طيب مادام اهم قالولكم قولو لنا لاتجيبو عيالكم


خلاص الوجه من الوجه ابيض


مايبون العيال لا عندكم ولا عندهم

بكل بساطه سوو مثلهم اذا بيجوكم قولو لهم بدون اطفال طالما السالفه عندهم مافيها زعل سوو مثل ماهم يسوو وفكو عمركم

روحي لهم انتي وعيالك
واتحداهم يردونك من عند الباب
لاتحسبين حساب احد روحي كل مكان وعيالك معك
الناس مالهم الا كذا

انا ماعندي اطفال وبصراحه ماطيق العزيمه الي فيها صغار
معليش فيه امهات اوقح من أطفالها
لو يوسخ ماقالت شئ
لو تجين تمدين الشاهي يجي بكل وقاحه " عطيني "ويلاحقك بين الحريم
المشوربات تنكب على الارض ولا تفتح فمها وتقولك امسحها
غير دورات المياه اكرمكم الله
غير العشاء وطاولة الطعام تجي الام ماخذه 14 كرسي لها ولعيالها
حنا عندنا طيور بالبيت تعالي شوفي وش يسوون فيها تجلس اسبوع دايخه
من كثر مايلاحقونها ويرمونها واحيان كثيره يموتونها
والام ساااكته ...
مره وربي مجهزه حلى وحاطته بالثلاجه ولان العشاء بوفيه ف حاسبه العدد 40 حبه
ادور وين باقي الاربعين الا ماشاء الله الربع متقاطين فيه ومابقى منه شئ من جد قمة الفشله ..
انا بصراحه ماطيق العزيمه الي فيها صغار تنسد نفسي
كل الجلسه لهم وعشانهم مالنا نصيب بشئ ..
وكل أم ماتشوف غلط عيالها وعندها انهم ملاك ومايغلطون
عشان كذا تزعلون لو قالوا لا تجيبونهم ..
انا ماستحي ولا علي من أحد اقولهم بالفم المليان عيالكم خلوهم بالبيت
والي بتزعل تزعل .. واخواني الحمدلله كبار ماعندنا صغار نغث الناس فيهم

الله يهديكم ماعندي انا الا بنت عمرها سنه وكم شهر وبحضني واختي ولدين وكبار وعاقلينا جنب امهم وهم وحده معاها اربعه ووحده خمسه وعيال ولدها ثنتين ووحده اربع اولد وبنت وعيال ولدها بنت وولد وتعالو شوفو الازعا حتى المقص يقصون فيه الفرش ومانتكلم عكس عيالنا بنتي جنبي وعيال اختي ع السوني