أم أبيها74 :

الحقوني يا بنات دلوني اعمل ايه عيد زواجي يوم الجمعة ان شاء الله، واخو زوجي رجع من السفر بقاله اسبوع واحد وزوجي لسة ما قعدش معاه لحد دلوقت وأهل زوجي كلهم بيكونوا عند باباهم يوم الجمعة وزوجي علشان خاطري ممكن ما يروحش علشان عيد زواجنا لحد هنا عادي المشكلة بقى ان بابا مصمم يجي يوم الجمعة بدل السبت يعني هاضطر اعمل العزومة بتاعة بابا يوم الجمعة اللي هو عيد زواجي واللي المفروض ابقى فيه مع زوجي لوحدنا او على الأقل نعدي ولو ساعة على اهله زى ما هو معودهم وعلشان اخوه اللي لسة راجع من السفر في اجازة هو كمان اعمل ايه، الحقوني، قبل كده حاولت اغير موعد بابا حدده لنفسه علشان ييجي يزورنا فيه وانتهت الحكاية بخناقة وانه زعلان واننا رافضين نستضيفه وفي الآخر نفذت اللي هو عاوزه علشان ما يزعلش، بالله عليكم اعمل ايه، حرام يضيع يوم بارتب له بقالي شهور ومش عاوزة اطبخ فيه ولا اضيف حد فيه بصراحة وكنت ناوية نقضيه كله خارج البيت ساعدوني الله يخليكم ، انا عارفة اني طولت عليكم وزهقتكم بمشكلتي لكن والله ما ليش بعد ربنا حد اخد رأيه في الموضوع ده غيركم

الحقوني يا بنات دلوني اعمل ايه عيد زواجي يوم الجمعة ان شاء الله، واخو زوجي رجع من السفر بقاله...

dalida_palace :

إيه ده بجد يا هدهده أنت كمان ألسن وكمان كهرمانه ونودى لأ ده الموضوع كبر قوى طيب أنتم ألسن إيه أنا انجليزى/ ألمانى حلوة فكرة الرابطة دى إحنا مش عندنا نقابه نبقى على الأقل عندنا رابطة زى رابطة البوابين. عزيزتى أم باسل أنا هوضحلك حاجة بسيطة المشكلة أن فى ست تدخل المطبخ تقعد ساعة تعمل فيها طبخة حلوة ومظبوطة أوى وتنضف المطبخ وتولع بخور كمان وتخرج تاخد دوش وتغير هدومها وكل دة فى ساعة ساعة ونص بالكتير وواحده تانيه تدخل المطبخ تقعد 3 ساعات ويدوب تخلص الأكل اللى ممكن يكون ملحه ناقص او منسى خالص:) والمطبخ يضرب يقلب وهى شكلها ....... حدث ولا حرج، الموضوع نفسه بالنسبة للرجل فى واحد ممكن يتقن عمله ويخلصه فى أقل وقت وفى واحد يقعد بالساعات والشغل يطلع من تحت إيده مش أد كدة يبقى أول شئ موهبه السرعه والتركيز والإتقان بعد كده الخبرات المكتسبه واللى أهمها تنظيم الوقت ثم التعود على عمل الشئ فأنا الحاجة اللى عملتها أول مرة وخدت ساعى تانى مرة تاخد ثلاثة أرباع وتالت مرة نصف ساعه وهكذا ، النقطة الثالثه والأهم وهى الاقتناع الذاتى يعنى اللى شايفة أن القعود فى البيت ملائم ليها أكتر تقعد بس قبل ما تقعد تفكر فى الجوانب السلبية قبل الإيجابية الفراغ واللى هو هيكون فراغ ذهنى اكتر من فراغ وقت، اختلاف نوعيه الاهتمامات، هل هتفضل على اتصال بأصحابها وهيكون ليها حياة زى قبل الشغل ولا هتمركز حيانها على جوزها نع العلم أن كل الرجاله مش بيحبوا الخنقة، هل هتحافظ على جسمها وتلعب رياضة لأن حركة البيت مهما كانت محدودة ، هى اتعودت تجيب حاجاتها لنفسها هل جوزها هيقدر يلبى طلباتها طيب لو مش هيقدر هى هتقدر تتنازل لحد فين؟ فى نفس الوقت الست اللى بتروح الشغل تحسبها هل هتقدر تدى جوزها حقه، هل لو جابت أولاد هتقدر تربيهم زى ما ربنا قال و زى ما هى نفسها بتحلم، هل مرتبها ده مش مخليها حاسه أنها ند لجوزها ذاتص لو كان مرتب كبير، هل قادرة برضه تحافظ على مظهرها والأهم جوة البيت مش فى الشغل؟ شوفى يا جميله أنا رقيب نفسك كل واحد عارف إمكانياته إيه يقدر يعطى لحد فين وكل حاجة فى الدنيا لها تمن. لكن أنا عن نفسى بقالى 5 سنين شغاله والحمد لله وصلت لمركز كويس بالنسبة لسنى فزى ما هبه قالت اللى وصلناله ده مش وصلناله بدون تعب لأ الحمد لله الواحد ياما شاف وربنا هو المعين وفى نفس الوقت أنا بقالى 5 سنين معتمده على نفسى تماماً فأظن أنا صعب أوى اغير كل ده وأقعد فى البيت لكن بيعدلك تانى أنا بتكلم من بره لكن الله أعلم لو أنا اتجوزت هتكون قدراتى إيه

إيه ده بجد يا هدهده أنت كمان ألسن وكمان كهرمانه ونودى لأ ده الموضوع كبر قوى طيب أنتم ألسن إيه أنا...