um hissa :

اللي زوجها و عيالها يحبون البحر عندكم ( بوكيت) في تايلند و انصحكم بسكن منتجع بندريكا صحيح هادئ بس حق راحة و روقاااان صدق و كل فيلا عبارة عن غرفة نوم بحمام (اعزكم الله ) و مع كل فيلا بركة صغيرة خاصة ... و ممكن تستأجرون قارب يوديكم جزر بحرها كريستال من الصفاء , و اكلوا سي فود الى ما تقولون بس اذا تحبونه ... بس الجو شوي لكم عليه استوائي ... ايضا (فينا) عائلية و هادئة و طبيعة بس سوقها مش و لا بد .... يعني تكون محطة اولى ثم باريس مثلا ... ايطاليا حارة في الصيف , بس ترى يمدحون فورتي دي مارمي و ريتشوني ... هونج كونج حلوة بس مش اكثر من 5 ايام , يعني محطة ... بس غالية ... سوقها حلو . ميونخ في المانيا و بعدها سالسبورغ و زيلامسي ... طبيعة مرة حلوة و خاصة زيلامسي . انا مثلك محتارة .... ودي في امريكا بس مستصعبتها ...

اللي زوجها و عيالها يحبون البحر عندكم ( بوكيت) في تايلند و انصحكم بسكن منتجع بندريكا صحيح هادئ بس...

+5

شمــاليه :

الاخت عفصوره كتبت لك زي التقرير عن رحلتنا عشان تشوفين كيف واي استفسار تفضلي الرحله بتكون اما على مطار زيورخ او على مطار جنييف حنا كانت رحلتنا على مطار جنييف ومنه على طول رحنا لوزان واللي تبعد عن جنييف ربع او ثلث ساعه وكان فندقنا فيه وهو موفنبيك اربع نجوم موقع الفندق ممتاز يطل على البحيره سعر الغرفه وكانت مطله على البحيره وسريرين دبل بحكم معانا طفلين 300 فرنك واللي تكون مطله على الحديقه بتكون 280 فرنك وجلسنا فيها يومين اليوم الاول قضيناه في لوزان واليوم الثاني رحنا من الصبح جنييف ومارجعنا الا بالليل جنييف تصلح تمشيه اكثر من انك تسكنينها لان فنادقها جدا غاليه وخاصه بالصيف بتصير دبل وهي مافيها شيء الا البحيره والنافوره احسن مجمع سوق فيها مجمع قريب من المطار اسمه البلاكسيرت المنظر اللي قدام الفندق واليوم اللي بعده رحنا انترلاكن واللي طبعا كانت اكثر جلستنا فيها وهي احسن مدينه في سويسرا كلها وتعتبر اهمها سياحيا واللي يروح سويسرا مايروح لها ماحس انه راح لها فندقنا كان بسيط وهو ثلاث نجوم بس جدا جدا نظيف وهذا اللي اعجبني فيه وتعاملهم مره ممتاز طبعا فيه فنادق خمس نجوم واربع بس حنا اخذناه عشان ميزانيتنا وعشانه مطل على النهر جلسنا فيه كل الايام الباقيه والسعر كان 205 فرنك واذا كانت الاقامه اكثر من ثلاث ايام يكون السعر مخفض وغير كذا يعطونك تذاكر تخفيض للباصات والقطارات اللي تكون داخل انترلاكن وتروحون مشيء لكل شيء اصلا انترلاكن مو كبيره يعني تقدرون تتمشون فيها على رجولكم لابغيتي فنادق خمس او اربع نجوم اقولك وش احسنها لاني شفتهم من برا وشفتهم على النت من جوا هذا موقع الفندق http://www.bellevue-interlaken.ch/ هذا المنظر من بلكونة الفندق هذا الفندق من برا بوفيه الفندق للفطور انترلاكن اكثر النشاطات السياحيه موجوده في انترلاكن من بحيرات وقمم جبليه وشلالات وكل ماتتخيلنه طبعا بقولك اهم شيء فيها اللي يستاهل انك تروحين له انترلاكن واشوف انها اهم مدينه سياحيه ولو تروحين لها لحالها تكفي وتشوفبن كل شيء _ كهف سان بيتوس St. Beatus caves دخوله تقريبا 17 فرنك للكبار والاطفال مجانا من خمسه وتحت حلو الشلالات وفيه مطعم وكوفي وياخذونكم داخل الكهف بكملك بس عشان الرد مايشيل الا كم صوره

الاخت عفصوره كتبت لك زي التقرير عن رحلتنا عشان تشوفين كيف واي استفسار تفضلي الرحله بتكون اما...

+2

شمــاليه :

