#ران موري# @ran_mory_2

محررة ماسية

بنات وين راحت ام عبدالله اللي تبيع شاي بالواجهه البحريه بالخبر

السلام عليكم بنات

اليوم رحت مع اهلي الواجهه البحريه نتمشى

وكان غرضنا الرئيسي فوق التمشيه هو اننا نشرب من شاي ام عبدالله

وغرضي الرئيسي انا .. اسوي معاها لقاء >> ابوك يالصحفيه

لا جد كنت مجهز جوالي وشاحنته فل

قلت بحط تسجيل صوتي وبسألها عن سر الزحمه عليها

طبعا راح ابلغها اني ابغى اسوي معاها لقاء >>مصره تصير صحفية

بس اليوم دورنا عليها مالقيناها

حتى ابوي سأل واحد يبيع شاي

وقاله ماتدري وينها ام عبدالله اللي تبيع شاي

قال لا ما ادري >> اكيد بيقول ما ادري :hahaha:

رجعنا البيت بخفي حنين :06:

طبعاً غالبية اهل الخبر اللي يروحون الواجهه البحريه يعرفون ام عبدالله

وهي حرمه تبيع شاهي واشياء ثانية من معجنات وحلويات

والزحمه عليها مو طبيعيه من رجال ونساء وشباب وشابات

وصارت اشهر من نار على علم بالواجهه البحريه بالخبر

حتى بقوقل كتبت شاي ام عبدالله وطلع لي مدح عنها :32:

حتى بعضهم شفتهم مره من المرات يروحون عندها بالترامس

يعبون ترمس كامل :35:

وبصراحه والشهاده لله الحرمه ما اعرفها ولا تعرفني

بس الشاي حقها روعه

تركيزه حلو وسكرها مضبوط

بصراحه بنات انا مصره اسوي معاها لقاء

لان في وحده بعد تبيع شاي بس ام عبدالله غير

ونفسي اعرف وينها بالضبط

هي غيرت مكاناها ولا ماعاد تبيع لان هذا ثاني اسبوع ما نحصلها

اللي تعرف مكانها بالضبط توصفه لي

علشان اذا كان ابوي وافق يوديني بكره عندها

واحقق رغبتي بعمل لقاء صحفي >> مصره تصير صحفيه بالمنتدى

17K

يلزم عليك تسجيل الدخول أولًا لكتابة تعليق.

تسجيل دخول

المتفائله بأحلامي • 12 سنة

غريبه يا ران ماعرفها ولا قد سمعت عنها وانا ليا بالجبيل 16 سنه واروح الخبر من 16 سنه ماعرفها

واخواني بعد بالخبر ساكنين ماقد جابو لي سيره عنها

نسيت نفسى • 12 سنة

صادقة والله حتى ولدي حكالي عنها ويقول تسوي شاى

روووووووووعة ودائما اذا راحوا الواجهة يمرون عليها ادمنوا

وفي بتوفي • 12 سنة

يوووووووه ذكرتيني بالذي مضى اذكرها
والله بس اتوقع مانعينهم هاذا اللي سمعت

كان زمان322 • 12 سنة

تقصدين كورنيش الخبر او الواجهه البحريه في الدمام
اول مره سمع عنها طيب وين تجلس تحديدا عشان اجرب شاهيها

#ران موري# • 12 سنة

المتفائله بأحلامي :

غريبه يا ران ماعرفها ولا قد سمعت عنها وانا ليا بالجبيل 16 سنه واروح الخبر من 16 سنه ماعرفها واخواني بعد بالخبر ساكنين ماقد جابو لي سيره عنها

غريبه يا ران ماعرفها ولا قد سمعت عنها وانا ليا بالجبيل 16 سنه واروح الخبر من 16 سنه ماعرفها ...

انا كنت مثلك ما اعرفها

بس كنت اسمع فيها .. واول مره شربت من الشاي حقها السنه اللي طافت ومن بعدها عجبني

وكان عليها زحمه

ورحنا لها قبل كم شهر والزحمه هي نفسها

بس اليوم مالقيتها :(

كتبت بقوقل شاي ام عبدالله وطلع لي هالموقع

http://gowalla.com/spots/6289783

http://boardreader.com/thread/am_ybdallx_kunish_alxbr_qsx_tstxhq_an_ts_24cvX2986.html?o=10

وهذي اقتباس لاحد الردود باحد المواضيع

يبغالك تروحين الواجهه البحريه وتجربين الشاي حقها

بس ما اعرف مكانها بالضبط :(