سلام على كل الحبايب الي قاعدين . .و الله ماحد قايم من مكانه .. منورين ياقماعه


عندي خمسة مليون رد على حاجات كتييير متحوشه من يومين بس معليش مفيش وقت فخذوا

كده ردود فلوسكابيه ( على الطاير )

<FONT face=Arial color=#008080 size=4> ***** هدهوود ***</FONT>


الله يكرمك ياستي اخجلتيني بكلامك الجميل

وانا برضه احب اتعرف عليكي وعلى كل الاخوات الطيبين الي منورين معانا زي لمض الجاز

هقولك ايه يعني احكي لك عني باختصار ..

عقيد دكتور متقاعد أركان زاويه أم عتريسه .. اسمي الحقيقي شعبان مصطفى مجاهد الشهير

ببرعي .. وبينادولي في البيت بـ ضحى بس ده للتمويه ..

اتولدت بعد هوجة عرابي بسنتين .. تحديدا 30 /1 / 1975 يعني برج الجردل زي ماهو

واضح لسيادتكم وبكده فانا انضم لرابطة الألسن بس من غير ألف .

انضميت لجمعية المحاربين القدماء فعينوني في كلية تجارة .. اتخرجت 96 .. حاربت في 73 ..

واستشهدت في 67 .

شغلي الاساسي ومجال تخصصي بعد التخرج هو الكمبيوتر .. اشتغلت فترة في التدريب بعدين

انتقلت للبرمجه .. بعد ماجبت آخر الكمبيوتر معايا وحسيت ان مفيش جديد قلت اجرب حاجه

تانيه .. اتجوزت .. خلفت عتريسه .. لا جبت بعدها عيال ولا عملت برامج .. قفلت على كده ..

لي مؤلفات عدة ترجمت إلى عدة لغات حية وميته وعلى وش ولاده .. توليت عدة مناصب قيادية

.. ولي بحوث منشورة في أكثر من دورة مياه عامة ..

أعمل حاليا كأستاذ مستفرغ وبحضر لنيل درجة الأستاذية تخصص ربات بيوت ..

دي باختصار يعني المعلومات المتاحة حاليا ونوالي تحديثها تباعا ..

********************

<FONT face=Arial color=#008080 size=4> **** داليدا *****</FONT>


ألف شكر على كلماتك الرقيقة .. اخجلتيني مش عارفه أرد بأيه .. شكرا مرة تانية .

<FONT face=Arial color=#008080 size=4>**** داليا **** </FONT>


بنتك أكبر من بنتي بشهر ونص تقريبا ربنا يحفظ الإثنين .. هقولك على تجربتي مع عتريسه و

إن شاء الله تنفع معاكي لان السن تقريبا واحد ..

بما انهم في السن ده بيملوا بسرعه جدا من الألعاب فانتي طبيعي مش هتلاحقي عليها ألعاب

عشان كده استخدمي كل حاجه متاحة عندك في البيت .. اي حاجة غير حادة .. مش ممكن تتكسر

.. مش ممكن تدخل الفم .. مفيهاش ألوان ممكن تطلع لو اتلحست .. مفيهاش أجزاء صغيرة أو

ممكن تتفكك لأجزاء صغيرة .. غير ورقية .. اي حاجة تنطبق عليها الشروط دي تنفع لعبة

والشرط الأهم ان يكون عندك استعداد تتقبلي خسارتها لأن بنتك ممكن تعمل فيها شئ ميجيش في

بالك .. :)

النقطة التانية إنك متحطيش لها اللعب أو الحاجات الي هتلعب بيها مرة واحده .. يعني اديها

مجموعه تلعب بيها يومين ولما تلاقيها بدأت تسيبها وتدور على حاجة تانية يبقى معنى كده انها

زهقت .. اديها المجموعة التانية .

ثالث حاجة ودي مهمه جدا في السن ده .. انك لما تجمعي لها حاجات تلعب بيها حطيها لها في

حاجة .. مثلا صندوق كبير ..شنطة صغيرة .. درج .. أو حتى كيس مخدة ( بلاش الأكياس

البلاستيك عشان دي خطر على الأطفال عوضا طبعا انها بتبقى عادة مخصصة للزوج ) ..

الطفل في السن ده بيكون عنده متعه في الإكتشاف أو ( الدعبسه ) يحب جدا ويستمتع انه يطلع

الحاجات المستخبيه أكثر من استمتاعه بالحاجة نفسها ..

