ياهلا وسهلا
انا من تزوجت جيت لامريكا فما جربت العيشه في السعودية مع زوجي.
الكل يقول لي الغربة اريح زوجك متفرغ لك و مهتم فيك .. بس بصراحة احسه مشغول بالدراسة و مهموم .
اتوقع اننا نخاف من التغيير لان لنا نظام و روتين مرتاحين عليه و نخاف نغيرة و هذي طبيعة الانسان.

اهلين والله بالغالية مملوحة

وش اخبارك عساك بخير

سؤالك دايما يتردد ولكن اجابته دائما مجهولة بالنسبة لي

ستبقى للغربة ذكرياتها وسنعيش ايامنا نذكرها ونذكر لحظاتها بكل خير
لاننكر لهفتنا للوطن

ابدا فحنينا اليه لايشك به عاقل

ولكن نحن <<يعني حنين ههههههههههههه

الى وضع وجدنا فيه مالم نجد في اوطاننا
مملوحة قرات كاماتك بقلبي وشعرت بها تلامس احساسي وماملك الا ان اقول

اجمل التاريخ كان غدا فما يدريك ماستحمله الايام لنا

اسعدني جدا حضورك وساءني جدا غيابك عن ملتقانا ياعزيزتي

اهلين اختي احلى وطن

حياك الله يااختي واسال الله ان يحفظ العراق لاهله وان يرد كيد الكائدين يارب
توقيعك اثار مدمعي فما حب الوطن باليسير؟؟؟

بالنسبة للتدخل نعم
احيانا يسبب مشاكل ومشاحنات ولكن لعل الامور تبقى الطف واهدا بالمسايرة
والاسلوب الدبلوماسي :D

اسعدني حضورك عزيزتي

والله الغربه صعبه ويجي الواحد ساعات خلاص وده يرجع باللي هو به
اتوقع لو البعثه لي كان كنسلتها منذ مبطي ...
بس والله الغربه علمتنا كثير سواء في بيتي او تعاملي مع الناس
والحمد لله وجود العرب الطيبين معنا وتوفر الانترنت وحبايبنا في المنتدى يحل كثير
ودي نخلص باقرب وقت من الشوق للاهل والاحباب لي سنتين ما رحت الله ييسر
بس في نفس الوقت شايله هم زي ما تفضلوا الاخوات الناس كل يوم في تغير للاسوا
من الرسميات والكلافه ولا يخلون احد في حاله
دايم افكر اذا رجعت ان شاء الله ما اصير مثلهم لكن ما ادري يمكن اقول وش ناقصني ليش ما البس اللي يلبسون واحط اللي يحطون بس الانسان يبي يحاسب عن كل شي الاسراف والتبذير ما له سنع
انا قعدت اسولف ونسيت عمري بس سامحوني بس اعجبني الموضوع دايم تساؤلاتك يا حرومة تجي على بالي الله يجزاك خير خليتينا نفظفظ
سلامي للجميع

انا جيت مره ثانيه
و ان شاء ما ينمسح بعد ... :16:

حرومه ... ما اقول الا أأأأأأأأأأأأأه بس .. بصراحه جيتي على الجرح .. اكثر موضوع افكر فيه هذه الايام ..
اكيد ما فيه احد ما يبي يرجع لكن اقولك الايجابيات الي هنا تحببنا بجلوس هنا ..

اولا .. احترام الاطفال ... و هذا شي مهم . يعني هناك الطفل كأنه مو موجود للاسف و هذا الشي يتعب نفسيته بنتي ... اذا جت تتكلم يطنشونه .. ليه لانه (بزر) ما تفهم ... طبعا على غير الالفاظ الي يالله من فضلك .. انقلعي اسكتي يا حماره يا كلبه .. يا سلام و تبون الاطفال يطلعون واثقين من انفسهم :( !!! طبعا بنتي ما تعودت على هذا الكلام لان ما عنده احد هنا ,,, فتعالي شوفي الانقلاب الي راح يصير لما تعيش هناك .. اتذكر موقف .. بنتي كان عمرها سنه و نص .,.. و تعرفين هنا بامريكا كل ما يشوفه احد يقوله هاي .. بنتي حافظتها .. رحنا لبنده .. و تشوف رجال و تقوله هاي و تضحك تبيه يرد .. و هو مكشررررررر شكله وده يضربه لو يحصل له .. و يش يضرك لو تبتسم له .. خصوصا انه ابوها معه !!!

ثانيا .. الحريه بالسوق .. يعني تبين السوق .. عاااادي روحي .. لا فيه مضايقات و لا معاكسات .. و لا فيه الا ناس يبتسمون لك و يسلمون عليك و يلاعبون عيالك .. و يمسكون لك الباب ... ايش تبغين اكثر من هذا الاحترام الي للاسف ما نلقاه في بلدنا .. الله يرحم حالنا .. فعلا اسلام بلا مسلمين .. هنا

ثالثا ... الخصوصيه ... انت جالسه في بيتك .. ما احد يدري عنك عندك مشاكل .. ما احد يدري .. و لا احد يلاحظ ... مو مثل هناك .. تلقيناك توك متهاوشه مع زوجك الا التلفون يرن .. امك و لا ام زوجك .. ترى بني نروح لفلانه .. تقولين لا و الله ما اقدر .. ليه !!! وش عندك .. تقولين زوجي مشغول ما يقدر .. يقولون حنا نمر عليك .. لا ما عليش انا اروح يوم ثاني .. يقولون .. فيكم شي .. و راكم .. و ش فيكم .. و في هذه الحاله اما انك تضطرين تروحين و انت متضايقه او ما تروحين و هم يزعلون !!! و الله يعين ..

