رابط اول موضوع لى
يلا ادخلوا وشجعوا اختكم
" target="_blank">http://forum.hawaaworld.com/showthread.php?t=361155]
سيندريلا فين عش الدبابير عايزة الموسوعه الله يكرمك
ام حبيبه 1 قرينتى
فينك لك وحشه شكرا على سؤالك ويكرمك فى عيالك (شعر)

ام حبيبة انتي مش حطيتي رابط للموضوع بتاعك انتي حطيتي رابط للصفحة اللي فيها الموضوع

روحي عند الموضوع بتاعك وافتحيه وبعد ما تفتحيه خدي كوبي من من فوق ونزليه ماشي يا جميل يا رب

بس هو موضوع حلو لي رجعة هناك ان شاء الله

شكرا ام احمد حبيبه قلبى
عدلتها........يلا اقروا النصائح الزوجيه لام حبيبه النكديه

وأخيرا حصلت المعجزة وقريت كل الردود الي فاتتني .. واسمحوا لي بكام رد عشوائي كده على الماشي ..

<FONT face=Arial color=#ff0000 size=2>**** أم أبيها *****
</FONT>

عيد ميلادك 8/29 نفس اليوم الي عتريسه اتولدت فيه .. بس سجلناها 9/1 عشان تبقى طالعه لابلتها دندون ..

ربنا يقومك بالسلامه انتي ورواء يارب وكل الي عليهم الدور .. صحيح متنسيش تدعي لنا كلنا وقت الولاده يجمعنا في الجنة زي ماجمعنا في الدنيا ..


بالنسبة لعيد الجواز ولا ذكرى الجواز :P .. بالنسبة لي انا محاولتش احتفل بيها خالص لاني فكرت اكيد هييجي يوم بعد كام سنه ومببقاش فاضيه اني احتفل او حتى معنديش الحماس لده .. فطبعا وقتها هنتحسر انا وهو على ايام زمان ونحس ان الحب قل أو ضاع بدليل اننا معدناش بنهتم باليوم ده ..

كل الي بعمله اني بقعد اقول ياااه زي النهرده اتجوزنا .. واستعرض معاه الاحداث السريعه الي مرت والحاجات الي عدت علينا ونحمد ربنا اننا مع بعض .. لبعض ونشرب اللبن ونغسل رجلينا وننام ..


فانتي ممكن متعمليش حاجه مميزه اوي في اليوم ده بس كوني حريصه جدا انك توصلي له الاحساس بان سنة مرت مزادتش عندك غير الحب ليه ومثل هذه الامور .. بس على الجانب الآخر في عيد ميلاده لازم متنسيهوش بهديه ولو رمزيه أو حتى تورتايه صغيره .. ومن وقت للتاني ابقوا اخرجوا لعشاء رومنسي لكن يفضل ميكونش في نفس يوم زواجكم للسبب الي سبق وذكرته ..



<FONT face=Arial color=#ff0000 size=2>**** نووودي **** </FONT>

ألف سلامه على الوالد .. بتقولي كان تعب فجأه .. طيب ودلوقت ؟ ان شاء الله احسن .. طمنينا عليه..


<FONT face=Arial color=#ff0000 size=2> **** أم باسل **** </FONT>

أعتقد ان حل المشكلة الي ذكرتيها ان البنت تروح لاهلها وتقولهم بصراحه وبدون توريه " انا بحبكم جدا بس حاسه انكم بتحبوني أقل من اخواتي بكثير " وبعدين تشرح لهم اسبابها بهدوء بس المهم ان محور كلامها يكون لتوصيل رساله محدده للاب والام وهي انها مش بتلومهم او تتهمهم بالتفرقه هي بس بتحبهم جدا ونفسها انهم يبادلوها نفس الشعور


في مشكله اننا بنبقى عارفين شعورنا كويس تجاه الي حوالينا لكن للاسف ساعات مبنعرفش شعور الي حوالينا ايه غير لو هم قالوه بلسانهم ..

فممكن جدا ان اهلها بيحبوها جدا بس هي مش حاسه ويمكن هم حاسين انها مبتحبهمش زي الاثنين التانيين ومحتاجين يسمعوا منها وجود الحب ده ..

خليها تجرب تقولهم ونشوف ايه هيحصل ..

اما بالنسبة لو احتاجت حاجه .. ممكن تطلبها بطريقه مؤدبه وبعزة نفس .. يعني تقولهم والله في حاجه كنت محتاجاها لو في امكانيه لكن لو مفيش خلاص .. هيسألوها محتاجه ايه .. تقول محتاجه كذا .. والله لو قالوا لها اوكي خير وبركه قالوا لا .. تقولهم خلاص مش مشكله انا هحاول ادبرها وربنا يعين .. وهكذا .. لكن متقولهمش ابدا ليه بتدوا فلانه وانا لاه لان ده له عواقب تانيه هي في غنى عنها ..


