ام ابيها
قرات مشكلتك وهى فعلا مشكلة مش سهله انك ترضى نفسك و زوجك او ترضى اهلك لكن انا هاحكيلك على عيد زواجى اللى فات كما انت عارفه انا زوجى جراح و مواعيده الحمد لله غير منتظمة بالمرة :angry2: و كمعظم خلافتنا اننا بنتفق على الخروج و خلاص البس و اجهز و يرن الموبايل برنته الكريهه الخاصة بالمستشفى (على فكره دى اصبحت عقدة) و يقولى سورى يا حبيبتى مضطر انزل جالى حالة حوادث و لازم اكون فى المستشفى الان و طبعا بيجيلى احباط و ساعات كثيرة كنت بعيط المهم ان الحمد لله فى عيد جوازنا ده هو وعدنى انه هيرتب مواعيده و جدوله مع زمايله و اكيد مش هيعمل فييه فصل من اياهم و انا كمان رتبت لكل حاجة و حجزت كمان فى المكان اللى هنخرج فيه و جهزت لبسى و كل حاجة كل حاجة و اذ بالساعة تيجى 6 مساء و تكون درجة حرارة الاستاذ يحيى 39.5 :( ويوظ كل شيء رتبته لكن الحمد لله قضى اخف من قضى اكيد ربنا عمل كده لحكمة هو بس اللى يعلمها و اكيد ده كان خير انا بقولك الحكاية دى علشان ما تزعليش لو ما عرفتيش تحتفلى انت و زوجك فى اليوم نفسه حاولى تحتفلى فى يوم تانى و متضيعيش المناسبة
و ربا يجعل كل ايمكم سعادة و هناء و احتفالات

أم سلمى

ربنا يعينك والله، بس انا ما رتبتش كده بمزاجي، ميعاد التكييف كان متأخر يومين ودوخونا على بال ما عطونا يوم السبت، وانا كنت متفقة مع الست قبل ما اعرف ان بتوع التكييف جايين السبت ، ودوخت أصلا على بال ما لاقيت واحدة لأن اللي انا متعودة عليها كان عندها ظروف، ونفس الحكاية مع النجار والسباك، وكنا اتفقنا وما خطرش على بالي حكاية بابا خالص لحد ما لقيته مصمم بعد ما رتبت كل ده وما عادش ينفع اغير

أم يحى

سلامة يحى

تصوري والله ما عادتش تفرق معايا رغم ان ده عيد جوازنا الأول، وكنت متعشمة اعمل حاجات كثيرة، لكن نفسي اتصدت والله مع كل المشاكل دي، ولا عاوزة احتفل ولا عاوزة اى حاجة خالص ، عارفة الاحساس ده؟

نودي

مبسوطة قوي اني كلمتك والف سلامة عليك

صباح شريف على كل بنوتات المنتدى لماذا هذا الحزن الذى اشعره فى الجو يا بنوتات .... أولاً ده رد على الطاير كده هروح أصلى وهرجعلكم وهدعيلكم إن شاء الله بس بجد هدعى أوى أوى لنودى وأم أبيها حرام عليكم وجعتولى قلبى من كلامكم يا بنوتات الحياة حبه كدة وحبه كدة عارفة يا نودة المشكلة الرئيسية أنك لما بتبقى مسافرة تتفسحى بتبقى عامله فى حسابك أنه كله حاج ة هتبقى فله وأنك هتغيرى وتكسرى الروتين فأى حاجة صغيرة بتأثر فيكى وبعدين موضوع الأكل اللى مش سابوهولك ده أنا ممكن أحكيلك مغامراتى معاه بس على الخاص عشا مصيحش لماما على الصبح كده وكون أنك بتفتكرى مامتك الله يرحمها يا حبيبتى ومين بينسى حد من أهله بس خليكى عارفه أنك كونك افتكرتيها كده ده من الشيطان عشان يزود حزنك ولما يحصل كده ادعيلها طلعيلها زكاه أتوضى وصلى ركعتين لربنا أنا بعمل كده لما افتكر بابايا - الله يرحمه- وروقى كده ده من امبارح كل البنات قعدين يقوا فين نودى ودى أول مرة أشوفك ألاقيك زعلانة كدة ولا زعلانه إنى دخلت المنتدى معاكم اخرج قولى بس وأنا مش هخرج برضة.
أم أبيها فى كلمة بنوتة هنا قالتهالك وهى الأعمار بيد الله الكلمة دى أثرت فيا قوى عارفة أنا وماما دايما قط ووفار وساعات الزعل بيزيد شوية فمرة خالى قاللى -الناس دول انهارده هنا وبكرة مش هنا -يا عالم مين هيوصل مين بس الكلمة شدتنى وبعدين بصى بقة اولاً انت حامل فمش تتضايقى كده وثانياً أنت على وش ذكرى زواجك السعيد فمتخليش حاجة تزعلم وهى الدنيا كده تدينا حاجة حلوة باليمين وتحط عليها حاجة تمررها بس أنت غيظى الدنيا و ولا يهمك منها وروقى كدة وكله هيعدى
شفتوا مش قلتلكم سلام على الطاير يا دوب كتبت 890 سطر ، أقوم أصلى بقى

فين اسبانش فلاور وهدهده ه ه ه ه ه ه ه؟؟؟؟؟؟؟

ازيكم جميعا
داليدا
ميرسى خالص
انا بس عاوزة الفت نظرك لكلمة "والهى"
اولا: الحلف الكتير ده مالوش داعى
ثانيا: ليه ما تكتبيش "والله" بدل الطريقة دى اظن فيه شبهة تحريف وده اسم الله يعنى مش حاجة نقدر نتهاون فيها
حبيت بس اقولك وارجو تنك ماتزعليش منى

لاروزا
كويس يا حبيبتى انك فكرتينى
باختصار كنت عاوزة اقول انى رحت لها قبل الفرح وماعجبتنيش قوى حسيت انها كروتتنى كدة وبالرغم انى دفعت لها مبلغ كبير لكن حسيت انى باعمل لنفسى كل حاجة احسن من كدة
يمكن اولا لضغط الشغل عليها فى الصيف، ثانيا كانت بنتها بتجوز وبنتها دى بتساعدها فماحدش كان معاها، وكمان انا مش كنت عاملة ليلة حنة ولا شو لان الحنة كانت عند العريس فهى قالت مش هتستفاد منى قوى
الله اعلم
بس حبيت اقول لكم اى واحدة تروحولها علشان اى حاجة قبل الفرح لازم تكون متجربة وحد شكر لكم فيها (البنت اللى عملت لمروة صحبتنا هنا مثلا مروة بتشكر فيها)
انا بس حبيت ذى مانشرت لكم بياناتها قبل كدة اعرفكم على تجربتى معاها وبس

ام زياد



ام زياد ان ذاكرتى زى ذاكره الفار او فيه حاجه غلط فيا ببقى شايفاكى مثلا وفرحانه انك رجعتى تكتبى


وبسسسسسسسسسسس

عايزه حد يفهمنى انى لازم اكتب للناس عشان يوصلهم احساسى مش لازم يعنى اقول الله ام زيييييييييييياد وخلاص ويتهيالى انه وصلك صوتى

هغيب حبتين ثلاثه اربعه واجى برضه اكبس على مراوحكم