ام ابيها

تعالى

انتى من بكره تعملى عيانه اوكى وتنامى فى السرير وكحه بقى وحراره - تعرفى تعملى حراره ولا اعلمك - وطبعا حامل فمينفعش تاخذى دوا -اوكى - ونغير صوتنا بقى ونعطس فى التليفون


هيجوا - انتى ادرى باهلك- يبقى نغير الخطه شويه - رجلك اتجزعت - ونعرج بقى والذى منه - ونتسند على جوزك اوكى

نكلم ماما عشان نسالها ايه المرهم الى نجيبه من الصيدليه - بس ما تزوديهاش عشان ما يشيلوكيش يودوكى لدكتور-

نعمل عيانين - نضمن فركشه يوم الجمعه - يوم الجمعه جوزك يعرف انك خفيتى عشان خاطره - ما تشركيش جوزك فى اللعبه اوعى-

ام ابيها
معقولة انا كمان ألسن أنجليزى/ فرنسى
على فكرة انت فهمتى كلامى غلط خالص
انا باقول لما يجى البيبى باذن الله هاكرس له كل حياتى
وبعدين فى اخر الكلام قلت دى حاجة فى علم الغيب فبلاش نجيب سيرته دلوقتى
انا عمرى ما فكرت افضل العمل على تربية اطفالى او حتى تاخير لانجاب وجوزى سالنى فى الموضوع ده كذا مرة لانه عارف مدى تعلقى بالعمل واكدت له انى عمرى ما افكر ااجل الانجاب علشان الشغل
يعنى انا اخدت ايه من الشغل بلا نيلة
وبعدين ااجل لحد امتى السنة دى ذى اللى بعدها
ويارب تستمعى بعيد جوازك يا رب
وعلى فكرة.... لأ هاقولك على الخاص

هبة ده اللينك بتاع الموضوع
مش قصدك موضوع الدلكة
الدلكة السوانى

ابقوا فكرونى بكرة اقول لكم حاجة عن الست الاسوانية
اوعوا تنسوا
سلام

ام ابيها عايزاكى خضراء كدهوت

ام ابيها ما تجيش بقى من بكره يا حبيبتى انتى عيانه مووووووووووووووت

ايه يا بنات الكلام ده ما ينفعش طبعا يا ام ابيها تعملي عيانة دة كده يبقي اولي يجوا يزوركي وممكن يوقولوا مثلا تشتروا اكل جاهز من بره يبقي مش حلنا المشكلة معزرة لكل واحدة نصحتها بانها تعمل عيانة اخرة الكلام ده مش هتفي ويمكن تزيد المشكلة

الصراحة هي اسهل طريقة للوصول الي الحل ومش بتسسب اي مشاكل ولو سببت يبقي انتي اتقيتي الله اولا يبقي ربنا هيسهل لكي امورك ان شاء الله

بصي يا جميل عندي حل يا ريت يرضيكي انت قولي الصراحة وقولي ان ده يوم زواجك وبلاش نقول عيد زواجك عشان احنا مش عندنا غير عيدين بس في السنة معلش معلومة علي الماشي وجت فيكي قال يعني انتي ناقصة
المهم انتي تعرفي الناس من دلوقتي اهلك واهله ان يوم الجمعة ده يومك انتي ورزوجك يعني بتاعكم لوحدكم لا تروحي عند اهله ولا عند اهلك ولا حد يجي يزروك يومها وممكن جوزك يبقي يروح لاخوه مثلا الخميس ويسهر معاه او اي يوم في الاسبوع علي حسب ظروفكم وظروفه وانتي تروحي معاه برضه وتقومي بالواجب وبرضه تحاول باي طريقة ترضي والدك وتفهميه ان اليوم ده مستنياه من سنة عشان تحتفلي بيه مع زوجك قبل ما النونو يوصل بالسلامة ان شاء الله ويشغلك وانك ان شاء الله هتعملي العزومة يوم السبت زي اتفاقكم القديم واكيد بابا هيتفهم الكلام ده

بس اوعي اوعي تكدبي او تمثلي انك عيانة صدقيني عواقب الموضوع ده ممكن ما تقدريش عليها وتعرفي ايه اللي ممكن يحصل وشكلك في الاخر هيبقي ايه قدام اهلك لما يعرفوا انك مثلتي عليهم التعب عشان ما يجوش عندك اوعي يا فاطمة انتي زي اختي وانا عاملة علي مصلحتك وبعدين يا جميل اوعي تزعلي بابا مهما كان لان رضا الوالدين ده مفيش حاجة ممكن تعوضها ابدا حتي لو سعادتك مع جوزك في اليوم ده تعارضت مع ما يريده ابوكي يبقي ابوكي الاولي فهماني يا رب اكون وصلتك وجهة نظري وما يكونش كلامي ضايقك