ms.dior0555 @msdior0555

عضوة جديدة

بنات وش نسوي مع ابوي ؟؟!!

السلام عليكم ورحمة الله وبركاته

كيفكم جميع ؟؟

انا مسجله معكم بالمنتدى بس بحكم ان الاقارب يعرفون نكي اضطريت اسجل بنك ثاني

اسفه كلامي مو مرتب بس قلت اشوف يمكن عندكم حل لنا لاننا تعبنا واحننا ندور ع حل ونحلل الامور

بنات والله اني تعبت من ابوي ذا وش نسوي معه

سكنا ببيت برمضان واول ما سكناما اثثنا بحكم اننا تونا ناقلين ورمضان وحوسه وكان عندنا زواج بشوال

مر شوال وجاء الحج واحنا ع نفس الحاله

تخيلو المجلس فيه فرش ومتاكي حتى اللي تحت مو موجوده بس متاكي للظهر والمقلط بس فرش والصاله اللي كل يوم نجلس فيها فيها جلسه قديمه من البيت الاول وغرف النوم يا سلام حكايه ثانيه مافيها الا فرشنا ودولاب واحد للبنات وواحد للاولاد

والى يومكم هذا واحناما اثثنا البيت

الناس يجوون عندنا بس خالاتي وكل ما دخلوا ما بعد اثثتوا يالله ابدوا البيت حلو ومن هالكلام يعطونا دافع اننا نأثث بس ابوي رافض هالشيء

فيه خطاب يبغون اهلهم يجونا وفيه ناس من معارفنا والجماعه وكل شوي واحنا نتعذر

والله لو هو ما عنده فلوس بقول ماعليه لكن عنده خير ما شاء الله لكنه بخييييييييييييييييييييييييييييل

تعرفون وش يقول يقول انا ما استحي ادخل الناس بالبيت لكن انتوا تستحون ؟؟؟؟؟؟

والله يا بنات اعمامي كبار واذا جلسوا بالارض تقولون جلسه طرب من كثر ما يتحركون عشان يرتاحون بالجلسه

وواحد منهم صاير عليه حادث قبل فتره وكل الضربه في ظهره والله اني ارحمه اذا جاء عندنا

ووين المشكله المشكله اننا بنأثث بفلوسنا احنا مع امي نتقاطط ونشتري لنا جلسه

قبل فتره سافروا اهلي واخوي الله يسامحه عيا نروح نشتري المشكله المشكله انه بفلوسنا يا ناس والله تعبنا

رحنا جبنا لغرفة ابوي وامي اثاث رحمناهم ينامون ع الارض ع ان ابوي قاله جيب اسره ع الاقل طرارح (مراتب) لكنه كل شوي يأجل

ذبحته الطلعه مع عيال عمي

والله لمن سافروا اهلي ناشب لهم والله لو هم زوجاته كان ما سوا كل ذا

المشكله عماتي بيجون من منطقه ثانيه ووحده فيهم الله يسامحها تقط دايم ع امي حتى لمن قابلت امي الاسبوع اللي سافروا فيه اهلي قالت ترى بجي عندكم

الله يستر لو دخلت وشافت البيت كذا

بنات وش نسوي تعبنا

كل الناس يعرفون ان ابوي عنده فلوس يعني انا ما اكذب واذا جاو بنات خالتي وعمي يقولون كذا في الوجهه وين الاثاث احنا ما قلنا جيب تحف واكسسوارات للبيت بس جلسه عشان الناس لمن يجوون

فيه حريم كثير يبغون يجون عندنا واحنا البنات مو وحده والا ثنتين اربع ما شاءالله

بنات والله شاب راسي من كثر التفكير اخرها اليوم قلنا له عمتي بتيجي بنروح نجيب جليه للمقلط قال لا

وجلس يفكر وشوي ناداني وقالي وش رايك نجيب قماش نغطي فيه الجسه حقت الصاله ودخلوا عمتكم فيها !!!!!!!!!!

