والله لواني مكانك لا اسوي اضراب ولاعد ادخل المطبخ خلية يجيب كل شي من المطاعم الين يتوب ويتعدل ويصير يتمنى طبخك

امممممممممممم الزهووووووووور حرام عليك اللي تسوينه بنفسك
انتي انسانه طيبه وهذا فخر لك ولاتتأثرين فيه ابد
لكن المشكله عند زوجك وهالسالفه مرت علي وعديت هالمرحله من حياتي الحمدلله والشكر
ركزي بكلامي شوي وافهميه زين
*****
هالشي يوضح لي ان زواجكم مو من مده طويله وللحين مو فاهمين بعض عدل
زوجك يحب امه ابوه خواته الناس المقربين له وللحين مو عارف قيمتك زين مو معناته مايحبك لا
بالعكس يحبك لكن شخصيته شوي غير موزونه
وهالشي يخليه يتآثـر من اي حد يعبي راسه من هالرجال وتعرفينهم يمممه منهم
عندك انا .. زوجي كان اول الزواج يحبني وكل شي تمام لكن بعض حركاته تررررررفع ضغطي مثل حركات زوجك يعني
واضح انه يبي يحطم فيني حاجه معينه وانه يسمع كلام من برا والحمدلله فهمت هالشي لانه هو حبوب
صارلي موقفين معاه والحمدلله هم اللي غيروا حياتي ::/
الاول/
جاء يوم من الايام من برا كالعاده وقعد يتكلم ويجرح فيني ......إلخ
كنت كل شوي اجرب معه طريقه علشان يتعدل
ومانفع معاااه الاطريقه وحده
اللي هي المصارحه بيننا وانصحك ابد ابد ماتخبي مشاعرك وتكابري لانك لو زدتي راح يزيد ومايشوف اللي انتي تسوينه ويمدح بغيرك
لانه فاهم انك مغروره ويبي يكسر غرورك
لما جاء وقتها عرفت وقتها انه معبين راسه اصدقائه ونفجر واتكلم واقعد وابكي وابكي هو انصدم مو مصدق ياحرام والله رحمته يوم شفت شكله منهبل ههههههه
لاني دايم اسوي انه مو هامني وروح ابكي وحدي .
وقتها طلعت كل اللي فقلبي قلت انا زوجتك مو عدوتك ليش تعاملني كذا ساعات احس انك تحبني وساعات احس انك تشوفني عدوتك ليش مادري
انا زوجتك المفروض اصير اقرب الناس لك وين الود والرحمه اللي يقولون بين الزوجين ماني حاسه فيها وينهااااا !!؟؟
اقسم بالله العلي العظيم اي واحد من اصدقائك يقولك كلام والله انه كذاب ومهايطي ولاتحكم علي علشان صديقك قالك سالفه لا كل انسان وطبعه غير
انا طيبه معاك ومو مقصره بشي واللي بقلبي على لسانك لو قالك احد لاتمدح زوجتك تراها تشوف نفسها عليك والله كذاب والف كذاب
انت تذكر لما مدحتني ابدعت وتفننت لكن اللي مايشكر والله النعمه ماتدوم له احمد ربك ع النعمه اللي انت فيها وقدرني زين

وكان كلام طويل والحمدلله بعدها الرجال ماهو الرجال تغير صار يحس فيني شوي ويمدح
وانتي عاد اختاري كلامك وزيدي ع كلامي من عندك يعني لما يجرحك اياك تكابرين وتذكري كلامي هذا وسوي المسلسل والدموع اربع اربع وقولي اللي بخاطرك
وقتها بيحس فيك

