صحيح كلام ما عدت أنا
الطلاق لازم بسبب ومو أي سبب بعد
وأنتي جالسة تستعجلين الأمور وبالأسوء بعد
تفاءلي بالخير
ولا تفكرين بالأشياء السلبية عشان ما تجذبينها لك

أضرار الطلاق مع وجود أولاد ..

أولا ابنك راح يكون جدا جدا متشتت ..
ابنك راح يذوق الويل من الانتقال من مكان لمكان ..
كم يوم عندك ويومين عند أبوه ..
والله بيكره عيشته ..

ثانيا .. راح يطلع معقد نفسيا ..
أثبت علميا أن الصغار إلي يتشتتون بين أم وأب مطلقين ..
يعانون نفسيا .. وهذا الشي شفته ولمسته في ولد أخوي ..

ثالثا .. راح تحملين لقب مطلقة + أولاد ..
يعني شبه مستحيل تحصلين أحد يتزوجك ..
لأن عندك أولاد .. والزوج ما يستحمل عياله .. كيف بيستحمل عيال غيره؟؟
وإذا فرضا حصلتي لك زوج .. بكون متزوج أو أرمل أو مطلق وعنده عيال كمان ..

رابعا .. لا تقولين لي ما أبي أتزوج ..
لأن المجتمع بياكلك بنظراته وألسنته إلي ما تسكت ..
بتقولين لي ليش يتكلمون؟؟ بقول لك بدون سبب ..
المطلقة بمجرد وصول الورقة يبدأ الكلام انها مطلقة وانها ... وانها ....

ولا تقولين لي ما أبي أتزوج لأن رغبتي بالزواج ماتت ..
مع مر السنوات راح تحسين تبغين رجال يربي ولدك معاك ويسندك ..
ويخاف عليكي ويحميكم انتي وولدك الصغير ..

بتشتاقين لحضن يلمك .. حتى وانتي كبيرة ..

أنا أقول لك امسكي مجنونك لا يجيك أجن منه ..
وزوجك لو فيه عيوب .. ولو أخته تحسينها مشاركتك فيه ..
ويعتبرها أعز وحدة وهالشعور أنا عارفته ..

حاولي تسحبينه لصوبك .. وما في رجال ما يستجيب ..
شوفيها شو تعمل له .. واعملي له أحسن منها ..

خليكي نظيفة وسنعة في كل شي ..
ودامك مرتاحة ماديا .. جددي في حياتك وفي طريقة لبسك .. وعطوراتك ..
وفي طبخك .. ودلعيه ودائما مسحي عليه ..
دائما قولي له الولد إلي في بطني انت أبوه .. يعني بتحبه أكثر مني؟؟
وتدلعي عليه .. وحاولي تجذبينه وترتبين له سهرات خاصة بينك وبينه ..
جيبي له هدايا من غير مناسبة ..
لا شفتي جواله قديم جيبي له هدية جوال أو ساعة يد ..
غلفيها بأفخم مكان واكتبي فيها رسالة .. أي كثر تحبينه وهو غالي على قلبك ..

وراح ينجذب لك وبينسى أخته وإلي جابوا اخته ..

شكلك تبغين ترتاحين .. وتبغينه يموت عليكي .. مستحيل ..
وبالأخير تبغين تهربين من المشكلة بالطلاق!!!

أقول لك هالحكي عشان مصلحتك ..
اسحبي زوجك أبو ولادك لعندك .. بكل الطرق اللينة والحنونة ..
والطيب يغلب الطبيب ..

..دانة الدنيا..

انا مشكلتي ان زوجي مريض نفسيا وياخذ علاج لي خمس سنوات وانا في عذاب معه صعب أرضيه لانه عنده تهيؤات وخيالات ويصدقها
ويرجع علي يهاوشني ويدف واخيرا بدأ بمد اليد وانا عند اهلي لانه ضربني وقدام امه المشكله انا عندي ولد عمره سنتين وخايفه عليه لاني ودي اتطلق بس خايفه اظلمه اذا تطلقت واظلم اكثر لو ما تطلقت من معاملة ابوه لي وله انصحوني ايش الحل

طلاق مرة واحدة وسهل عليك تقوليها وايه السبب علشان بيصرف على اخته تقومى انت ما تتحملى ده وتتطلبى الطلاق
يا شيخة اتقى الله فى نفسك وخليك عاقلة وروحى اطردى الوساوس الهبلة دى عن دماغك
افتكرت انه عايزة الطلاق علشان الزوج لا ينجب ( وانت ماشاء الله حامل )
روحى ربى اولادك بينك وبين زوجك واتظللى بظل زوجك ما حد هينفعك بعد الله الا هو لا مالك ولا اهلك ولا اخوك كل واحد بيقول فى الزمن ده يللا نفسى وقتها هتحسى انك اقل قيمة من الكنبة المهملة المرمية تحت اى سلم فى عمارة يعنى مالك لازمة ولا اهمية ولا احد يعبرك
واعرفى المراة قيمتها من قيمة زوجها وليس مالها ولا اهلها وفوقى يا رب يخليك من برجك العاجى ده واعتقادك انه عشان انك غنية تستطيعى انه تعيش لوحدك ولو كان الامر كدا ما كانش احد غلب كانت كل واحدة معاها فلوس وغنية تترك بيت زوجها وتعيش على هواها روحى يا بنتى ربى ابنك بين ابوه وامه علشان يطلع الولد طبيعى مش معقد وعيشى عيشة زوجك وبلاش التنطيط اللى انتى فيها وانسى انك غنية المال بيروح ويجى لكن الزوج الطيب المحترم اللى بيصون زوجته لو راح عمره ما هيجى حتى لو شفتى حلمة اذنك
وسلام

انتي زيي لي 8 شهور متزوجة وكثير افكر بالطلاق بس مشكلتي افكر كثير ببنتي مين بيراعيها احس محتاجة رجال..
وابوي الله يرحمه متوفي يعني لو موجود الوضع اهون..
طبعا هالشي افكر به اوقات بسيطة بس الحمدلله حياتي كويسة الله يديمها نعمة بس مع الحمل نفسيتي تتعب من ابسط شي وازعل واتضااايق مرة..احس اتعبت زوجي واهلي وكل الي حولي بس الله يسهل واولد بالسلامة ان شاء الله انشغل ببنتي عن التفكير بالاشياء السلبية...
والله يسهل امرك وامري وامر كل مسلم