بنات و دي اقول اللي في قلبي ابموت من القهر

اخواتي الحبيبات ودي افضفض لكم لاني والله احبكم ودي اقول اللي في قلبي انا شغالتي راحت من كم شهر وانا الان بدون شغالة واختي جتها شغالة من حوالي 5 شهور وكان عندها اول شغالة وخلصت سنتين وراحت وانا خلصت 4سنوات كانت حبوبة ماشاء الله عليها وكانت اختي اذا جت بتروح لمشوار جابت شغالتها وعيالها عندي هذا الكلام قبل تروح شغالتي وشغالتها الاولى المهم انا اذا قلت لها ليش ماتخلين عيالك في البيت احسن لهم من الشيل والحط قالت ابوهم مايرضى اخليهم لحالهم مع الشغالة
المهم اختي تمون وعيالها يمونون وصياح وصجة كله علشان ماتزعل اختي
لا ويمكن تجيبهم لي في الاسبوع 3 او2 مرتين في الاسبوع لا وتتاخر متى تجي تاخذهم واذا بغت مني اي شئ والله ماردها وكانت اذا بغت من شغالتي شئ تسوية لهاقبل تسافر لافه لها فطائر حتى اذا صارت في الدوام في رمضان تقول صلحي لي فطور اصلح لها ويجي زوجها وياخذها مو دايم بعض الاحيان واصلح لها معجنات اذاجت بتروح لاهل زوجها او صديقاتها تدق علي وتقول صلحي لي بدون ماتجيب الاغراض انا والله استحي واحيانا ماترجع صحون حقت المعجنات واسكت واصلح لها اكلات شعبية وبعد فترة سافرت شغاتها وشغالتي وجلسنا بدون شغالات هي اخذت اجازة واذا بغت تروح لسوق اومشوار تجيب عيالها عندي لاني طيبة مرة كنا معزومين كلنا وتلمح لي تبيني ماروح للعزيمة علشان اجلس عند عيالها المهم راحت للعزيمة وجابت عيالها عندي وماجت الا الساعة3.50 الفجر وبعد كم شهر جت شغالتها واحيانا اذا كلمتني في التلفون قالت وش فيك قلت مشغولة يا اكنس يا اغسل لان ماعندي شغالة اقسم بالله انها من جتها الشغالة وهي ماقبلة علي الامرة
وحدة جتني علشان عندي اهلي لا وجت متاخرة وماعمرها قالت لي ترى ابرسل لك الشغالة وانا استحي بالمرة حتى لو كانت اختي وهي عكسي جريئة علي افكر اقول يوم كانت عندي شغالتي وكانت تجيني وتجيبي عيالها وشغالتها والحين يوم احتجت لها وما صار عندي شغاله تخلت عني ماصارت تقبل علي تخاف اني اكرف شغالتها مادري مرة تعبو عيالي سهال واستفراغ الله يكرمكم ماهان عليها تقول ترى برسلها لك مافكرت الله يسامحها مرةاختي صلحت حلى قهوة قلت لها لين جاء يوم صلحي لي وش تتوقعون ردها علي اشتري الاغراض واصلح لك احس الدنيا دارت بي نست اللي سويته لها مسكت عيالها واصلح لها معجنات واكلات شعبية ماعمري اخذت منها ولا ريال اصلا مافكرت تعطيني والاتهديني شئ ومرة طلبت منها تجيب لي حلى جاهز من وحدة مصرية ب50 ريال وانا مابي لاحد شئ بعد فترة عطيتها50 ريال واخذتها على طول مع انها موظفة والله ماعمرها فتحت محفظتها وعطتني لو ريال واحد او حاسبة عني اذا كنا رايحين للسوق مع بعض والله يابنات انا مقهورة والله اني اذا طلع زوجي وعيالي الصباح اجلس اصيح وافكر ليه تسوي كذا
والله اني اكتب لكم وانا اصيح من اقهر
بنات انا اسفة على الاطالة لو كنتو في مكاني ايش راح تسوون
الله يسعدكم ادعولي انالله يسخرلي زوجي ويهدي عيالي ويرزقني بشغالة تخاف الله