<FONT face=Arial color=#ff0000 size=2>***** UMHABEBA **** </FONT>



موتيني من الضحك على كلمه "شكرا للى طرشولى على العام والخاص(ده خليجى محدش يتخض)" كل مافكر فيها اموووووووووت من الضحك ..

شكرا الف شكر على سؤالك عني ومعليش انا مقريتهوش غير النهرده ..


<FONT face=Arial color=#ff0000 size=2>**** سندريلا ***** </FONT>


موقف الخلاط ده فظيييييييييييييع الحمد لله ان ربنا نجاكي منه .. سبحان الله اهي مواقف زي كده بتخلي الواحد يحس قد ايه ربنا كبير وله فضل علينا .. الف حمد وشكر ليك يارب


<FONT face=Arial color=#ff0000 size=2>***** هدهوود ***** </FONT>

هقولك خبر حلو .. لاحظت والعهده على الراوي ان ايام الزواج الاولى بتبقى هي اصعب ايام والي بعد كده بيكون أفضل .. يعني شهر العسل مش هو اول شهرفي الجواز صدقيني .. ده متقسم مش هقولك ايام انما لحظات هتعيشيها متتابعه في الايام والسنين الجايه ..

وبالتالي متحطيش في دماغك اي احساس بالذنب انك مش قادره تسعدي جوزك لان ده مش صحيح .. ده غير إن مين قالك اساسا انه مش سعيد ..

بصي لو في زوج وزوجه بيكافحوا عشان يفتحوا بيت وارتبطوا ببعض برغم كل الظروف الصعبه الي بتواجه اي اثنين بيفكروا في الجواز خاصه في الايام المهببه الي احنا عايشين فيها دي .. الكفاح ده في حد ذاته هو اسعاد من كل طرف منهم للآخر .. يعني هو كان بيكافح عشان مين ؟ اعتقد كونكم متجوزين دلوقت فدي اكبر هدية بيقدمها كل واحد فيكم للتاني ..

واكيد وطالما انك حريصه بالشكل ده على اسعاد جوزك زي ماهو واضح من كلامك فانتي أكيد بتعملي حاجات بتحاولي تبسطيه بيها واكيد هو حاسس بده .. يمكن مش هيبان الأثر دلوقت على طول لكن مع الوقت وبتراكم لحظات السعاده والامتنان عند كل واحد فيكم هتتشكل الصورة النهائيه وهي انكم هتكونوا سعداء بإذن الله ..

وعلى فكره انتي اكيد لسه مرهقة من فترة ماقبل الزواج وترتيباتها فعشان كده حاسه ان الوضع غير ماكنتي متصوره لكن صدقيني ان شاء الله كل مايمر الوقت هتلاقي علاقتك مع زوجك دخلت في الاطار الي كان نفسك تكون فيه ..


<FONT face=Arial color=#ff0000 size=2>**** نورا عمار **** </FONT>


فهمت من كلامك ان الأخت آنسه على قولة الشيخ سيد .. ومشكلتك ان الشغل مش مديلك الطموح الي كان نفسك فيه وبتفكري تسيبيه .. اعتقد هي دي المشكلة الي بتسألي فيها ..

لو عاوزه رأيي ...

أوعي تسيبي الشغل .. صلي استخاره مرة واثنين وعشره .. وفي النهايه ولو اقتنعتي انك لازم تسيبيه فعلا خلاص مسموح لك تسيبيه بس بشرط .. دوري على شغل بديل الأول ..

عارفه ليه . . لان الشغل ده على تدني مستواه الا انه افضل بكتير من قعدة البيت .. انتي زي الي بياكل كل يوم جبنه مش .. سدت جوعه بس لكن مشهيتهوش .. فقاعد يحلم بفرخه محمره ولا حتة بفتيك من بتوع ابله دون .. يقوم يعمل ايه .. يرمي المش في الزباله .. طيب ماهو بعد ساعتين تلاته هيموت من الجوع وهيترحم على حته المش الي رماها ويعيط ويقول ولا دوده من دودك يامش ..

مش كده ولا مش؟

عملت المحشى والذى منه والعيال فى الشغل اتهبلوا عليه وبدل ما كنت عازمه 6 بنى ادمين بقوا 200 وندهوا بعض كنت فاكرانى هدوقه حتى لقيتنى واقفه بتفرج

بنات انا كنت قاعده اقرا رددكم بالتفصيل دلوقتى لانى ما كنتش بلحق وعايزه اقترح عليكوا حاجه لو حابينها ننفذها انا عندى كتاب بتاع الاكلات السريعه وواحد للاكلات الى بتدخل الفريزير ايه رايكم اروح عند دون واحطهم او نعمل لينك جديد ونسميه اكلات المراه العامله وكل واحد يشارك بكل الافكار الى عنده حتى فى ترتيب البيت واهو ينفع ست البيت الى يومها مزدحم وكمان الست العامله