الحمد لله تنيل بخير وانتى كيف حالك

السلام عليكم
شكلكو نايمين ولا ايه ان خايفه اعلى صوتى تصحوا

طيب انا هادخل بسرعه على صوابع رجلى من غير ماعمل دوشه

سندريللا
يا حبيبتى انا عارفه طبعآآآآآ انك بتهدى النفوووووووس
عشان دى بلد الحباااايب

لا بس بجد ايه الحكايه كلكوا لمل بتيجوا اسكندريه بيحصلكوا كده
بس ده مش من عندنا ده اكيد فيروس منتشر جايبينوا معاكو

انتو بس ماتنسوش تحصنوا نفسكوا بالاذكااار

وحد فيكو جرب ييجى اسكندريه فى الشتا
ابقوا جربوها كده بجد بتكووون تحفه وفاضيه ورايقااااااااااه انا بموت فيها
بس طبعآ تجنبوا شهر واحد واتنين واول تلاته كده

هبه
اخيرآ يا هبه افتكرتينى على فكرة انت مرة بعتيلى ماسج عالماسنجر بس انا ماشفتهاش غير بعد ما قفلتى
وكنت بتسألينى مين يارا

ام باااااااااااسل
يا حبيبة قلبى وحشااااااااانى اوى انت فين مابشوفكيش اون لاين خالص
وازى مريومه واخواتها عاملين ايه

سبانيش فلاور
بجد افكارك فعلآ حلوة وهى بتجيب نتيجه كويسه بس محتاجه اننا نتفرغلهم شويه
وانا كنت برضه طول النهار ادور على تربية الاطفال لما وصلت لمرحلة انى مش قادرة اقرا حاجه خالص عنها
بس ياريت لو عندك مواقع تكون كويسه تبعتيلى عناوينها
لأن فيه مواقع كتيييير بس مش كلها كويسه
وانا كمان عملت مرة سيرش فى جوجلعلى كيدز كرافت ولقيت حاجات حلوة

اما دالياااااا فانا مشكلتى زيك تمااااااااااااام
وعندى جنا سنه واربع شهور ومجننانى
وفعلآ انا برده كل ما الخمها بلعبه تزهق منها بسسسسسسسرعه

عارفه ايه اللى بتحب تلعب بيه وماتزهقش منهم

















من غير ما تضحكى عليا
















الحلل والبلاستكاااااااااااات
جربى كده وقوليلى ايه النتيجه بس ما تنسيش تاخدى حاجه للصداع مقدمآ


ام سلمى الامورة
ازيك يا جميل وازى سلمى

دوووون دندووون انت فين يا جميل



اختكو
ام زياد

السلام عليكم و رحمة الله و بركاته

اهلا يا ام باسل

ازيك؟؟ وحشتيني. اخبارك ايه و اخبار ولادك؟؟ يا رب تكونوا بخير. معلش يا سمسمة كلنا عرضة للاكتئاب ده في اي لحظة ضعف، بس الحمد لله لما بنلاقي أخوات في الله يخافوا علينا و يحبونا كده لازم بنخرج من الحالة دي بفضل الله ثم بفضل محاولاتهم. الجميل بقى مكتئب ليه؟؟؟ اكيد مش حاسمحلك تكتئبي معايا لاني مش حاسيبك تكتئبي اصلا!!!!! البنات الصبح فكوني الحمد لله و المفروض بقى انا افكك دلوقت، ايه رأيك بقى؟؟؟!!! يا ريتك عالمسنجر كنا قمنا بالواجب، بس عموما انا قاعدالك اهه، قومي صلي العشاء و تعاليلي ياللا ازغزغك!!!!