(الثاني)
صارت مشكلة واحنا مسافرين وهو قاعد يتكلم ويقول زوجة اخوي واختك وووو......إلخ
كان يمدح مرت اخوه الكبير وسوت لامي وسوت وجابت لها جلابيه ومدري شنو مع انها
مليون بالميه تموت فيني انا اكثر
وسكت وتطورت الحاله الى اختي لانه صديق زوجها وكل شوي يقول صيري مثل اختك شوفي فلان
بس يضحك تخيلي انا خفت يعطيهم عين خخخخخ
والله اختي تزوجت وهي ماتعرف ولا تحب زوجها لكن زوجها طبعه كذا فرفوش وبس يضحك
المهم تمادى قلت فقلبي ااوووكي لاني كم مره طنشته ومانفع معه
عاااااااااااااااد
انا طفح الكيل وقلت ترا ذبحتني بفلانه وعلانه اقول احمد ربك ع اللي انت فيه ولا ترا البيوت اسرار
ماتدري وش وراهم ومو انا اللي اطلع اسرار اختي علشانك بس اتمنى تكون مثل زوج اختى عادي ياشيخ صير مثل فلان خفة دم ويحب مع انها ماتسوي نص اللي اسويلك
وقسم بالله لو اشوفك مرا ثانيه تجيب طاري اختي ولا اي وحده ثانيه اني لاقول لامي وهي تتصرف معاك وعرفها انك قليل حياء وعينك بس ع الحريم
مع انه هو مو كذا والله عاقل لكن لاعصب يحب يرفع ضغطي بس قلت بهدده والحمدلله بعدها ماعاد جاب سيرة مره ابد
كنا مسافرين وقتها وانا قلت له هالكلام ونزلت لمحل ورجعت وانا خايفه منه ردة فعله وااااي سبحان الله الرجال يهلي ويقولي هاه عسى لقيتي اللي تبين ؟؟؟؟؟؟؟؟؟؟؟
طبعا انا انصدمت انا زفيته قبل شوي وردة فعله كذا ؟
اااخ يالوقت اللي راح كنت اعطيه ع جوه ومانفع نفعت هالحركه الحين خخخخخ


عرفت ان الشخصيه هاذي تحب المره واثقه من نفسها وتقدم احلى شي عندها ولاتسمح لاحد يتجراء عليها



انا اقولها لك حبـــي نفسك أول وو اكثر شي لانك لو حبيتي نفسك وقدرتيها اللي حولك راح يقدرك
لكن لو راح عمرك تدورين رضاء هذا وهذا الناس عمرها ماتشبع ولا ترضى
وبعدها
شوفي طبع زوجك كيف واتعاملي معه بذكاء ماقول خربي بيتك لا مثلا سوي عصير عادي جدا
وكبسه عاديه جدا جدا لاتحطي نفسك الحلو فيها وخليك ع هالحال مده راح يجيك بنفسه ويقول يافلانه
وين العصير الفلاني ولا وين الكبسه ذيك الحلوه وقتها ردي ببرود ..قولي ؟ غريبه تقول حلوه كنت تقول ماعرف اسوي شي
كل مده جربي طريقه تعامل معاه لمن تفهمين عليه ولازم تفهمينه عليك بعد
الشخصيه هاذي والله راح تعبك لكن تحملي انا الان تصدقين افهم زوجك اكثر من هو فاهم نفسه :ohplease:



اسفه ياقلبي ع الكلام الطويل لكن اتمنى انك تأخذين لو فكره من كلامي والاخوات العزيزات

حطي له نواشف وريحي نفسك خليه يمدح الجبنه والحلاوه اشوف

رجال يرفعون الضغط

كل مايبدأ بالمقارنه

قولي شي طبيعي تكون احسن مني لان زوجها احسن منك (:


خليه يطرطع

والله الرجال اللي تنبط كبودهم من الغيرة.. لين قارنك بسلفاتك (قارنيه بااخوانه) فلان يدلع فلانه فلان يساعد فلانه فلان يستاهل من تتعب عشان او تطبخ له او تتزين له او او او لان لسانه ينقط عسل واشتغلي مقارنات واذا قال شي ردي عليه بنفس كلامه (انت تغار من اخوانك) خليه يطامر من القهر ويحسب لك الف حساب قبل يفتح فمه او يقارن يقولك المثل داوها باللتي هي الداء كل رجال مايحب زوجته تقارنه برجال ثاني فما بال لو كان هالرجال اخوه!! لان الزوج يبي يكون افضل من اخوانه في نظر زوجته بس عاد انتبهي لاتنفذين الا بعد ماتشوفين طبع زوجك عشان ماتدعين علي واهم شي شغلي كيد الحريم بس لاتسكتين ترا يتمادى لو انا والله معد يشوف الا رز ابيض ناشف وسلطه ناشفه وياحسوفة تقطيعها عليه حتى ايدام ماني مسويه هذا ان طبخت له اصلاً! وعيالي بسوي لهم اكل ثاني لكم يوم وكل ماجاعوا حميت لهم وكلت معهم .. ازواج اخر زمن يختي قولي تراك بطيني ماتحكي الا فالطبخ والاكل ماعندك اهتمامات ثانية وجيبي طاري زوجات وتعامل ازواجهم معهم في غير الطبخ والاكل يعني بيني انك ناقص وحارمني زي اللي عندهم مثلا فلان يمشي زوجته او يجيب لها هدايا او يداري خاطرها .... الخ


الله يسخره لك غصب عنه