صوره من اعلى الكهف Heimwehfluh قمة جبل مفتوحه من 9 الصباح الى خمسه العصر وتذكرتها كانت حوالي 12 فرنك والاطفال مجانا من خمسه لتحت حلو المكان تشوفين انترلاكن كلها وقمم الجبال فيها مطعم والعاب اطفال تطلعون لها بقطار جبلي حلو وترجعون فيه او فيه زي مزلاجه تنزلين فيها لحالك بس تخوف يعني لاتركبينها والله غير تجيك سكته انا تراني خوافه :) صوره من الاعلى بحيره بلو سيه Blausee حلو المكان مره والبحيره لونها غريب لاهو اخضر ولا هو ازرق كانها جايه على تركواز ويقولون حسب اسطوره مكتوبه بلوحه انها كانت وحده ساكنتها هي وزوجها ومات زوجها وكانت تحبه حيل وماغير تصيح لين ماتت وان هاذي دموعها عشان كذا لونها غريب طبعا خرابيط وفي البحيره فيه قارب يمشيكم فيها مجانا وفيه مطعم وكوفي Trummelbach Fall طبعا اشهر شلالات عندهم ولا شلالاتهم وش كثرها بس شهرة هذا الشلال انه عشر شلالات تصب في مكان واحد وتطلعون لها في درج وفيه مصعد داخل كهف بس لارحتي ومعاك اطفال انتبهي لهم زين ترى حواجزهم من تحت يقدر يمر منها الطفل انا كنت على اعصابي فيها عشان بنتي الصغيره ماتقعد ماغير تحرك وفيه درج كثير تذكرته عشره فرنك قمة جبل Schilthorn قريبه من شلالات تروميل باخ يعني روح لها بنفس الوقت تبعد خمس دقايق مره قريبه تطلعون لاربع قمم جبليه وتوقفون فيها حلوه تشوفين الخضار والثلوج ولاوصلتوا اعلى شيء تشوفين الثلوج والتزلج تذكرتها للشخص 80 فرنك انت خذوا اللي تطلع لاعلى قمه وبعدين وانتم نازلين وقفوا بكل مكان عشان تتفرجون وفيها الظاهر ثالث موقف لها تنزلون في قريه اسمها مورين حلوه تمشوا فيها القريه هاذي مرتفعه وماتدخلها السيارات بس السيارات الكهربائيه منظر من فوق وتشوفون اللي يتزلجون حتى عجايزهم ماعليهن يتزلجن متحف او مزرعه مدري وش بس هي شامله اكواخ وفيها مزارعيتن Ballenberg وتشوفيه كيف حياة السويسريين اول (( مااقلك لاتفوتينها لا تتفوت )) تشوفينهم يشتغلون قدامك يصنعون الخصف والبقر والبط وكل شيء تذكرتها 16 فرنك بس متعبه في المشي واشوف انها تخلينها اخر شيء اذا امداكم روحوا لها ماامداكم احذفوها لاني ماشوف انها مره مميزه اصلا تشوفين المزارعين واكواخهم وبقرهم وكل شي بطريقكم طبعا انترلاكن فيها اشهر واعلى قمه في اوروبا وهي (( (( JUNGFRA مارحت لها واكتفيت اني اروح لقمة SChilthorn لانها اعلى من اللي رحت لها ولاني شفت اللي ابي اشوفه من ثلج وتزلج بالاولى وماحبيت اكرر والاكسجين يقل فيها وبصراحه عشان معي طفلتين باعمار 3 و2 ماتنفع لهم ولا هي حلو للكبار تطلعين لها وتشوفين الثلوج ملاحظه انترلاكن مليانه قمم جبليه وش كثرها وكلها بالتلفريك بس انا فضلت اروح لوحده بس وتكون شامله يعني اشوف الخضار والثلوج والشلال وهي اللي قلت عليها وهي شلترون بعض الصور من انترلاكن هذا الفندق اربع نجوم وحلو موقعه بوسط السنتر وحتى من جوى غرفه زينه على حسب ماشفته سابقا على النت بس طبعا اغلى من بلفيو هذا موقعه على النت وفيه فندق خمس نجوم حلو اسمه فكتوريا جنقفرو هذا هو من برا موقعه على النت سويسرا مشهوره بالشوكلاته وهذا المحل حلو فيه ويبيع بالكيلوا انواع واشكال المحل اللي في انترلاكن اشوف انه ارخص من اللي بجنييف وهاذي صورة المحل عندهم نوع اسمه كورن فلكس لذيذ فيه بوسط السنتر وعند المحلات محل اسمه هايدي طبعا فيه كل شيء عن سويسرا وبما ان هايدي قصتها اصلا في سويسراوقصتها واقعيه مسوين منتجات باسمها ومسوين لها كوخ قريب من زيورخ واسم المكان هايدي لاند مارحت له لاني شفت صورة الكوخ ماحسيته يستاهل العنوه ومدة سفرتنا اسبوع فقط وكل المناظر اللي في انترلاكن كانك تشوفين هايدي مايحتاج تروحون لهالمكان وفي الفندق يكون فيه بروشورات وكتيبات لكل الاماكن لادخلتوا قشي منها وشوفوها وشوفي وش اللي يعجبك وروحوا لها واللي في الرسيبشن بيساعدونكم مره طيبين ويساعدون اماكن القمم كثيره مره منها جنغفرو _ كلاين شادك _ هارد كلم في نفس انترلاكن تطلعون لها في قطار ونفس Heimwehfluh اذا انك ماتحبين تكررين روحي لوحده بس تكفي فيه قريتين وحده اسمها وينجن والثانيه مورين حلوات وريفيات مره وماتدخلهم السيارات غير السيارات الكهربائيه اللي فيها فيه جوله في بحيره برينز حلو في باخره ويوقف فيكم في عدة قرى ويوقف عند شلال اسمه جيس باخ حلو المكان مره وفيه نشاطات كثيره ومتعدده وموجوده في البروشورات في كل فندق ترى حطيت بعض الصور لانها كثيره عاد انا يابانيه على قولة زوجي وماغير اصور كذا خلصنا انترلاكن طبعا انا ذكرت المناطق اللي رحت لها فقط ولا فيه اماكن كثيره وانا لو بكيفي اجلس فيها شهر ماتملين منها ابدا بعدين اكملك باقي المدن وهي زيورخ وشلال الراين ولوزيرن وبيرن وجنيف

صوره من اعلى الكهف Heimwehfluh قمة جبل مفتوحه من 9 الصباح الى خمسه العصر وتذكرتها كانت...

+2