مساء الخير يا تنيل، ازيك انتي عاملة ايه؟

نودى حبيبه قلبى
الف حمدالله على سلامتك والله صعبتى على خالص اللى زود معاكى المشكله انك من الواضح انك انسانه حساسه ورومانسيه قوى الظاهر لازم تتعودى تبقى بارده وتحطى اعصابك فى تلاجه زى اختك ام حبيبه :07:
منى
انا مت من الضحك على الماسك اللى ضربتيه لهبه وهى مش واخده بالها انك من اسكندريه هههههى هههههو :a_smil08: :hahaha:
وبالنسبه لكيد الرجال مايغلبش كيد النسا انا لو جوزى كسر كوبايه اكسر له الباقى انا والعيال واقول له هات 50 ج اجيب بهم كبايات :angry:
ولو صحانى الصبح وهو نازل هرقد له واجيب للعيال طبله وزمارة ومخليهوش ينام فى الظهر :30:
ياسلام وعامله ريجيم ويجيب لى جاتوهاااات وتورتات ده انا اتخلى عن الرجيم شهر واقعد اهفلط والغوص فيهم واقول له كمااااااااان خليه بقى يصرف ويبقى شاطر ويكفينى بس
وانا لو قال لى على الفراخ لحمه هههى هعمل له ورك كتكوت واقول له كل ياحبيبى الديك الرومى ده كله لوحدك بالهنا والشفا
معلش ياحبيبتى ربنا عالظالم والمفترى وبعد ما كل ده يحصل ينقلب البيت الى حرب شعواء بين دافس والغبراء تنتهى بخبر فى الجرنال "الاتنين خلصوا على بعض"
هوبه
بصى بقى انا مش عارفه اكتب غير بطريقتى على الله متكونش هيروغليفى
ياروح قلبى انا اصلى كتبت موضوع وده كان اول موضوع لى والله وان شاء الله اخر موضوع المهم قلت ياجماعه خشوا وشجعوا اختكم محدش بل ريقى غير رواء وام عتريسه وسبانيش كده من تحت الضرس والباقى شرشحونى هنا وهناك قلت يامين ينجدنى نازلين فى تلطيش محدش معايا رحتى انت قلتى لى" من دول هو انت تحت ال18"
مع انك لسه كنتى مديانى بوسه قد كده يعنى ماحقتش اتهنى بالبوسه يارب تكون وصلت
دوللى ام ليانا
حبيبه قلبى مش انت والله بس اللى بنتك كده انا بناتى الاتنين وكل العيال الصغيره كده
انت بيرموا لك الملابس الداخليه على الكنبه انا والله بلاقى سوتياناتى متعلقين فى الشجرة عرض لانجيرى خرج بيوت ولااجدع من كده.... وده والله لانهم معذورين مش فاهمين حاجه ومينفعش نحاسبهم لانهم مش قدنا نصبر بس يا دودو ياماما لحد ما يكبروا وبعدين نطلعه من عنيهم :30:
داليدا ونودى وكهرمانهوانا وانت ومن تانى هدى ولاهبه ؟؟؟
رابطه السن وسمعنى احلى سلام حاضر ياداليدا
كليه الالسن...وبنات الالسن .......احلى بنات ........الجدعان ...الشيك.....الديليكا...الذوق بالقوى ...اللى بيرطنوا بكل اللغات ..بتوع المؤتمرات والسياحه واحنا اللى دهنا الهوا دوكو ورقصنى ياجدع :7_5_131:
lovely angel:
شكرا ياحبى وايه الصفحه الجميله دى والورده الحمرا الله على الرومانسيه
ام سلمى الامورة
ازيك ياحبى حلوة قوى عايزين تانى :)
ام يحيى
حمدالله عالسلامه ده انا قلت البنت طفشت من ساعه ما ام حبيبه طمعت فى عمليه التجميل ولا ايه

اهلا بام حبيبة 2، الله يسلمك يا قمر، و شكرا على كلمك الذوق، و على رأيك الواحد المفروض يطنش بس تقولي لمين بقى!!! نفسي اتعلم ادخل من هنا و اطلع من هنا بس مش عارفة!!

و حلوة دعايتك لكلية ألسن يا ام حبيبة، شكلنا حنعمل رابطة بجد!! قوليلي انتي قسم ايه؟؟ عشان نكون امم متحدة صغنونة هنا :)