كوبونات الراقية تسجيل الدخول

أم أبيها74
أم أبيها74 •
الحقوني يا بنات دلوني اعمل ايه

عيد زواجي يوم الجمعة ان شاء الله، واخو زوجي رجع من السفر بقاله اسبوع واحد وزوجي لسة ما قعدش معاه لحد دلوقت وأهل زوجي كلهم بيكونوا عند باباهم يوم الجمعة وزوجي علشان خاطري ممكن ما يروحش علشان عيد زواجنا

لحد هنا عادي

المشكلة بقى ان بابا مصمم يجي يوم الجمعة بدل السبت يعني هاضطر اعمل العزومة بتاعة بابا يوم الجمعة اللي هو عيد زواجي واللي المفروض ابقى فيه مع زوجي لوحدنا او على الأقل نعدي ولو ساعة على اهله زى ما هو معودهم وعلشان اخوه اللي لسة راجع من السفر في اجازة هو كمان

اعمل ايه، الحقوني، قبل كده حاولت اغير موعد بابا حدده لنفسه علشان ييجي يزورنا فيه وانتهت الحكاية بخناقة وانه زعلان واننا رافضين نستضيفه وفي الآخر نفذت اللي هو عاوزه علشان ما يزعلش،

بالله عليكم اعمل ايه، حرام يضيع يوم بارتب له بقالي شهور ومش عاوزة اطبخ فيه ولا اضيف حد فيه بصراحة وكنت ناوية نقضيه كله خارج البيت

ساعدوني الله يخليكم ، انا عارفة اني طولت عليكم وزهقتكم بمشكلتي لكن والله ما ليش بعد ربنا حد اخد رأيه في الموضوع ده غيركم
miro
miro •
هبه عبد العظيم هبه عبد العظيم :
يا حلا الكون اصبرى شويه البنات تصحى ويقولوا لك انا اقولك على الماشى السينما الحلوه ممكن سينما هيلتون رمسيس الكبيره مش الصغيره سينما دريم لاند فى 6 اكتوبر سينما التحرير فى الدقى اقرب منطقه ريفيه للقاهره فى ضواحى الهرم فيه اماكن كثيره ممكن تروحيها المهم عايزه تروحى تعملى ايه واحنا نقولك - تشترى؟ ولا تركبى خيل ؟ ولا ايه بالظبط؟- اماكن الشراء لا دى بقى كثيره اوى فى قصر النيل وسط البلد والملحق بتاع هيلتون رمسيس - اركيديا مول - سيتى ستارز - كارفور - هايبر وان .......هنا بقى ابقى اتفضلى اشربى الشاى على فكره صاحبتنا ريموووو عامله ملف للسياحه على صفحه ساعدونى هيفيدك جدا ممكن تشترى وتتفرجى وتتمتعى بخان الخليلى منتجات مصريه اصيله وشوارع ممتعه ممكن شوارع المهندسين يفضل بقى تقولى عايزه تشترى ايه بالذات عشان نعرف نفيدك
يا حلا الكون اصبرى شويه البنات تصحى ويقولوا لك انا اقولك على الماشى السينما الحلوه ممكن...
صباح الخير على البنات الحلوات :)

بالنسبة لموضوع ام ابيها انا شايفة انك مازمة الموضوع شوية يا طم طم لان بابا بيسال على التفاصيل دي مجرد يطمن عليكي ويشوف احوالك لانك زي مفهمت باباكي مسافر وبييجي وقت قليل وانت من حقك تحسي بالخصوصية بس صدقيني مش هو ده معنى الخصوصية مش معناها اننا ننفصل عن اهلنا ومنحاولش اشراكهم معانا في دنيتنا الجديدة بجد يا بطة لو بصيتي للموضوع من زاوية تانية هتلاقي ان اللي باباكي بيعملة ده مجرد اطمئنان عليكي مش تدخل خصوصا ان كان فيه خلافات قبل الزواج :27:
البت السكر تماتيا منورة الصفحة. انا عرفت انك دخلتي لما لقيت الصفحة بتتنطط من شقاوتك :30:
أم أبيها74
أم أبيها74 •
وبعدين زوجي اللي صابر على اللي بيتعمل فيه، المفروض له حق على اني حتى اسلم على اخوه وهو يقعد معه زى ما انا باعمل مع اهلي

والله العظيم تعبت، حاسة انه ابتلاء شديد من ربنا وانا من اول الحمل خلاص ما عدتش باتحمل حرقة الدم زى الأول

وما حدش يقوللي اني أنانية الله يخليكم ومش بافكر الا في نفسي، زوجي له على حق ولازم اشتري خاطره زى ما هو بيعمل مع اهلى، وانا كنت متفقة مع بابا ان العزومة يوم السبت وهو ما عندوش اى ارتباطات علشان يغير ميعاده وييجي يوم الجمعة اللي زى ما هو عارف بنروح فيه عند اهل زوجي وكمان هيكون عيد زواجي
أم أبيها74
أم أبيها74 •
ميرو

والله صدقيني الموضوع متأزم لوحده، وبابا من غير حاجة بيتدخل في كل حاجة حتى وهو مسافر على التليفون، ابسط حاجة اول ما يتصل يقوللي انت فين ولو عند اهل زوجي تبقى حكاية
miro
miro •
هبه عبد العظيم هبه عبد العظيم :
يا حلا الكون اصبرى شويه البنات تصحى ويقولوا لك انا اقولك على الماشى السينما الحلوه ممكن سينما هيلتون رمسيس الكبيره مش الصغيره سينما دريم لاند فى 6 اكتوبر سينما التحرير فى الدقى اقرب منطقه ريفيه للقاهره فى ضواحى الهرم فيه اماكن كثيره ممكن تروحيها المهم عايزه تروحى تعملى ايه واحنا نقولك - تشترى؟ ولا تركبى خيل ؟ ولا ايه بالظبط؟- اماكن الشراء لا دى بقى كثيره اوى فى قصر النيل وسط البلد والملحق بتاع هيلتون رمسيس - اركيديا مول - سيتى ستارز - كارفور - هايبر وان .......هنا بقى ابقى اتفضلى اشربى الشاى على فكره صاحبتنا ريموووو عامله ملف للسياحه على صفحه ساعدونى هيفيدك جدا ممكن تشترى وتتفرجى وتتمتعى بخان الخليلى منتجات مصريه اصيله وشوارع ممتعه ممكن شوارع المهندسين يفضل بقى تقولى عايزه تشترى ايه بالذات عشان نعرف نفيدك
يا حلا الكون اصبرى شويه البنات تصحى ويقولوا لك انا اقولك على الماشى السينما الحلوه ممكن...
ام ايها عايزة ازود حاجة اللي باباكي بيعمله ده مجرد رد فعل لمعاملتك اللي اتغيرت بعد الجواز معاه واضح انك مبديه جوزك على كل دنيتك واهلك ده مش عيب بس مش اوي كده اسمعي كلامي :27: