رانيااااااااااا

هاى يا جماعه انا جيت بعد غياب كم يوم
كان النت بايظ ورجع الحمد لله سليم
لقيت يجى 10 صفحات واكتر فايتينى مشهعرفا اقراهم دلوقتى بس قولولى عموما بتتكلمو عن ايه عشان ابقى متابعه معاكم
كنت عايزة اسالكم هو فعلا قص الشعر من كوافير لكوافير بيفرق فى معدل نموه بعد كده؟
يعنى انا سمعت ان فلان ده ايده حلوة فى القص يعنى الشعر بيطول معاه بسرعه وغيره الشعر بيكون نموه بطئ
هل الكلام ده صحظ
انا بدات اصدقه من اخر مرة قصيته فيها بيطلع روحى عشان يطول شويه .. بقاله كتير جدا سايباه ومطولش بالمعنى

السلام عليكم ورحمة الله وبركاته
شوفولكم حل علشان انا بقالى يومين بجرى ورا الصفحات ومش عرفة اخلصها كل ما اجى اخلصها واكتب رد الاقيها زادت كمان 5 ولا 6 :icon33:
أولا ألف ألف ألف حمد لله على سلامتك يا رورو ومبروك عليكى عمورة وربنا يتم عليكى على خير ويخليهولك ويباركلك فيه يا رب
وكل سنة وانتم طيبين زئردة ولاروزا وديما سعداء
وبقول لهدهودة حبيبتى ربنا يسعدك يا رب وتتهنى بكل لحظة فى حياتك ويباركلك فى جوزك ويجعل كل أيامك شهر عسل يا رب
وبرحب بداليدا اللى منورانا وبقالى كام يوم عايزة ارحب بيها بس مستنية اما اخلص الصفحات اللى فاتتنى وبعدين قلت ما بدهاش بقى أهلا بيكى يا قمر
بسلم على كل حبايبنا اللى كانوا غايبين ونورونا مروة وكهرمانة وسام وسلمى الأمورة وبسلم على كل الموجودين وكل اللى غايبين بنادى عليهم وبقولكم كلكم بحبكم فى الله ويا رب ما اكون نسيت حد يا رب

مساء الخير عليكم
وحشتونى كلكم
ببارك لرواء والف مبروك على عمورة عريس القسم
وسلامى ليكم كلكم

اولا وقبل الجولة الإخبارية بتاعت النهرده ..

<FONT face=Arial color=#ff0000 size=6> ألف الف مبروك لاختنا الغالية رواء </FONT>

ربنا يجعله مولود السعادة ويبارك فيه ويقر بيه أعين والديه

<FONT face=Arial color=#ff0000 size=4>*** هدهود *** </FONT>


ربنا العالم والله انا اتأثرت قد ايه برسالتك معرفش ليه .. معرفش جالي احساس زي ماتكون بنتي وبتستغيث .. على العموم الحمد لله ان الوضع بدأ يتحسن وان شاء الله يبقى احسن وأحسن .. ولو احتجت اي حاجه نحن في الخدمة ..


<FONT face=Arial color=#ff0000 size=4>*** هبة *** </FONT>

بتقولي لي
" قولى لى بقى كلمتك وما رديتيش عليا يا ترى ليه؟؟ "

معليش والله انا مش فاكرة انتي طلبتي ردي علي ايه .. معليش عيدي السؤال


<FONT face=Arial color=#ff0000 size=4>*** أم أبيها **** </FONT>

انا حاسه بيكي والله لاني أول ماتجوزت كان أبو زوجي بنفس الوضع الي بتقولي عليه ده وبيتدخل في كل صغيره وكبيرة لغايه ماكنت هموت منه بس الحمد لله خلاص الوضع تغير ..

بس برغم كده انا ملتمسه العذر لبابكي جدا ومتفهمه لتصرفاته دي ونفسي انتي كمان تحاولي تفهميها .. واقولك ازاي..

واضح من كلامك انك ماشاء الله عليكي بتحبي زوجك بس للاسف اكتر بكتير من حبك لباباكي .. ومتقوليش لاه .. لان كلامك بيؤكد وجهة النظر دي .. وواضح كمان انك في حالة استغناء تام عن الأب في الفترة الحالية وهو ده بالتحديد الي خنقه منك وهو ده الي بيخليه يفرض نفسه علي حياتك بالشكل ده ..

حطي نفسك مكان باباكي واحكمي ان كانت تصرفاته لها مايبررها ولا لاه ..

يعني هو دلوقت راجع يادوب شهر .. لقى بنته الي بيحبها ومحروم منها بقاله سنة ولا اكتر ولا على بالها ولا مهتمه بانه جه ( من وجهة نظره طبعا ) والدليل على كده انها بتخرج وبتروح عزومات ومش عامله اهمية خاصه لزياراته ولا حسسته إن في حالة ( طوارئ ) لان باباها هنا . .