رابعا ... قل المشاكل .. لانه هنا العائله صغيره و المسؤوليات محدده .. ما فيه مفاجئات .. كل واحد يعرف ايش له و ايش عليه .. هناك .. كل شي سايح على بعضه .. شي الشغاله تسويه و شي السواق .. و الاهل .. و عسى الزوج او حتى الزوجه يبقى لهم شي ..

خامسا ... رحمة الزوج .. احس الزوج هنا يرحم زوجته لانه يحس انها متغربه بس علشانه .. اذا مرضت يحاول يخدمها .. ولو كان بشي بسيط .. بس تحسين باهتمامه .. هناك تعبانه روحي لاهلك !!! و الكل يستنكر لو تعبتي و ما رحتي كأن المفروض ان اهلك الي يهتمون فيك مو زوجك .. !!! انت تخدمينه و انت يخدمونك اهلك !!! للاسف هذا المجتمع .. و حتى لو بغى زوجك يخدمك .. تعالي شوفي التعليق .. ليش وديها لاهلها احسن .. !!! :icon33:

سادسا ... تربية الاطفال ... و ما ادراك ما تربية الاطفال ... الطفل يكون مثل العجينه في يدك تقدرين تشكلينها مثل ما تبين .. لكن اذا انت هناك .. يجييك من كل بحر قطره .. اذا مرض .. ياسلام .. كل الوصفات الشعبيه تجييك و اذا جا شوية هواء غطيه دفيه .. يعني النكته انو انا ولدت بنتي بعز البرد و نزلت السعوديه بالكرسمس و كان عمرها يمكن 3 شهور .. و هناك تعرفين بردنا .. و تعالي شوفي النصايح .. لفيه ببطانيه .. لبسيه كذا و لا كذا .. و لاجاكيت و الطربوش .. حشى يوم اني بامريكا ما لبستها كل ذولي علشان البسها اياهم هنا .. لا و بجامه داخليه و بعدين تعرفين الفنيله الصوف الي مو دون اكممام جايبينها لي و بعدين الملابس الخارجيه .. حشى بالاسكيمو حنا !!! و اذا عطست .. يمكن علشان شعري لمس خشمه .. قالو ... شفتي دخله برد .. اكيد لفحه هواء .. دهنيه بفكس و لا زيت زيتون دافي !!!

سابعا ... الاعتماد على النفس ... هنا تحسين انك صدق ربة بيت تعتمدين على نفسك تحسين انك مسؤوله و قادره على حمل المسؤوليه .. هناك .. كأنك طفله و لا معاقه .. كأنك ما تعرفين شي .. و هذا الشي يقهر ..

ثامنا ... العزايم .. هنا ( على البساطه البساطه ) يا سلام كل شي صياني قصدير .. و صحون بلاستيك و ملاعق بلاسيتك اما هناك .. ما يحتاج اقول اكيد انتم عارفين ..

تاسعا ... هنا .. فيه اشياء كثيره ممكن تروحين لها انت و زوجك و عيالك تتمشون سوا ... هناك كل شي نساء و لا رجال ما فيه عوائل .. و اذا فيه احسن ما تروحين لانه مضايقات و ما ترتاحين

اكمل و لا كذا يكفي الظاهر الي يقرأ هذا يقول ما ابي اروح ..

بصراحه حابه الجلسه بس مو لدرجه اني ابي اجلس هنا على طووول .. لا ان شاء الله البلد ما فيه زيه ابد .. و على قولت زوجي كله فترة و تنسين انك كنت بامريكا و تصير الحياة عااااااااااادي



بس من اهم الاشياء الي انا فعلا خايفه منها .. تغير زوجي .. و حتى انا اكيد راح اتغير .. و هذا الشي مقلقني .. لاني احس انني ممكن اتحكم في اي شي مثل علاقاتي مع الناس تدخل الناس فينا .. الا التغيير .. هذا ما اقدر اغيره .. يعني هنا اذا زعلنا ما لنا الا بعض على طوول نرضى ما نطول .. هناك الكل يلقى من يسليه .. هو يروح لاصدقائه و اهله و انا نفس الشي و تمشي الايام و المشاكل تتراكم .. لانه ما راح يكون فيه حاجه ماسه للطرف الاخر مثل هنا .. .. الله يعين بس

معليش فضفضت زياده عن اللزوم .. بس تعرفين الروحه مقربه و انت سألت في الوقت المناسب و بعد لو انت شايفه ردي الاول كاتبه فيه شي و شويات .. (تلقينك تقولين اشوى انه انسمح) :D