بنات و سيدات رأس الخيمة... استفتاء بسيط عشان اعرف مدى رضاكم عن صالونات التجميل

وين الردود؟!! افاااااااااااااااااااااااااااااااا والله زعلتوني:(

هلا اختي تصدقين رديت عالموضوع واتسكرت عندي الوندوز :mad: :icon33:
عاد الحين لازم ارجع اكتبه مره ثانية...
وان شاءالله اكون افيدتج بأجوبتي :)

السؤال الأول:
*ما هو افضل صالون للتجميل في راس الخيمة بشكل عام ولماذا؟
بغيتي الصج هو ما في صالون عندنا براس الخيمه متكامل يعني توب بس يمكن بنظري انا اشوف H2O أحسن من غيره وفي ناس يروحون ايفاري وبتلقين وايد صالونات بالظيت عالشارع العام بس انا عن نفسي ولا مرة دخلت واحد فيهم ...

السؤال الثاني:
*ما هو افضل افضل صالون في الشعر؟
امممممممممممم في الشعر من ناحية القص انا عن نفسي وايد احب اروح H2O كونهم مسلميييييييين وعرب وقصهم حلو لكن اخر مره رحت عندهم قصهم مو شي :( لانه الي كانت تقص لي خلاصص سافرت ومشكلة هالصالون كل شوي يغير الموظفين بعد ما نحنا نكون اتعودنا عليهم ما ادري ليش ؟؟؟ يمكن بروحهم يطفرون :D واذا من ناحية تساريح ... ولا واحد براس الخميه تساريحه حلوة لصراحه ابد ما تتغير لو تروحون الهم بعد سنتين تلقين نفس ستايل التساريح ..

السؤال الثالث:
*ما هو افضل صالون في العناية بالبشرة؟
اممممممممممممممم ما عرف الصراحه بس جربت H2O ويا حيييه يعني مب لهاذاك الزود .. ما احس اتغير ببشرتي شي :o وربعي يمدحون الصالونات الي يكون فيها باكستانيات بس انا عن نفسي ما ا حب اروح عندهم وبعد ايفاري يقولون زين والله اعلم..

السؤال الرابع:
*ما هو افضل صالون في المكياج؟
عاد المكياج ولا شييييييييييييييييييييييييييييييييييي :09: كلهم مكياجهم خرى احس ما يعرفون يوازنون كريم الأساس .. ابد تشوفين الويه كله مبقع .... بس أغلب الناس اخر فتره يروحون H2O وكم صالون بعد بس ما عرفهم انا .

السؤال الخامس:
*ماهو افضل صالون للعناية بالظافر؟
H2O لانه عندهم فلبينيات حلو شغلهم يعرفون يرتبون الأظافر بس الصراحه ما جربت الباقيين

السؤال السادس:
*ما هي المنتجات المفضلى لديك للعناية بالبشرة؟؟ وهل هي متوفرة في صالونك المفضل؟
الصراحه ما عرف ولا مره خذت منتجات من عندهم

السؤال السابع:
*ما هو الصالون ( خارج راس الخيمة) اللذي تتمين وجود مركز في نفس خدماته وجودته في الامارة؟
اممممممممممممممممممم وايد يعني مثل مورا الي بدبي ... شارم بعد الي في دبي ... يعني هاذيلا بعد الي تروحون لهم بالبيوت مكياجهم وايد حلو مثل هيفاء صفر وهند الأميري :) امممممممممممممم منوه بعد الصراحه هالحزة ما خطرلي الا هالصالونين .. بعدين بخبرج بالباقي ...

بس نحن نتمنى يكون عندنا صالون يكون توب من ناحية التساريح والمكياج لانه الأشياء الثانية يمكن تمشين فيها الحال مثل الحلاوة التنظيفات وكل شي ...

