بنات وش الحل مع الطبخ .. ساعدوني الله يوفقكم ويكتب لكم الأجر

كتاب النخبة امل الجهيمي
بسيط وسهل
ومبروك الزواج وعقبال الباقيات

شكرا حبيبتي على تفاعلك
طيب غير هذا كتاب تنصحيني بشيء ثاني ؟

شوفي المطبخ ولااسهل بس لاتكسلين ولا يجيك احباط مرره ومرتين ويضبط معاك ان شاء الله
ولازم تكثفين قراءه في الاشياء اللي كثير في البدايه محتاجتهامثلا رز او مكرونه او سلطه او كيك وغيررره
اول ابدي بالسهل عليك ثم تدرجي وتتسهل اهم شي حاولي وكرري وتتسهل وغير الكتب عند منتديات الطبخ بتساعدك ان شاء الله

اذا في احد كبير معاج بالبيت حاولي تراقبينه و تتعلمين منه

اذا مو معاج مالج الا التلفزون و انصحج بقناه فتافيت راح تفيدج وايد و بتتعلمين منها شغلات عجيبه و بتعطيج دافع للتجربه و التعلم

و الطبخ مو شي صعب ابدا بس ضبطي المقادير و توكلي على الله و بتعلمين

ابتدي بشغلات بسيطه مثل الحلويات بعدها تدرجي سوي سلطات بعدها مقبلات و بعدها اطباق رئيسيه و الله يوفقك

راح احاول اذكر لج بعض الاساسيات الي على بالي حاليا

هذه طريقه حق الكبسه حتى تعرفين ان قياس السوائل مضبوط بها انج بعد ما تحطين الرز بالمرق تحطين وسطها ملعقه خشبيه اذا مالت بحركه بطيئه و طاحت تكون قياساتج مضبوطه


الطريقه الثانيه حق معرفه نصج الكيك اذا فك عن حواف الصينيه او تستخدمين شوكه وسط الكيكه اذا طلعت نظيفه يعني الكيكه استوت

الكيك يخفق في اتجاه واحد بس حتى تسمحين له بتخزين اكبر كميه من الهوا و يكون منتفخ

اللحم لما تطبخينه ما تحطين معاه ملح لان يأخر نضجه

و خبرات كثيره ما راح تكتسبينها الا بالتجربه و بالتوفيق ان شاء الله نشوف تطبيقاتك

الله يسعدكم يااااااااااارب

شكرا شكرا