بنات وش رايكم وش كان التصرف الصح مع ام زوجي

مساء الخير
بنات ام زوجي تكلمت على امي قدام حريم بالسيارة وهم رايحين مشوار وغلطت على امي عشان اولاد ولدها اللي هم اولادي قامت تقول لامي لاعاد يجوني ولاعاد يدخلون بيتي وخربو عليه وماادري ايش المهم امي حاولت ماتقولي بس انا عرفت من اللي كانو معهم بالسيارة المهم ام زوجي غلطت على امي وانقهرت منها دامها طفشانه من اولادي اللي هم اولاد ولدها تجي تقولي ولاتقول لولدها مو امي امي وش دخلها حسبي الله عليها ضيقت صدر امي وتكلمت على امي كلام ماينقال قدام باقي الحريم
انا زعلت وانقهرت وقلت بروح أكلمها امي رفضت قالت خليها خلاص ماتبغى اولادك لاعاد تروحون لانه نحنا بديره وهم بديره
ودقيت على ام زوجي وعاتبتها على كلامها وكذا لدرجة بكيت بالجوال وانا اقولها ليش ياعمه ماتبغين اولادنا طيب ماتبغينهم اذوكي تعالي قوليلي انا او قولي لزوجي اللي هوه ولدها وش دخل امي تحرجينها بين الحريم وتتكلمين عليها قدامهم وش ذنبها
المهم هي زعلت بس عشاني عاتبتها وقالت لزوجي ماابغى اسلم عليهم كلهم وسافرنا
وش رايكم الحين دامها ماتبغى اولادنا معناته زوجي راح يسافر لهم بكل اجازه وانا واولادي وش وضعنا
زوجي يقعد بالأسابيع عندهم والكل يقول دامها ماابغاها وطردتهم من بيتها خلاص لاعاد تروحون
طيب لمتى انا زعلانه صح بس الين متى انا اتعب ببيت اهلي بالإجازات وزوجي مستحيل يقعد بيروح لديره امه
طبعا بيتي بعيد عن اهلي وأهل زوجي بالشمال مره بعيد