الواحة الغناء :

والله الغربه صعبه ويجي الواحد ساعات خلاص وده يرجع باللي هو به اتوقع لو البعثه لي كان كنسلتها منذ مبطي ... بس والله الغربه علمتنا كثير سواء في بيتي او تعاملي مع الناس والحمد لله وجود العرب الطيبين معنا وتوفر الانترنت وحبايبنا في المنتدى يحل كثير ودي نخلص باقرب وقت من الشوق للاهل والاحباب لي سنتين ما رحت الله ييسر بس في نفس الوقت شايله هم زي ما تفضلوا الاخوات الناس كل يوم في تغير للاسوا من الرسميات والكلافه ولا يخلون احد في حاله دايم افكر اذا رجعت ان شاء الله ما اصير مثلهم لكن ما ادري يمكن اقول وش ناقصني ليش ما البس اللي يلبسون واحط اللي يحطون بس الانسان يبي يحاسب عن كل شي الاسراف والتبذير ما له سنع انا قعدت اسولف ونسيت عمري بس سامحوني بس اعجبني الموضوع دايم تساؤلاتك يا حرومة تجي على بالي الله يجزاك خير خليتينا نفظفظ سلامي للجميع

والله الغربه صعبه ويجي الواحد ساعات خلاص وده يرجع باللي هو به اتوقع لو البعثه لي كان كنسلتها...

الهنديه :