ده مش بس كده .. ده كمان لما اخواتها ( الصغيرين ) ـ طبعا احنا بنتكلم من وجهة نظر الاب ـ لما الغلابه دول يحتاجوها في حاجه فهي مش مسؤولة عنهم والدليل على كده انها بتخرج وتروح عزومات وتاركاهم ولا كأن وراها مسؤوليات , يعني من الآخر بتقولهم ياجماعه انسوني خالص انا اتجوزت وخرجت من البيت ده فانا كاني لم أكن .. عيشوا حياتكم من غيري .

باباكي لما بيتدخل في حياتك فهو مش بيحاول يعدل عليها ده بيعدل على الوضع الحالي دلوقت في علاقتك ببيتك القديم وانك انسحبتي منه كلية وان معادش هو نمرة واحد في حياتك زي الأول .. ومن وجهة نظره فالسبب في الانسحاب ده هو زوجك واهله الي يمكن هو حس انهم بيعوضوكي بقربهم عن بعده هو شخصيا وبالتالي فهو بيحارب القرب ده ..

نصيحتي ليكي انك تتبعي سياسة خاصه طول فترة وجود باباكي خاصة والفترة دي قصيرة جدا نسبيا يعني معتقدش انه هيكون صعب عليكي تلتزمي فيها بشويه تعديلات في خطة حياتك ..

** اولا زوري باباكي كتير جدا طول فترة وجوده في مصر .. واليوم الي متزوريهوش فيه اتصلي واتكلمي معاه .. مرتين تلاته في اليوم ..

** يفضل لما تزوري اهلك كتير متاخذيش زوجك معاكي في كل مرة طالما ان في مشاكل بتحصل أو كلام ( من تحت لتحت ) بينه وبين والدك .. ممكن انك تروحي تزوريهم بدري وهو يمر ياخذك من عندهم بليل بعد ماتكوني قضيتي اليوم كله معاهم .. يقعد معاكم شويه بعدين ترجعوا بيتكم ..

** قولي له مرارا وتكرارا سواء باللفظ أو بالتصرفات انك محتاجه وجوده جنبك وانك تتمنى يفضل معاكي طول السنة ..

** عشان ميتدخلش في حياتكم جهزي دايما قصص وحكايات واخبار عامة ملهاش علاقه بيكم واكوني حريصه تشاركي باباكي فيها وتناقشيه في تفاصيلها عشان توجدي قنوات حوار بينكم ملهاش علاقه بحياتك الخاصه .

** متحاوليش تحكي كل شويه لاهلك اخبار أو حكايات ( موجهة ) عن مقدار حب جوزك لهم أو قد ايه انهم طلعوا ظالمينه في فكرتهم عنه ( لو كان في فكرة سابقة مش ولا بد ) لانه اكيد اذكى من انهم يفتكروا الكلام ده لوجه الله واكيد هيفهموا انك بتحاولي ( تفرضي ) حب زوجك عليهم .. سيبيهم هم يتأكدوا بنفسهم من حبه ده والوقت كفيل بذلك ..

** حتى لو كنتي حاسه انك مش مسؤولة عن اخواتك الي في مصر أو انك مش مضطره تنتظري والدك لما يجي لزيارتكم وتلخبطي برنامجك اليومي عشانه .. حتى لو مقتنعه تماما بان الحق معاكي في ده .. فاحتفظي بشعورك ده لنفسك ومتقوليش لباباكي ولا مامتك عليه ولا حتى تديلهم ايحاء بكده .. لان بكرا لما يكون عندك ابناء باذن الله معتقدش انك هتتخيلي في يوم من الايام انهم يقولوا لك ( حلي عننا بقى ) .

** أوعي تفتكري إن من الذكاء انك تعرفي زوجك أنك بعتي أهلك واشتريتيه أو ان في مشاكل بينكم بسبب وقوفك في صفه ضدهم أو شئ من هذا القبيل .. لان علاقتك بأهلك دلوقت هي مستقبل علاقتك بزوجك .. والاسلوب الي هيوصله انهم بيعاملوكي بيه هو ذاته الي هيتبعه معاكي قدام .. فاختاري من دلوقت الاسلوب الي تحبيه ..


واخيرا .. أنا عارفه ان تدخله في حياتكم شئ بيضايق لو بصينا له من وجهة نظر ضيقة لكن الأكيد إن مهما حصل من باباكي فمتزعليش منه لان محدش عارف لو كنتي في نفس سنه ونفس ظروفه وابنائك بيتصرفوا نفس التصرفات كنتي هتعملي ايه .. اصبري عليه وتقبلي تصرفاته ولو من باب بر الوالدين وصدقيني مش هتندمي أبدا ..