موجودين منهبلين عقولهم طارت عليها صاروا جذيه :32: كأنهم اول مره يسمعون صوت بنت بنات اعذروني على الاطاله بس والله من حرقة قلبي طلعت من النت وانا ودي ابجي وحمدت ربي مليون مره على نعمة الهدايه والمصيبه ان الغرفه كانت مليانه بنات وكلهم محترمات مايتكلمون ونادر مايشاركون بالكتابه يعني ماستحت على ويها وسكتت فعلا يا بنات انصدمت من تصرفها حتى اني من الصدمه حسيت ان تفكيري انشل ماقدرت اسوي شي لو سمعتوا صوتها وهي تتأوه وتتميع :06: شي فضيع .
ابي اقول للبنات اللي يتكلمون مع الشباب ويسون مثل ها البنت اتقوا الله وتذكروا الموت وظلمة القبر والحساب و يوم بتوقفون بين يدي رب العالمين والله يابنات قاعده اكتب وقلبي يعتصر ألم على بناتنا وعلى المستوى اللي وصلوله من التخلف والاستهتاروعدم المبالاه
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه اللهم استر علينا وعلى جميع بنات المسلمين اللهم آمين.
((اللهم انت ربي لااله الا انت خلقتني وانا عبدك وانا على عهدك ووعدك ماستطعت اعوذ بك من شر ماصنعت ابوء لك بنعمتك علي وابوء بذنبي فغفر لي فإنه لا يغفر الذنوب الا انت )) اللهم اغفرلي وارحمني وانت ارحم الراحمين:44:
يلزم عليك تسجيل الدخول أولًا لكتابة تعليق.
نصر
•
الاخت (( جنـــــــــــــان )) معكى حق تشعرين بهذا الاحساس ولكنالفتاة التي تتكلمين عنها قد تكون شاب يستخدم برنامج تغيير الصوت ويضحك ويتلاعب بالشباب..
شر قاوية
•
جايز يكون كلامك صح أختي نصر وجايز تكون فعلا بنت لانه يوجد بنات لا حياء ولا دين نسال الله العافية
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه اللهم استر علينا وعلى بنات المسلمين
جزاك الله خير أختي جنان على غيرتك
وتقبلي تحياتي:26:
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه اللهم استر علينا وعلى بنات المسلمين
جزاك الله خير أختي جنان على غيرتك
وتقبلي تحياتي:26:
جزاكم الله خير اخواني
نصر
و
شرقاويه
على مروركم وتشريفكم للموضوع وبالنسبه لكلامك اخوي نصر انا متأكده انها بنت من كلامها وصوتها واسلوبها الشاب مهما غير في صوته ينعرف انه واحد حتى لو استخدم برنامج تغير الصوت ينكشف الله يهديهم جميعا الشباب والبنات ويصلح حالهم.
نصر
و
شرقاويه
على مروركم وتشريفكم للموضوع وبالنسبه لكلامك اخوي نصر انا متأكده انها بنت من كلامها وصوتها واسلوبها الشاب مهما غير في صوته ينعرف انه واحد حتى لو استخدم برنامج تغير الصوت ينكشف الله يهديهم جميعا الشباب والبنات ويصلح حالهم.
الصفحة الأخيرة