انا جيت مره ثانيه و ان شاء ما ينمسح بعد ... :16: حرومه ... ما اقول الا أأأأأأأأأأأأأه بس .. بصراحه جيتي على الجرح .. اكثر موضوع افكر فيه هذه الايام .. اكيد ما فيه احد ما يبي يرجع لكن اقولك الايجابيات الي هنا تحببنا بجلوس هنا .. اولا .. احترام الاطفال ... و هذا شي مهم . يعني هناك الطفل كأنه مو موجود للاسف و هذا الشي يتعب نفسيته بنتي ... اذا جت تتكلم يطنشونه .. ليه لانه (بزر) ما تفهم ... طبعا على غير الالفاظ الي يالله من فضلك .. انقلعي اسكتي يا حماره يا كلبه .. يا سلام و تبون الاطفال يطلعون واثقين من انفسهم :( !!! طبعا بنتي ما تعودت على هذا الكلام لان ما عنده احد هنا ,,, فتعالي شوفي الانقلاب الي راح يصير لما تعيش هناك .. اتذكر موقف .. بنتي كان عمرها سنه و نص .,.. و تعرفين هنا بامريكا كل ما يشوفه احد يقوله هاي .. بنتي حافظتها .. رحنا لبنده .. و تشوف رجال و تقوله هاي و تضحك تبيه يرد .. و هو مكشررررررر شكله وده يضربه لو يحصل له .. و يش يضرك لو تبتسم له .. خصوصا انه ابوها معه !!! ثانيا .. الحريه بالسوق .. يعني تبين السوق .. عاااادي روحي .. لا فيه مضايقات و لا معاكسات .. و لا فيه الا ناس يبتسمون لك و يسلمون عليك و يلاعبون عيالك .. و يمسكون لك الباب ... ايش تبغين اكثر من هذا الاحترام الي للاسف ما نلقاه في بلدنا .. الله يرحم حالنا .. فعلا اسلام بلا مسلمين .. هنا ثالثا ... الخصوصيه ... انت جالسه في بيتك .. ما احد يدري عنك عندك مشاكل .. ما احد يدري .. و لا احد يلاحظ ... مو مثل هناك .. تلقيناك توك متهاوشه مع زوجك الا التلفون يرن .. امك و لا ام زوجك .. ترى بني نروح لفلانه .. تقولين لا و الله ما اقدر .. ليه !!! وش عندك .. تقولين زوجي مشغول ما يقدر .. يقولون حنا نمر عليك .. لا ما عليش انا اروح يوم ثاني .. يقولون .. فيكم شي .. و راكم .. و ش فيكم .. و في هذه الحاله اما انك تضطرين تروحين و انت متضايقه او ما تروحين و هم يزعلون !!! و الله يعين .. رابعا ... قل المشاكل .. لانه هنا العائله صغيره و المسؤوليات محدده .. ما فيه مفاجئات .. كل واحد يعرف ايش له و ايش عليه .. هناك .. كل شي سايح على بعضه .. شي الشغاله تسويه و شي السواق .. و الاهل .. و عسى الزوج او حتى الزوجه يبقى لهم شي .. خامسا ... رحمة الزوج .. احس الزوج هنا يرحم زوجته لانه يحس انها متغربه بس علشانه .. اذا مرضت يحاول يخدمها .. ولو كان بشي بسيط .. بس تحسين باهتمامه .. هناك تعبانه روحي لاهلك !!! و الكل يستنكر لو تعبتي و ما رحتي كأن المفروض ان اهلك الي يهتمون فيك مو زوجك .. !!! انت تخدمينه و انت يخدمونك اهلك !!! للاسف هذا المجتمع .. و حتى لو بغى زوجك يخدمك .. تعالي شوفي التعليق .. ليش وديها لاهلها احسن .. !!! :icon33: سادسا ... تربية الاطفال ... و ما ادراك ما تربية الاطفال ... الطفل يكون مثل العجينه في يدك تقدرين تشكلينها مثل ما تبين .. لكن اذا انت هناك .. يجييك من كل بحر قطره .. اذا مرض .. ياسلام .. كل الوصفات الشعبيه تجييك و اذا جا شوية هواء غطيه دفيه .. يعني النكته انو انا ولدت بنتي بعز البرد و نزلت السعوديه بالكرسمس و كان عمرها يمكن 3 شهور .. و هناك تعرفين بردنا .. و تعالي شوفي النصايح .. لفيه ببطانيه .. لبسيه كذا و لا كذا .. و لاجاكيت و الطربوش .. حشى يوم اني بامريكا ما لبستها كل ذولي علشان البسها اياهم هنا .. لا و بجامه داخليه و بعدين تعرفين الفنيله الصوف الي مو دون اكممام جايبينها لي و بعدين الملابس الخارجيه .. حشى بالاسكيمو حنا !!! و اذا عطست .. يمكن علشان شعري لمس خشمه .. قالو ... شفتي دخله برد .. اكيد لفحه هواء .. دهنيه بفكس و لا زيت زيتون دافي !!! سابعا ... الاعتماد على النفس ... هنا تحسين انك صدق ربة بيت تعتمدين على نفسك تحسين انك مسؤوله و قادره على حمل المسؤوليه .. هناك .. كأنك طفله و لا معاقه .. كأنك ما تعرفين شي .. و هذا الشي يقهر .. ثامنا ... العزايم .. هنا ( على البساطه البساطه ) يا سلام كل شي صياني قصدير .. و صحون بلاستيك و ملاعق بلاسيتك اما هناك .. ما يحتاج اقول اكيد انتم عارفين .. تاسعا ... هنا .. فيه اشياء كثيره ممكن تروحين لها انت و زوجك و عيالك تتمشون سوا ... هناك كل شي نساء و لا رجال ما فيه عوائل .. و اذا فيه احسن ما تروحين لانه مضايقات و ما ترتاحين اكمل و لا كذا يكفي الظاهر الي يقرأ هذا يقول ما ابي اروح .. بصراحه حابه الجلسه بس مو لدرجه اني ابي اجلس هنا على طووول .. لا ان شاء الله البلد ما فيه زيه ابد .. و على قولت زوجي كله فترة و تنسين انك كنت بامريكا و تصير الحياة عااااااااااادي بس من اهم الاشياء الي انا فعلا خايفه منها .. تغير زوجي .. و حتى انا اكيد راح اتغير .. و هذا الشي مقلقني .. لاني احس انني ممكن اتحكم في اي شي مثل علاقاتي مع الناس تدخل الناس فينا .. الا التغيير .. هذا ما اقدر اغيره .. يعني هنا اذا زعلنا ما لنا الا بعض على طوول نرضى ما نطول .. هناك الكل يلقى من يسليه .. هو يروح لاصدقائه و اهله و انا نفس الشي و تمشي الايام و المشاكل تتراكم .. لانه ما راح يكون فيه حاجه ماسه للطرف الاخر مثل هنا .. .. الله يعين بس معليش فضفضت زياده عن اللزوم .. بس تعرفين الروحه مقربه و انت سألت في الوقت المناسب و بعد لو انت شايفه ردي الاول كاتبه فيه شي و شويات .. (تلقينك تقولين اشوى انه انسمح) :D

انا جيت مره ثانيه و ان شاء ما ينمسح بعد ... :16: حرومه ... ما اقول الا أأأأأأأأأأأأأه بس...

عقد ألماس :

