بنات وش الاعشاب اللي تسبب تسقيط .. انا بخطر ساعدوني ..

السلام عليكم ..

بنات انا بحال مايعلمها الا الله ..

عانيت وعانيت وعاني على كثر مااقول عانيت ماراح توصل مدى معاناتي ..

دمووووعي احرقت وجهي وكل يوم على هالحال .. وصار لي شهر ونص وانا على هالحال

من يوم قالت لي الدكتوره انك حامل بكيس بدون جنين ..

وكل مااروح لها تقول نصبر اسبوعين وعلى هالحال لحد مامر 6 اسابيع وكل مره مايصير فيه جنين ..

رحت لمستشفى المملكه وحسبي الله عليها الدكتوره من شافت صور الاشعه حقت الدكتوره اللي كنت اروح لها قالت لازم اعطيك حبه تفتح الرحم وتسقطين وبعدين نسوي تنظيف من دون ماتدري ان هالكلام مثل الرصاص اللي يموت كانت دموعي تنزل ماهدتني طلعت كأني مجنونه قالت روحي سوي اشعه لأنها العمه انتهى دوامها وبتطلع قالت هالكلمتين اللي تذبح من دون ماتكشف علي حسبي الله عليها

طلعت وسويت عندهم اشعه وسألت الفلبينيه مو فاهمه شئ قمت اصرخ نادو اي دكتور يرد علي

ولمن جا الدكتور سألته وانا اصرخ فيه جنين والا مافيه .

كنت منهاره لحد ماحسيت اني بدوخ ..

طلعت والعالم كلها تتفرج علي وعلى صراخي

حسيت كأني في عالم مافيه رحمه

اكره المستشفيات اكرههم

طلعت مااشوف اللي قدامي واحس ان كل شئ انهار ,,

جلست اسبوع ورحت لنفس دكتورتي وسوت لي سونار وقالت خلاص ماعاد فيكي تنتظري لازم تسقطينه لأن الكيس انكمش ..!!

انا ياناس مو قادره اسقطه احس ان هالشئ غلللللللللط كل شئ اختلط في راسي مو عارفه انا على غلط والا الدكاتره على غلط ..

ظليت اصيح كل يوم لحد ماعيوني تورمت اول مره اشوف عيوني متجرحه ..

دموعي احسها نشفت من عيوني

قالت لي اختي خلاص لازم ترضين وتسقطينه بالرشاد والعنزروت

الدكتوره قالت لي كلي رشاد يقولون انه كويس للتسقيط وبعدها نشوف ممكن تسوين تنظيف

انا خايففففففففففففففففففففه من التنظيف سمعت انه ممكن بسببه يصير فيه ثقب بالرحم .. وسمعت ان اللي تسوي تنظيف ماعاد تحمل مره ثانيه الا بعلاجات وتتأخر ماتحمل .. بحثت عن التنظيف في النت وخفت منه اكثر ..

اختي قالت ان التنظيف يقولون موب زين كلي الاعشاب وخلاص ..

وقريت ان لو كان فيه بواقي ممكن يسبب اشياء خطيره في الرحم فالتنظيف لازم .. انا مو عارفه وش اسوي

جابت لي اختي الرشاد واعشاب بكيس ولحد الان كل مااشوفهم انهار اكثر مو قادر ادخلهم بأفمي مو قادره احس اني اسوي شئ غلط .. احس ان في بطني جنين والدكاتره غلطانين

قلت خلاص بروح لاخر دكتوره

اللي هي دكتوره ممتازه في دله

رحت لها قالت لي انا مااسوي اشعه سونار الا بالشهر الخامس لأنه مايبين الجنين انا فرحت وكنت جايبه صور الاشعه ومخبيتها ماابيها تشوفها

قالت انا اول شئ اشوف بالاشعه الصوتي عشان اسمع نبضات الجنين طبعا انا بدخل بالاسبوع الـ12

لمن حركت بطني وحطت الجهاز الا تسمع نبض وحتى انا سمعته انا من الفرحه قمت اصيح لأني كنت بسقطه

