ارتشاف :

ياقلبي ربي يرزقك باللي يسعدك و يهنيك بعدين اسمحي لي كيف تقولين عن روحك كذا ، ياكثرهم متزوجات و مو موظفات ولا جميلات الشغلة نصيب و اللي ربي كاتبه بيصير مو شرط اللي مو متزوجة لانها مو حلوه ، و بعدين ترى اذا بتراعين المرايه و تقولين كذا اكيد بتصغرين بعيونك ، وبعدين شعرفك يقولون عنك كذا ، انتي مو واثقه بنفسك ولا من يسلم من كلام الناس و لايهمك احد سواء يحبونك ولا لا ، المتينه سبوها و النحيفه ماعجبتهم القصيره ذموها و الطويله طقطقوا عليها، يعني اذا حبيتي شكلك محد بيقدر يتكلم عنك و اذا تكلموا بتكونين معطيتهم طناش لانك واثقه . و ياكثرهم والله حلوات اشوفهم للحين ما تزوجوا ، انتي حاولي تهتمين بشكلك و شوفي اللي يناسبك يعني مو ع الموضة او لا تلبسين لبس صغار بالعمر البسي و اكشي ع عمرك بتطلعين احلى ( و اكشخي لنفسك ) مو عشان انخطب و مدري شلون و اطلبي ربي بالوتر يرزقك ابن الحلال اللي يملي دنيتك و يرزقك الذرية و يمكن تاخير زواجك فيه خيره لك ( رٌّب خيراً لم تنلهٌ كان شراً لو أتاك )

ياقلبي ربي يرزقك باللي يسعدك و يهنيك بعدين اسمحي لي كيف تقولين عن روحك كذا ، ياكثرهم متزوجات و مو...

ام فوفي الحلو :

اسأل الله ان يفرج همك ويرزقك من حيث لا تحتسبين وبالنسبة للزواج برااحتك ان كنتي متحمسه تجهزي بطريقتك المعتاده وروحي واجلسي ولا تقربين من اللي يغثونك ولا عاد تجتمعين بهم اساسا ومن ناحية الفلوس توظفي بأي وظيفه واذا ماكملتي دراستك كملي بمدرسة الكبيرات او منازل وسجلي في حافز والظمان كمان يشملك وحساب المواطن ولااا تقبلين ان احد ياخذ صرافتك واذا حصل روحي البنك والغيها وطلعي بطاقه جديده وهكذا الحياة مو واقفه على شي معين وانصحك بقووه تسجلين بتحفيظ القرآن والله يسهل أمرك وعلى فكره مو لازم اي وحده تتعرفين عليها تقولي لها انك مو متزوجه لأ أجلي هالمعلومه لحد ماتقوى علاقتك فيها او بلاش تعرف بالمره وآسفه كثرت حكي والله يفرج لك

اسأل الله ان يفرج همك ويرزقك من حيث لا تحتسبين وبالنسبة للزواج برااحتك ان كنتي متحمسه تجهزي...

عذبة الاوصاف :

الزواج قسمة ونصيب وكل شي بأمر الله سبحانة لكن تحبسين نفسك عشان الناس وكلامهم طز فيهم وبكلامهم مايرضيهم شي ابدا ولا يملى عينهم شي استانسي وانبسطي واطعلي وروحي للزواج وغيري جو ولاعليك من كلام الناس ولايهمك لان مايرضيهم شي وقوي شخصيتك شوي وخليك واثقة من نفسك والجمال مو أساس الزواج ياما قبيحات ودبب وتزوجوا من احسن الرجال خليك واثقة من نفسك ولاعليك من احد اهم ماعليك نفسك و وناستك

الزواج قسمة ونصيب وكل شي بأمر الله سبحانة لكن تحبسين نفسك عشان الناس وكلامهم طز فيهم وبكلامهم...

ام جلوي و نهار :

يقولون هالكلام بوجهك وش الناس البجيحه انتي عندك نعم كثيره اولها نعمة الاسلام و نعمه الصحه والعافيه نعمة الامان و الحريه سيري على المستشفيات وشوفي وعلى الي بالمصحه النفسيه و الي داخل السجون بتلقيهن بعمرك واصغر احمدي ربك و حاولي تغيرين بحياتك دوري شغل لو بالخاص كلمي خطابات والاهم لاتيأسي الله يسعدك سعاده ابديه ويغير حالك للافضل ويرزقك بكل امنياتك

يقولون هالكلام بوجهك وش الناس البجيحه انتي عندك نعم كثيره اولها نعمة الاسلام و نعمه الصحه...

ام ميرو12 :

حبيبتي هذا ابليس يجيب الافكار السلبيه لاتهتمي لاحد عززي ثقتك بنفسك وتقربي من الله والله مايكسر قلب عباده ومافي احد مو جميل الجمال مقااايس لازم يكون فيكي شي جميل اهتمي بنفسك وعيشي حياااتك اقراي كتب اشغلي نفسك واي فكره سلبيه تراودك تعوذي من الشيطان واقري قران والدنيا امتحاااان لازم نصبر حتا المتزوجااات مو الكل سعييد والي عندها اولاد ممكن يكونو عااااقين فيهااا الراحه والسعاده بالجنه بس (وبشر الصااابرين) والي بيضحكو بيلاقو جزاتهم بالاخره اتمنى تستفيدي من كلامي والله يرزقك كل ماتتمني

حبيبتي هذا ابليس يجيب الافكار السلبيه لاتهتمي لاحد عززي ثقتك بنفسك وتقربي من الله والله مايكسر...