هلا باغلى الحبايب حرررررومه يااحلوك وي احلو مواضيعك الشيقه ادامكي الله شمعهمضيئه للقسم ولاحبائك تنيرين لهم كل ظلام جيتي على اللي مشغلني عن كل شي والله اني اقعد مسبهه ومتنحه بالساعات وانااطبخ افكر وانا في السيار ه افكر عن ايش الفروق اللي راح اجده بعد مارجع وها انا في اخر ايامي وكل مانسبه القلق عندي تزيد ..... :( :( من كل نواحي راح تتغير اشياء على قولة اختي الهنديه : #الطفل .. :icon33: ماله اي وجود وماراح ازيد عل اختي الهنديه.. #التدخخخخخخخخخل .. :( :( :( :( :( :( :( ياربي من التدخل هذا حتى بيتنا عقب ما نرجع يبون هم اللي يختارون البيت عننا وباي حي وبكم ايجاره ؟؟ قريب منهم يعني ايش اقعد الوقت هذا كله في الغربه بانتظار الاستقرار وتجهيز مملكتي الزوجيه بنفسي واجد من يخطط لدفن كل افكاري والتخطيط عني وعن زوجي.. فعلا شي يقهر ..هذي جزاة غربتنا تكافونا بالتخطيط عن حياتنا احنا اولى بمن يخطط حياته عشنا في الغربه وتحملنا مصاعبها من الالف الى الياء مب قادرين نتحمل العيش والتخطيط في الوطن .... ( تفكيرهم مازال انه الولد الصغير نخطط عنه ونفكر جعلو من برالوالدين لوي ذراع) :icon33: :icon33: #المجتمع المتكلف : :( اللك بس ينتظر وش راح ترجعين فيه .. لمن نزلت الفتره اللي راحت السعوديه يقولون لاتقولين مارح تاثثين بيتك من هناااك ترى هنا مو ذاك الزود غير اللي ينتظرك وش تلبسين وش تلبسين عيالك وعيونهم لااله الا الله هذا شي مزعج جدا خاصه اانا من بعد تكلف عشنا بساطه ومن بعد البساطه سنعود للتكلف شي مؤلم وللم اتوقع في يوم اني ساحب البساطه مثل ماحببته هنا في الغربه لانني وجدت من يايدها مو مثل مجتمعنا هنااك حتى في بيت اهل زوجك لازم عيالي كلهممبلبستهم على سنقة عشرررررره ولا يقولون ليش كذا :( اهم شي اللبس نظيف ومرتب وهذا اللي تعلمته من الغربه موب لازم التلكلف ي البيت وخارج البيت :( اهل الزوج والمشاحنات وحركات الحريم :06: :06: النقطه هذي ماارح اعلق فيها لانها فعلا بدون تعليق وكلن يعرف حركات الحريم وهذا اكثر شي متعبني :( الزوج وتغيره : وهذا ايضا مخوفني كثير بس الله يستر واحاول احافظ على النمط اللي تعودته هنا بس انا محتااطه وحاطه في بالي ان كل شي بتغير عشان ماانصدم>>> تدراي على احساسها ههههههه :D هنا كل شي منظم وسريع نبي نطلع طلعنا بدون تخطيط ولا شي يعني بساطه لااصدقاء ينتظرون ولا عزايم ولا خرابيط ولا شي والعيال هنا لهم اوقاتهم مخصصه ونطلعهم ومعطينهم حقوقهم كامله لكن اسئل الله العزيز الكريم ان يحقق كل مانريده في خير وصحه وسلام لي ولكم اخواتي وهناك الكثير والكثير ياحرومه بعثرتي الكثير شااكره لك روعه مواضيعك وجمال اسلوبك الله يديم عليك كل خير السموحه من الجميع

هلا باغلى الحبايب حرررررومه يااحلوك وي احلو مواضيعك الشيقه ادامكي الله شمعهمضيئه للقسم...

dreaming :

حيا الله حرم الدكتور أول مانجي هنا ننزل موضوع الغربه والبكاء على الوطن ولما نجي نروح ننزل موضوع نتمنى فيه البقاء هنا (خلق الإنسان في كبد) لكل شي حسناته وسيئاته ومما لا شك فيه غلا الوطن ماله مثيل ولكن كنا قبل الغربه لما نسمع انه احد تغرب وحب البلد نقول بهرته الحضاره الغربيه وانسلخ من جلدته او سووا له غسيل مخ هههههههههههه لكن بعدما جربناها عرفت السر ليس في البلد بل في الناس نحن امه ينقصها الحضاره التي هي اصلا في دين الله النظام والإلتزام وافشاء السلام وان نكون كالبنيان المرصوص لن اقول ليتنا مثلهم ولكن أقول ليتنا نعود لديننا ونطبق منهج المصطفى كل ما اعجبنا هنا في الاصل هو لنا الحريه (من حسن إسلام المرء تركه مالا يعنيه) الابتسامه (إبتسامة المسلم في وجه أخيه المسلم صدقه) البساطه (ان المبذرين كانوا إخوان الشياطين) والكثيرررررررر أكثر شي راح يزعجني القيل والقال وفلانه سوت وفلانه قالت لكن الحل نقدر نقفل الابواب من اولها وما نسمع لازم نحاول نغير اللي حوالينا والمجتمع هناك يحتاج لنا فلنتعاون ونحاول التغيير أنا ماجربت حياتي هناك قبل الزواج عشان كذا ما اعرف عن ارتباط الزوجين في الغربه تسلمين حرومه على هالموضوع

حيا الله حرم الدكتور أول مانجي هنا ننزل موضوع الغربه والبكاء على الوطن ولما نجي نروح ننزل...