تابع لردي اللي فوق

واذا شفتي الوزع طلع بمكان بخي عليه مريتو النشاء حق الكوي يخليه مايقدر يتحرك ويعيقه ثم يجي دور الجزمه الله يكرمك تقتله

او استخدمي اي بخاخ حق المنظفات القويه مثل منظفات الحمام والافران بخيه عليه مباشره

او بخي عليه مبيد حشرات عادي مثل بف باف او ريد وياليت يكون النوعيه اللي اذا بخيتي يصير مثل الرذاذ ابيض

المبيد يدوخه واللي فيه رذاذ ابيض مثل الرغوه نفس المريتو يعيق حركته ويغطيه ابيض ثم يجي دور الجزمه تقتله

الله يعين يبالنا نسوي جروب لمحاربة الوزغ
اذكر مره كان اول يوم ف رمضان وكان الصبح شلت المصحف وقلت اقرا تحت الشجر اللي ف البيت
بعد شوي احس شوي ف ملابسي يمشي اول طنشت قلت اتوهم وبعدين قلت اشيك وطلع هو
قمت اصارخ واركض ع كبر الحوش وتقززت من نفسي ومن كثر الاكشن نزلت لي الدوره
ومنها كرهته
اصيح متقززه منه واصيح نزلت لي الدوره اول يوم ف رمضان

انا أكره الصراصير موت😢😢
وبمجرد أتذكر شكله يقشعر جلدي 😨
وحركته سريعه ولونه مقرف وعليه تفاصيل مرعبه 😭
هو نقطه ضعفي ولما أشوفه أفقد أعصابي واصير مهبوله 😱
في أحد مثلي 😔

الشي الي مجرب ويصرعه لك سبحان الله.. بخري في حلتيته اذا تعرفون الحلتيته تقتله تحصلونها عن العطار هو مايحب الحلتيته والشياطين تكره ريحة الحلتيته بخري وتوكلي على الله ومعاد يجيك وريحان حطي على شبابيك ماتحب الحشرات ريحته والقيسوم اذا تعرفونه اعشاب بري تحصلونه عند العطار يحط على شبابيك والابواب وتواجد زواحف والحشرات تكره ريحته《《لكن الحلتيته مجربه وفعاله؛؛

يااليل ع هالموضوع خخخخخ
والله بقولكم موقف صار لي منه حسبي عليه برمضان اللي طاف
كنت اشوف واحد يتمشى ومن يجي زوجي بيطقه يختفي
وهكذا يومين ع هالحاله
جا اليوم الموعود بعد الفطور عند مدخل البيت وانا ماره اشغل فواحتي
الا اشوفه يتمشى وزوجي طالع
قلت والله ماخليه << متقويه مالت
وروح اجيب عصا المكنسه واهبده لين طلعت روحه
وطول ماني اطقه ميته خوف وشاده اعصابي
بالعربي فيني فوبيا منه
ماخذت ثواني الا الدنيا تدور فيني والسواد بعيوني
ماشوف شي جلست احبي ابي اتصل ع زوجي
واتصلت وجا اخذني للمستشفى واقولهم القصه والدكاتره ميتين ضحك
وزوجي ماسك نفسه تخيلو ضغطي مرتفع والسبب وزغ
الله المستعان بس