بنات وشلون اكون قنوعه

اهلين باعز اخوات عندي وبلغالين والله والله يابنات انكم عزيزات على قلبي وتعودت اي شي مضايقني اقوله لكم والقى الحلول عندكم
انا مره كتبت عن وضعي بيتي الممل من اهمالي لعيالي ولبيتي وزوجي بس الحمدلله بديت اتغير شوي شوي بس الي مضايقني اني مااعرف امسك يعني ابي اكون اقتصاديه خاصه في البس انا مره احب اشتري لبس وابد مو قنوعه يعني مايكفيني الي عندي وانا تعجبني طريقة صديقاتي يعني اول الصيف يدخلون السوق ويشترون كم قطعه لعيالهم وخلاص مايدخلون السوق الا بعد كم شهر بس انا مااعرف ابد ماقدرت وبنفس الوقت مااعرف اشتري مره وحده واحس هاذا الي مضيع فلوسي يعني احب كل اسبوع اشتري وزوجي يقول مااتوقع نشتري بيت وانتي على هلحال تهئ تهئ المشكله اني ابي بيت ملك بس ماابي اتنازل مدري وشلون تجي ذي
تخيلو يابنات اني افكر بمناسبات للحين ماجت افكر وش البس فيها لدرجة اني صرت احس اني سخيفه وتفكيري سطحي بس شسوي البس مجنني مجنونة لبس واحيانا اذا خلصت فلوس زوجي اقعد الوم نفسي واقول انا السبه طول الشهر صرف وبعد هو من النوع الي اذا قلتله عطني مايقول لا قولو ماشاءالله بنات تكفون المشكله انا هاذا الشي يضايقني ودي يقول مامعي مو يعطيني واذا خلص الراتب قال انتي الي خلصتيه
المهم بنات انا زوجي مايعطيني مصروف معين اذا بغيت شي عطاني وبس يعني غير الفلوس الي يعطنياها اذا رحت لاهلي وودي يكون عندي مصروف بس اخاف اخلصه من اول يوم خخخخخخخخ المهم بنات انا وعيالي ثلاثه الله يصلحهم وزوجي يعتبر راتبه زين الحمدلله بس مو غني مره يعني حالته الماديه جيده غير الاجار طبعا بس ابي اعرف كم يكفيني مصروف شهري وكيف اصرفه عشان مايخلص بسرعه يالله بنات تكفون ساعدوني ابي اكون اقتصاديه