لو عايزه ردى يا ام باسل على سؤالك على ميروى اقولك ان النسبه الكبرى من ابناء العاملات انهم بيبقوا ناجحين فى حياتهم لان عندهم قدوه نشيطه وفعاله وخلى بالك كلنا اسر امهاتنا الحمد لله متدينات جدا انا بفخر بامى بتتكلم لغتين اجاده تامه والحمد لله وكنت فى مدرسه عربى لكن هى الى كانت ورائى فى اجادتى للغه الانجليزيه اجاده تامه وفضلت وراى لغايه لما بقى الفرنساوى كذلك واحمد ربنا عليها انها - ماشاء الله الله اكبر كانت المحرك الرئيسى فى حياتى وتضايق منى لما ابقى مش متابعه الحياه السياسيه ومش عارفه تاريخ بلدى - ارائها فى الحياه يعتد بها ودايما حتى لو عارضتها بلاقيها فى الاخر صح.
كانت ورائى لغايه ما التزمت بالحجاب وكانت ورائى لغايه وتقولى مش مكسوفه من نفسك لانى لا اقراء القران بطريقه صحيحه ودفعتنى لسماع اذاعه القران الكريم كل يوم الصبح الفتره التى يجودون القران فيها من وانا فى ثانوى

بصراحه - ربنا يخلى لى امى وما يحرمنيش منها يا رب كانت ولازالت مرجعى فى كل شئ وعمرها ما سابت نفسها ولا سابتنى لحظه من غير متابعه تكاد تكون يوميه وبصراحه تعالى نورينا وشوفى بيتنا سواء هنا او اى مكان امى فائقه النظافه - فى المقابل قريبتنا عنده 2 خدامه وبيتها ............ ونوم للظهر وصريخ فى العيال ولا تعلم عن بنتها شئ

مش بقول هى مثال لا طبعا انا مع دينا جدااااااااااااا فى رايها لما قالت انه ده شئ خاص بالست وكل ست لها شخصيتها اشتغلت ولا لا مش مهم المهم انها اساسا تكون كويسه وتفيد بيتها وشغلها.

اتكلمت على نفسى كثير

معلش اصلى بجيب سيره ماما - ربنا يخليها لى يا رب -

ولو انكم تركتم مشكلتي وبتتكلموا عن المرأة العاملة لكن هاشرك معكم

انا الحمد لله باشتغل، والشغل ده نعمة من عند ربنا الحمد لله عليها واتمنى من الله انه ما يحوجنيش أقعد في البيت خالص

اولا الست اللي بتشتغل بتطلع على الدنيا اكثر ومش بيبقى كل اللي في مخها التلفزيون والمسلسلات وفلانة قالت وفلانة عادت

ثانيا لها راتبها الخاص اللي سواء ساهمت به في البيت او لا بيشيل برضه عن زوجها عبء كبير على الأقل مصروفها هى شخصيا، ولو شافت البيت محتاج مش بتستنى زوجها وعلى طول بتتصرف، غير اللي مش بتشتغل اللي حتى لو زوجها عطاها مصروف انا متأكده انها هتضيعه على البيت ومش هينوبها حاجة في الآخر برضه

ثالثا لو لا قدر الله حصل اى ظرف او حاجة للزوج تعرف تتصرف مش تبقى قاعدة في البيت لا راحت ولا جت وفجأة تلاقي نفسها مسئولة عن البيت والعيلة وهى حتى معهاش خبرة في العمل يعني حتى لو متعلمة مش هتعرف تشتغل من غير خبرة

الأولاد للست العاملة بيكونوا منظمين أكثر ومعتمدين على نفسهم اكثر وده مش رأي أنا ده من واقع التجارب وأراء النفسيين، يعني حتى ثبت ان طفل الحضانة بيتعلم المشاركة والاعتماد على النفس اكثر من غيره ، وطبعا كله بيعتمد على الأم ومدى تنظيمها

وبعدين يا جماعة يعني احنا دلوقت بنتكلم في حاجة لا هى حرام ولا عيب يبقى كل واحد يعمل اللي يناسبه وخلاص وما يصحش نقول المفروض كذا أو كذا.

كمان في حاجة مهمة: اجر المرأة، يعني واحدة بتشتغل بمبلغ كويس، غير اللي بتشتغل براتب يدوبك بيكفي المواصلات وخلاص، يعني قصدي درجة الافادة بتفرق برضه

هبه ربنا يخليلك ماما يارب ومامتي كمان وكل الماماهاااااااااااات امين امين امين

معقولة ام حبيبة وداليدا السن
انتم ماتعرفوش ان فى جماعة السن كبيرة هنا انا ونودى وكهرمانة ومين كمان؟؟؟؟ مش فاكرة
بس ايه رايكم نعمل رابطة؟؟؟

لسة شايفة الحوار بتاعكم عن الرجالة دلوقتى ومستمتعة بقراته جدا
واهم حاجة ان فعلا طريقة معاملة الراجل لاخته وامه هى اللى دايمة معاه
وفعلا ما تحاوليش تقوميه عليهم لانه هيقوم عليكى انت

يا بطتى ولا سيبنا مشكلتك ولا حاجه هاتى حضن بقى ...............اوىىىىىىىىىىى

تمتومتى............هتتصلى بيا ولا زعلانه منى