ابعدي عن الشر وغنيله

شوفي يااختي زوجك اولى من هالصداقه اللي ماتبان الا اذا وديتيها للسوق معكم او مريتوها !!!


انا قد صار مواقف مع اعز صديقه وقريبه وكل مره اقول ماتقصد بس فالاخير قطعت علاقتي فيها مرررررررررررررررررررررررررررررررررررررررررره

ابقولك ليش !!


رحت مره لها وجالسين نتعشى دق البيت ردت طلع زوجها تكلمه بدون نفس !!

سكرت دق التلفون ماكان معي جوال ذاك الوقت وعطيت زوجي رقم بيتها !!

تخيلوا قالت الرقم قمت ابرد قلت زوجي اخذت السماعه بسرعه وردت بدلع !!

لو هاذا صوتها ماعليه بس فرق بين اسلوبها مع زوجها ومع زوجي !!

اخذت الموضوع بحسن نيه وقلت يابنت الحلال تعوذي من الشيطان !!

جت بتودعني انزلت لين الباب القزازا الشفاااااااااااف وهي لابسه جينز ضيق !!

ويوم ركبت قال زوجي ليه كذا مكشوف اللي ورا الباب قلت الخدامه تنزل الاغراض < صرفتها اشوى

سافرت لاهلي وهي عندها علم !!

دق علي زوجي قال فلانه دقت تدور عليك تخيلي !! واكيد كلمته بنفس الاسلوب الاول !

الحمدلله ان زوجي انسان عااقل وواعي ورزين ولا ......!!

ومع ذلك قلت ماتقصد يمكن نست اني عند اهلي ؟؟!

عزمتها في بيتي وبيتي كبير من الباب الخارجي للبوابه الداخليه حوش مكشوف والمجالس تشوف اللي يمر وقايله لها اول مادخلت اكشفت وجهها !!

اجتمعنا مره في مكان وجت من بيت لبيت وزوجي واقف برا اول مادخلت قالت ماعليش مريت وزوجك فالحوش << طيب وش تبيني اسوي

قلت يابنت ماتقصد بعد يتيمه وصداقه طفوله مشي

الموقف اللي خلاص خلاني اقاطعهاااااااااااااااااااااااااااااااااااا

تواعدنا فالملاهي ودخلت قبلها بثواني وجالسه افصخ عباتي قالت وش سيارتكم قلت لها قالت ياربيه انكسرت رقبته يطالع فيني انا هنا بصراحه طول ماحنا فالملاهي كاااااااااااارهتها اولا لان زوجي فيه حيااااء ويحترم بنات خلق الله ويتصدد عنهن ومتاكده انها قالتها كذا والشي الثاني لاحظت غيرتها مني كل مادق تقول وش فيه يدق كل شوي !!

وتروح تدق على زوجها وتسوي نفسها قدامي انا بصراحه اخذت موقف << بدري هههههههههههههههههههههههههههه

صدقيني الناس التجاارب والحياه ممكن تغيرهم وممكن تقول انا مااسوي شي غلط حتى لو تزوجته !!

والدليل انها تقول مافيها شي لو عين زوجك زايغه او شافني + انها تبي رايه !!!!!!!!!!!!

انتبهي انتبهي انتبهي

زوريها برا اجتمعوا تجنبي تتكلمين عنها في حضور زوجك
ولاتكلمينها عن زوجك او انه ممكن يطالع انتي قاعده تعلمينها بنقاط الضعف في زوجك انتي تثقين فيها بس لاتثقين فالشيطااااااااااااااااااااااان شااطر !!

والله ييسر امورك

أنا اقول لو تقولين لزوجك انه فيه واحد متقدم لها وهي متردده وتشوفبن ردت فعله وعلشان يشيلها من باله وهل أهتم في الموضوع وصار يسأل عنها دايم والا لا حتى لاتظلمين الرجال

واسيها ولا تقطعي اتصالك معها عالتليفون اما المشاوير مو ضرورية ومافي داعي تقولي لها انا اثق بك و لا اثق بزوجي قولي لها زوجي عصبي اذا قلت له يمر صديقاتي يعصب ما له خلق على طلباتي

رايي من راي البنات ولاقصروا كلهم وماعاد الا هي تروح وتجي صديقتي معي انا وزوجي ولاتفكرين تجيبين طاري اي حرمه عنده حتى اخته عشان مايقارن بينك وبينها ولاتجيبين طاري زوجك عند الحريم في قلوب بعض الحريم غيره ولايملى عينها حتى زوجها فما بالك بوحده مثل وضعها ولاتمدحينه عند احد ولا اقصد تسبين فيه وتطلعين كفاره للعشير لا بس لاتجيبين طاريه خلي سواليفك عن المطبخ وعن عيالك وعن الشارع والتلفزيون والسوق وكثير على الحريم بعد ذا المواضيع ولاتقولين شي خاص فيك وفي زوجك فراشكم عطركم سهرتوا تهاوشتوا نمتوا تراضيتوا هو وش يحب في الحرمه وش يكره لاتقولين لا احد ابداااا حتى لاختك والا ليش اجل مايجوز تطلعين الامور هذي كل شي وله حكمه سبحان الله الا من الامور المشابهه لموضوعك خليه بينك وبينه ومايعلم فيه الا اللي خلقكم بس (( سبحانه )) وانا مع الاخت اللي قالت الحق والشرهه على صديقتك اللي زعلانه وتقول ثقه المفروض ولو انها صديقه وقلبها على قلبك ماقالت الكلام هذا وهي تعرف زوجك عيونه زايغه وتعرف انك تتضايقين لكن ليش الثقه هذي كلها يا اختي كل شي له حدود حتى الثقه لها حدود واذا بتزعل عنها مارضت ليوم الدين اهم شي ماظلمتيها ولا خذيتي لها حق تطالبك فيه يوم القيامه والزعل لاترضى ابد وتبين الجد لو انها صديقتي حطيت بيني وبينها حدود لانها تعرف زوجك وتعرف انك تتضايقين ولها وجه تزعل وش يدريك انها ماتبي زوجك يشوفها ويعجب فيها وتطلع من الحاله اللي هي فيها بزواج او فضفضه سواليف انتبهي بس وخلي عنك بلى صديقه بلى هم عساك تسلمين من اختك بنت امك وابوك بتسلمين من صديقه .. وبس خلصت واذا تذكرت شي برجع اكتبه لاني مقهوره ودمي يغلي عليك وعلى برودك ولمصلحتك والله .............. :)