بنات ولدي شكله استخف عقله انتهى

بنات ولدي شقي بشكل مو طبيعي وخاصه بعد ماجاه اخو صغير زادت شقاوته بشكل ماتتخيلونه يعني اي شي يخطر على بالكم يسويه والالفاظ لاحدث ولا حرج كلي ........ طبعا اكيد عارفينها وانتم بكرامه وتفال وحركات عيال شوارع وصار يطلع عورته قدام الناس تخيلو وفرحان فيها والله بموت منه وارحمه من كثر مااضربه بس وش اسوي جنني ومره متاثر باتمان وبتوم وجيري والرجل الحديدي مره يقلدهم بكل شي وبس يطق البزارين ويقول انا سوبرمان
بنات اليوم حسيت ان ولدي انهبل خلاص انا كنت اعاقبه اذا تلفظ الفاظ وصخه احطله زنجبيل ويحره بس اتليوم تخيلو قلتله بحطلك زنجبيل قال عادي عطيني اصلا لذيذ يوم عطيته يقول عطيني زياده تخيلو انا ماادري اضحك ولا ابكي ياربي ولدي مره كانه مجنون الكل يقول الله يعينك عليه يعني ولدي دمار شامل
غير اخوه الصغير مسكين جننه بتبويس وجهه صار كله حساسيه بسبت اخوه غير اني لو اغفل عنه دقيقه القاه شوي ويقعد فوق اخوه واخوه ابو شهرين ياربي كرهة حتى الروحه للناس تخيلو حمولتي قلت مااروحلهم الا اذا كانت بس ام زوجي بلبيت لكن اذا اجتمعو مااروحلهم لانهم بس يتشكون من ولدي وانا بصراحه ماالومهم وحتى خالاتي صرت مااروحلهم لانه يضرب عيالهم والله العظيم انه مجنني وبنفس الوقت ارحمه مره ودي انه يقعد لو دقيقه مسكين مايرتاح ابد واحيانا اقعد اصيح اقول يمكن ولدي صار مهبول والله يسوي حركات مو طبيعيه من جبت اخوه وهو منهبل بزياده
ادري بتقولون غيره بس انا طول الوقت اخلي اخوه بلغرفه نايم واذا قام جبته يعني مااقعده معي كثير واذا عندككم طرق اعرف وشلون اخفف من هلغيره علموني جزيتم خير
ادعو لولدي ان الله يهديه ويهجد شوي من غير شر وياربي يحفظ اخوه منه ومن غيره والله اخاف يوم يذبح اخوه ولا شي