ياناس ياعسل المنكوش قصدي الفنكوش وصل ..
غبت لي كام يوم وسبتكم مرتاحين من الرغي بتاعي ووجع الدماغ بس يلله تعملوا ايه ايام السعادة قصيرة وكان لازم ارجع أنكد عليكم ..
طبعا سلام كبير شحط محط للكل .. نيفر نيفر ..
واااااا حشيني ياغجر...
**** سبانيش فلاور ****
بتقولي عندك مشكلة في البطن الصغنون ومش عارفه تعملي ايه .. كويس انك سألتي ومن حظك اني موجوده عشان ارد عليكي لانك جيتي للشخص المناسب ..هبقى ابعت لك بالتفصيل الممل طبعا ازاي تعملي زيي وتحولي البطن الصغنون بعد الولاده لكرش كبيييييييييييييير له اول بس لسه مش لاقيين آخره ..
بتقلبي علينا المواجع ليه بس ياسبانش ماكنا ناسيين ..
***** أم حبيبة *****
عجبني اوي النصائح الزوجية الي حطيتيها وخاصة
"-طبعا مفيش حاجه اسمها الكرامه والعزة النفسيه والحاجات دى بين الازواج لكن ده مش معناه ان مايكونش فيه احترام لانه ده اهم حاجه لكن مفيش مانع ان المظلوم يصالح الظالم وان الطرفين ما يزعلوش من بعض مهما كانت الاسباب ولايقول طرف انى انجرحت ولااقبل الصلح والحاجات دى"
النصيحة دي بالذات مؤمنة بيها وشايفه انها احد اهم اسرار السعادة الزوجية .. بصراحه المفروض كل زوجه تنقشها في بيتها بماء الذهب .
**** دون ****
قريت جزء من ملف الأكلات المصرية وبصراحه كلمة راااااااااااااااااااااااااااااااااااااائع قليلة عليه .. تسلم ايديك والله على الي كتبتيه وتسلمي على اخلاصك في توصيل المعلومة .. ربنا يبارك لك ويجعله في ميزان حسناتك ..
**** أحلام عصفور ****
ياريت الله يكرمك ترسلي لي جزء من التلخيص بتاع ملف الاكلات ده لاني حاولت اقرأها كلها لكن الوقت لم يسعفني .. وربنا يكرمك على مجهودك ده لان الملف فعلا كنز محتاج توثيق ..
**** هدهود ****
بارك الله لكما وبارك عليكما وجمع بينكما في خير .. ويارب يارب السنة الجاية زي النهردة يكون في صغنون قاعد جنبك وانتي بتشاركي معانا .. وعقبال كل الي نفسه يوجع دماغه .. قصدي يتجوز ..
وكفاية عليكم كده لاني لسه مقريتش بقية الصفحات الي فاتتني .. بقول لو حد مبيضها يديهالي انقلها .. بس اوعى تستغلوا الفرصة وتحطوا لي ورده في الكشكول أحسن اهلي في البلد يجطعوني جطييع .
كنت هنسى
.. إليكم معلومة اليوم ..
..الجمل سفينة الصحراء ..
بحط معلومات اهوه عشان محدش يقول بتخش بلوشي
وإلى اللقاء قريب مع رسالة أخرى ومعلومة جديدة ..
مراسلتكم .. أم عتريسه .. الدرب لحمر .. بجوار كشك عم عبدو
ياناس ياعسل المنكوش قصدي الفنكوش وصل ..
غبت لي كام يوم وسبتكم مرتاحين من الرغي بتاعي ووجع...
طيب انا معاكى ان فيه ستات كتير بتنجح فى شغلها......لكن انت مش معايا ان ده بيكون على حساب صحتها واعصابها وبيتها طبعا فى المقام الاول
ومش هقول لك يا منى ان كل اللى قاعدين فى البيوت ممشيين بيوتهم على سنجه عشرة بالعكس ممكن تكون واحده تانيه بتشتغل بيتها منظم اكتر بس ده مش بيرجع للشغل فى حد ذاته لان الشغل اصلا حمل زايد لكنه بيرجع لشطاره الست دى والاصول اللى اتربت عليها وكمان على مدى تفهم زوجها لها ومساعدته لها
انت بقى مصره على ان المقال موجه ليه؟؟؟؟؟؟ششش :D
انت اللى جبتيه لنفسك:
خدى عندك......اولا من موجهه ؟؟وايه الغرض من التوجيه؟؟وايه اللعب بالدماغ فى الموضوع؟؟
تعالى نقول العكس :اللى بينادوا بتحرير المراه هم نفسهم اللى القوا بيها فى مستنقع مالوش اخر وبعدين سابوها وحلانه
يعنى اللى بيقول تحرير المراه ده اللى بيكون كلامه موجه لان الاصل من زمان ان الستات كانوا ربات بيوت
من موجههم :كل حد يكره الاسلام (لان الاسلام فى الاساس هو اللى امر المراه بالبيت الا للضرورة والحاجه الماديه وده طبعا مش معناه الحبسه بالعكس دى المراه على ايام الرسول(ص)كانت الطبيبه والداعيه وكمان كانت بتشارك فى الحروب وكانت تروى لها الاحاديث والسيده عائشه كان الرسول (ص) يقول عنها خذوا منها نصف دينكم وموضوع ان صوت المراه عورة وانها اى كلام فاضى دى احاديث ضعيفه ولكنها تروى للتشويش من نفس جهات التوجيه لتبغيض الناس وخاصه النساء فى الاسلام يعنى ضرب تحت الحزام)
الغرض من التوجيه :اشاعه الفساد والبلبله وخراب البيوت وكان فيه واحد من العتاوله بتوع اليهود من زمان قوى ايام ماكانت لسه الست ست قال:
"ان المراه المسلمه هى سر قوة المسلمين وليس الرجل لانها هى التى تربى الرجل فاذا اردتم ان تدمروا الاسلام وتهدوا اساس المجتمع الاسلامى من جذوره فما عليكم سوى اخراج المراه من مملكتها ولن تحتاجوا الى اى شىء اخر" :30:
ربنا ينتقم منه بقى راح للى خلقه
وبيلعبوا فى الدماغ ويقولوا تفعيل دور المراه علشان كل ست فى بيتها تحتقر نفسها وتعتقد انها مالهاش دور
والحقيقه انها لها اعظم دور :27:
تعالوا اقول لكم الست فى بيتها .........
اسفه
عن اذنكم موقتا ........البيت :angry: