ايه ده ياجماعة انا مش لاحقة 50 صفحة في اسبوع
عموما وحشتوني جدا جدا بس راجعة من اجازة اسبوع والشغل على ودنه :angry: اشوفكم بكرة على خير

الحمد لله كلمت رواء اخيرا بعد مجهود وعناء من الصبح
بتسلم عليكم جميعا نفر نفر ويلا اللي عاوز عريس يقف في الف ويحضر اوراقه ويقول هيدفع مهر كام وهجيب شبكة ايه ما هو مش اي عريس ده عمرو باشا

ام ابيها انا مع ام احمد وخصوصا فى انك ما تشكيش اهلك لجوزك ابدااااااااا مهما حصل
بس فيه حاجه مخليه باباكى ياخذ السكه دى - مشاكل سابقه مثلا؟؟ - على اى حال النوع ده من الاباء عايز حنان غااااااامر خلى بالك هو غيران عليكى وده برضه حسب ترتيبك فى البيت لو انتى البكريه المشكله هتزداد سوءا - انا عارفه معظمنا ما بيعملش كده بس ده غلط -حاول تقربى منه تحضنيه كثير تبوسى ايده وراسه بمعنى اصح تحبيه وجوزك قاعد اقعدى جنب بابا ادلعى عليه - على فكره الازواج بيحبوا جدا مشاهد الرومانسيه دى بينك وبين باباكى لانه بيحس انك هتبقى كده معاه فعلا - انا عايزه اقولك ان كل علاقه فى الدنيا جميله ورائعه بس احنا شويه مصلحجيه بنركز على العلاقه ام فايده حاليا - لذلك حاولى تسترجعى العلاقه الحلوه الى كانت بينك وبين بابا - بشويش احسن يتخض - اعملى حاجه حلوه فى بيتك بابا بيحبها ووديها له - احسن وسيله عشان باباكى يطلعك من دماغه مش انك تبعدى لا كده هيهجم اكثر احسن وسيله انك تهجمى عليه بالحب فياخذ هو بقى منك ركن ويذبهل شويه لانه اكيد العادى بتاعك مش كده وبعدين يبتدى يفكر فانتى ما تديهوش فرصه استمرى فى ابداء الحب المستمر - عكس ما تعملى مع جوزك طبعا - لان النتيجه واحده لان باباكى راجل - وهى انه هيطلعك من دماغه

هو دلوقتى بيتخانق عليكى لو شديتى نفسك منه هيحارب عليكى - فهمتى حاجه يا اختى؟؟

باباكى برجه ايه؟؟

أم احمد

اشكرك على ردك وجزكي الله خيرا، لكن انا والله فعلا باخبي عن اهلي كل حاجة انا بطبعي كتومة، ومش باحب كتر الكلام ومش باشتكي والله الا لما بيفيض بي، طبعا عارفة اني ما ينفعش اقول لزوجي او احكي له وعلشان كده باحكي لكم انتم ، ولما كنت باحكي لماما كان قصدي اقرب بينهم وبين اهل زوجي

وطبعا مش كل حاجة بتعدي من غير زوجي ما ياخد باله، لأن بابا ما شاء الله عليه مش بيرتاح الا لما يتكلم، يعني ممكن في مرة يروح ناكش زوجي وقايل له حاجة ويفاجئني ، وطبعا اتشال انا واتهبد، ما هو لاما زوجي يكظم غيظه ويسكت، بس طبعا انا دمي بيتحرق، لإما يروح رادد هو كمان رد حلو في الجول على طول (بأدب طبعا) فيروح بابا اللي بيزعل من اهون حاجة يعمل مشكلة

وحياتي بقت جحيم خلاص، يعني مثلا بابا مسافر طول العام ودلوقت هو في اجازة، تخيلوا عاوز يحكم علينا لا نروح ولا نيجي طالما هو قال جاى وفي اى وقت ويزعل لو قلنا ان في مشوار او معزومين او رايحين في مكان، لدرجة انه مش عاوز زوجي يروح لأهله في اليوم المعتاد بحجة انه هو في مصر وعاوز يشبع مننا، وكالمعتاد لو حبينا نعتذر يبقى احنا رافضينه، وانا باقلل من قيمة اهلي، ومش باحبهم ومستغنية عنهم وكلام ما لوش لازمة

وعلى فكرة انا مش بنت وحيدة خالص انا لي اخت تانية اصغر مني

تسلمى يا أم أحمد يا جميلة

وربنا يخليلك أحمد وتفرحى بيه عريس اد الدنيااااااااااااااااااااااااااااااااا