ووش ذا لهالدرجه البخل قلت له بكيفك سو اللي تبغاه زعل والله انه زعل يقول انتم تتفشلون عشان الحريم ومن هالكلام والله يا بنات ما عليه قاااااااااااااااااااااااصر ابد ابد ابد

يعني تخيلوا فتحت دفتر الشيكات وشفت شيك لفلات الفلاني مبلغ وقدره كذا كذا

لا تقولون دين لا ماهو دين لان اخواني يكونون مع ابوي وهو يكتب للرجال الشيك ويقولون ابوي اعطاه لان الرجال محتاج

اذا رحنا زواجات وجوو بنات عمه او عمته او بنات ولد عمه او خواته يروح يسحب للحريم فلوس يعطي امي تعطيهم وهو والله ما قد حط في يدها فلوس لها الا كم من مره تنعد بالاصابع

اساسا عماتي لمن جاء يخطب رفضوا كلهم يخطبون له حتى جدتي الله يرحمها رفضت قالت تبغى تخطب روح اخطب لنفسك وما جاء الا ع حظ امي مسكينه حتى ما كانت تبغاه بس انجبرت بحكم ظرف صار والله يعوضها ان شاء الله المشكله الشخص اللي ضحت عشانه ما يستاهل ابد

بنات وش نسوي معه؟؟؟ انا ما ابغى مشاكل تعبت كل ما صارت مشكله يمسكني وهاتك يا محاضره تمتد من ساعتين الى اربع

ساعدوني اذا عندكم حل )=

يلزم عليك تسجيل الدخول أولًا لكتابة تعليق.

تسجيل دخول

Bاحساس انوثهA • 13 سنة

لا تقولوله اعملوا اضراب والله عن جد يعني شكله مايجي الا بالقوة اضربوا عن الطعام هههههههههههههههه كحل من الحلول قولوا نريد اثاث انتوا بنات حرااام والله تأجلون الخطاب الرجل يجي مره بالسنه

الوآثقة • 13 سنة

شوفي ترى الرجال يجوون بالطييييييييب قوليله ياابوي احنا معنا فلووس نبي نأثث البيت ومانبي نخسرك واحنا معنا االلي يكفي ومن هالاكلام وحاولوا تمدحوووووونه يعني قولوا ابووي مو مقصر معنا في شئ يعني خليك دندوونه شوي بالكلام يعني عززوا مكانته في البيت وفي كل مكان وشوفي النتيجه واذا مانفع فابوك حاله مستعصيه خخخخ امزح بس تعالوا معاه بالطييب وصدقيني راح يمشي تماام حتى خلي امك تحسسه شوي انه مافيه مثله بادنيا وانا احس ابوك ماصار بخييل الا من كثر طلباتكم وزناتكم عليه يعني خفوا عليه ولا تطلبونه شئ الاوهو مرووووق وكلموه بتفاهم يعني مثلا تبين تطلبين منه تشترين فستان حاولي تختارين وقت مناسب وقولي يبه منت مقصر معانا في شئ ابد والحين ترفض عشان فستان وادعيله وصلحي حركاات واذا جاب اي شئ للبيت حتى ولو شئ تافهه اشكروه وقولي الله يخليك لنا ومن هالكلام وترى مو كل شئ يجي بسسهووووله بس صلحي اللي قلتلك
واسال الله العلي العظيم ان يحنن قلبه عليكم ويزبط بيتكم

دانه في قلب حبيبي • 13 سنة

مافي حل الا انكم تكلمونه كلكم مع بعض وبشكل صارم او ابكي عنده واستعطفيه .......وقولو له الناس شيقولون عن ابوم وانه بخيل وانتم ومن هالكلام وان شاء الله يلين قلبه...

نخلة مثمره • 13 سنة

حبيبتي هوني على نفسك البخل ماله علاج ولاتنسين الرسول عليه الصلاة والسلام استعاذ منه
ولاتردين الخطاب اذا جوكم معليش خليهم يجلسون على الارض صدقيني بيعرفون انه السبب في ابوك وانتو مالكم دخل
ومافيها لو امك لمحت حق الكل والله حنا ودنا نأثث بس ابونا الله يهديه رافض

لاتعذبين نفسك وخلي البيت لرب العالمين الي جابه.............وبكره بعد عمر طويل انتو الي بتتلذذون بلفلوس وبجيكم خير
الله يهديه ابوك هو الي حرم نفسه

قولي حق عماتك وخالاتك انه السبب كذه وكذه واستمتي انه البيت ملك وكبير والله يشرح صدرك

الرايقه2010 • 13 سنة

رفع