وهذا رايي واسمحييييييييييييلي :27: وان شاءالله اكون فدتج

اختج:
ملاذ الطير 79

ملاذ الطير79

الغالية.. اشكرج على تجاوبج ويا موضوعي.. واتمنى مشاركتج تشجع باقي الاخوات

بالنسبة لردج.. وايد ناس من اللي حولي يقولون نفس الكلام...عن H2O

اما صالون ايفاري محد عطاني رايه فيه

والريفيرا................الانطباع اللي خذته عنه عقب ما جربت شيئين عندهم.. انه شغلهم اي كلام. وبصراحة ما يسوون الشي بذمة وضمير...(سوري بس هاذا رايي الخاص)

وصدقوني يا بنات اني ابغي افيدكم.. انا استقريت في راس الخيمة وتركت وظيفة كان لي فيها مركز... وقررت اني ابغي اسوي بزنس خاص.. نظرا لاني احب التجميل من كل الجوانب.. ولي اطلاعات في كل ناحية على الرغم اني بس امارس المكياج.. وبصراحة انا اايد التخصص في الصالون.. يعني اللي تمكيج بس اتمكيج واللي تسوي الشعر بس اتسوي الشعر وهاذا اللي تشوفونه في اوروبا عشان جذه الموظفين يستوي عندهم رضا وظيفي وما يكون عليهم ضغط فيتفننون في مجالهم.. عكس ما هو ماشي الحين ايبون موظفة اتسوييي كل شي مكياج شعر فيشل ظفور.. عشان جذه نص كلامهم فاضي وخرابيط يقصون فيها على الزباين اللي يصرفون دم قلبهم على التجميل وفي النهاية النتيجة ما ترضيهم...

وهذا اللي ابا اسويه انشالله

صالون او مركز تجميل يرتكز على الموظفين ذوو الكفاءة والخبرة في مجالهم
يستخدمون المنتجات اللي تفيد الزبون سواء للبشرة او الشعر الخ..طبعا هناك الكثير الكثير من المنتجات اللي يستخدمونها الصالونات لكن مب كل هاذي المنتجات فعلا تفيد الزبون على قد ما فيها وهم للزبون انها بتفيده وهاكذا



فا يا بنات ابغي اشوف تشجيعكم لي كبنت بلادكم... على الاقل بكتابة ارءكم :30:

بصراحه الي فهمته من صديقتي الي ساكنه في راس الخيمه انه اغلب العرايس يتمكيجن في دبي والشارجه ... يعني انا اقولج انه صالونج بيكون له صييت وعليه اقبال اذا كان على مستوى عالي من النظافه والشغل اليديد ... وبالتوفيق حبيبتي

هلا اختي
من فترة ابغي ارد بس مانت عندي مشكلة في دخول الموقع
· ما هو افضل صالون للتجميل في راس الخيمة بشكل عام ولماذا؟
مافي صالون متكامل..يعني كل شي له صالون متميز فيه
· ما هو افضل افضل صالون في الشعر؟
القص:سندس-الصبغ:في صالون يديد اسمه موريمور-وبافان
· ما هو افضل صالون في العناية بالبشرة؟
لين الحين ما شفت ولاواحد متميز في العناية بالبشرة
· ما هو افضل صالون في المكياج؟
من فترة جريبه شفت شغل اللي في ايفاري بصراحة كان حلو ومرتب وثابت..في بعد صالون جيوفانا بس مش ثابت يعني لين نهاية العرس كله اخترب.. ويقولون في هندية في H2Oمكياجها حلو
· ماهو افضل صالون للعناية بالظافر؟
بصراحة ما ادري
· ما هي المنتجات المفضلى لديك للعناية بالبشرة؟؟ وهل هي متوفرة في صالونك المفضل؟
معظم اللي ينباع في الصالونات اشياء غير مفية بس غالية..يخدعون فيها الزباين
· ما هو الصالون ( خارج راس الخيمة) اللذي تتمين وجود مركز في نفس خدماته وجودته في الامارة؟
معظم صالونات الشارجو ودبي ما عليها كلام ..ياليت يكون عندنا مثلهم

اختي اتمنى اكون افدتج
والسموحة