قالت لي ليش تبكي انتي في سوي اشعه ومافيه نبض قلت لها ايه قالت خلاص عشان نتأكد روحي سوي اشعه سونار
هالكلام كان الساعه 10 ونص الصباح ومادخلت عندها الا الساعه 12 الا ربع
ولمن رحت اسوي الاشعه تأخرت وطلعت الدكتوره انتهى دوامها .. انتظرتها من 12 الظهر لحد الساعه 6 المغرب وانا في المستشفى ماقدرت ارجع للبيت مو قادره اصبر .. وكأني متمسكه بااخر امل ..
ولمن شافت نتيجه الاشعه قالت مافيه جنين فيه دم بالكيس ولازم تسقطينه قلت لها انتي سمعتي دقات القلب وقلتي هاي بيبي كيييييييييف اللحين تقولين الاشعه تقول لا ..؟
قالت يمكن كنت اسمع شرايين في البطن يعني النبض هو نبض قلبك ماهو نبض الجنين بكيت عندها لحد ماحسيت اني بموت قلت هذي الامل الاخير وفقدته ..

قالت لي لازم تسقطينه والا ممكن يسوي مشكله في الرحم قلت لها ممكن انتظر اسبوع او اسبوعين لسا احس اني متعلقه في امل ثاني ..
قالت لا هذا ممكن يكون خطر عليك لازم 5 ايام واذا ماسقط بالاعشاب تجين تنظيف ..

رجعت للبيت وانا منهاره قسم بالله احس ماادري احس اني تعذبت كثير وتأثرت نفسيا كثييير وعانيت كثير ..

دخلت للحمام اتحمم وجلست على ركبي وانا اصيح تحت دش الحمام كأني طفل ..

جلست تحت المويه الدافيه ساعه كامله وانا اصيح بصوت عالي كأني طفل كنت مو حاسه باللي يصير لي احس ان كل شئ حلم .. احس انه كابوس وابي اصحى منه احس ان اللي يصير مو صدق ..

ولمن طلعت انسدحت عالسرير من دون مااحس ونمت ..

صحيت الصباح الا جفوني متجرحه اول مره اشوف عيوني بهالشكل ..

طلعت لقيت الكيس اللي فيه اعشاب وجلست اطالع فيه وعيوني تدمع .. كيف اكل شئ يسقط اللي في بطني كيف مااقدر ..
من تقدر تسقط اللي في بطنها ؟؟؟؟؟؟؟؟؟؟؟؟؟؟ مافيه احد ..

وكملت هالصباح بدموع مااعرف وش اسوي ..

كل مااتذكر انه ممكن يسوي تسمم في الرحم ويضرني اقول بااكلها ...

مو عارفه وش اكل

الرشاد ؟ كيف ينوكل ؟ هل مطحون والا حب ومع ايش ينوكل ؟

القرفه اللي هي ( الدارسين )..؟؟هل تنفع ؟ و كيف الطريقه الصحيحه اللي اسويها ؟

قصيت لكم معاناتي اللي لحد الان اعتبرها كابوس بصحى منه حتى وانا جالسه اكتب ودموعي تنزل اعتبر هالشئ يتبع للكابوس اللي للحين ماصحيت منه ...

دلوني وش اسوي ؟؟

ووش اكل ؟ عشان اسقط ؟؟ وهل اذا سقطت خلاص مااسوي تنظيف ؟

واذا ماسقطت وش اسوي ؟

هل التنظيف يخوف ؟ هل يألم ؟ هل بعدين يألم ؟ هل يضر ؟ هل يسبب تأخير للحمل ؟ وكيف طريقه التنظيف ؟
وبعد التسقيط كم يوم يقعد الدم ؟
وش افضل مستشفى بالرياض للتنظيف ؟ يكون مجرب ووش افضل دكتوره تسوي التنظيف ؟؟

الله يفرج كربه من ترد على اسئلتي وتفرج كربتي ..

الله يوفق الجميع .. والله يرزق كل محرومه بالاولاد الصالحين .. ويرزقني يارب بالولد الصالح اللي يملأ دنيتي ..
بنات تكفون اذا ماعندك فكره عن شئ لاتقرون الموضوع فقط عالاقل ادعولي ان ربي يهون علي همي .. وادعولي ربي يرزقني طفل سليم ومعافى .. والله مايكلف عليكم شئ ..

واسفه عالاطاله ..