نقول بقى امثلة على الكلام الي فات ده ..

مثلا لو انتي في المطبخ .. هاتي لها وعاء بلاستيك أو حلة أي حاجه وحطي لها فيها كل المعالق

الخشب الي عندك + كوبايات أو اطباق بلاستيك + ملاعق أكل عادية ( بلاش الشوك طبعا ولا

حتى سكاكين السفرة ) .. اي حاجه لاتؤذي ولا تنكسر ..

لو بتجهزي الأكل حطي لها اي نوع خضار كبير عندك .. طماطم مثلا بس تكون جامده ..

باذنجانة كبيرة بس تكون مغسولة وشيلي منها البتاع الأخضر الي بيشوك .. بطاطسايه مغسولة

كويس .. وهكذا .. وبمناسبة الخضار .. احرصي دائما انك تأكليها حاجات شكلها مختلف .. يعني

اديها خيارة تاكل فيها أو جزرة .. مش مهم تاكلها المهم تتعرف على ملمس وطعم ولون جديد ..

وهكذا ...

ده لو انتي بتعملي حاجه ومشغولة عنها .. لكن لو انتي قاعده قدامها وجها لوجه يبقى الأفضل

تستخدمي حاجات تانيه عشان تنوعي لها في الحاجات لي بتشوفها وبالتالي تنمي مداركها أكتر ..

استغلي فرصة انك قدامها وخليها تلعب باي حاجه تانيه تخافي انك تخليها تمسكها وانتي مش

موجوده ..

في ميزة كبيرة اوي في الاطفال .. صحيح انهم بيزهقوا بسرعه بس في نفس الوقت ذاكرتهم

ضعيفه .. يعني لو بنتك زهقت من مجموعة اللعب الأولانية شيليها وحطي الثانية والثالثه وهكذا

وبعد فترة ارجعي حطي لها الأولى هتلاقيها بتلعب بيهم بحماس كأنها أول مرة تشوفهم ..

نيجي بقى لألعابها ..

في السن ده هاتي لها ألعاب مثلا .. جردل فيه مكعبات كبيرة هتستمتع انها تفضيه وترجع تملأه

.. هتحب كمان الأزرار والحاجات الي بتعمل صوت لما ينضغط عليها .. هاتي لها بيانو صغير

.. لما تبدأ تمشي هاتي لها اي لعبة يكون لها عجل وحبل عشان تسحبها منه .. هتعشقها ..

لو هتجيبي لها عرائس أو دباديب هاتيهم حجم صغير .. قدر كفك تقريبا .. دي عن ملاحظة

شخصية .. لاحظت أن بنتي بتخاف من الدباديب الكبيرة أو الي بتغني .. وبتحب الصغيرين الي

بتقدر تمسكهم وهي بتزحف .. وطبعا اغسليهم من وقت للتاني ..

وعامة أيا كانت اللعبة الي هتجيبها لبنتك لازم تلعبي بيها قدامها وياريت لو متحسسيهاش انك

بتلعبي بيها لها .. حسسيها انك بتستخدميها عادي .. مثلا لو هتجيبي لها تليفون لعبة اقعدي

اتكلمي فيه عادي كأنه تليفون حقيقي .. لو جبتي عربيه صغيرة اقعدي العبي بيها ومشيها على

الأرض من غير ماتبصي لبنتك وكأنك بتعملي حاجه مهمه .. بحيث تشجعيها انها هي كمان

تستخدم الالعاب دي لانها في السن ده بتحب التقليد أكتر من الإبتكار ..

وآخر حاجه الأطفال في السن ده بتحب لعب ( الاستعباط ) يعني مثلا تقعدي تغطي وشك

وتكشفيه وتقولي بخ .. أو تعملي نفسك خايفه منها .. أو تخليها تجري وراكي ( أو تزحف )

وانتي تجري منها ..وهكذا ..

ده الي افتكرته دلوقت واكمل لك بعدين لو جه في بالي شئ ..


<FONT face=Arial color=#008080 size=4> *** حلا الكون ***</FONT>

في موضوع مثبت في أول صفحه من قسم ساعدوني عن الدليل السياحي لعالم حواء .. هتلاقي موضوع للأخت reemoo فيه كل الي سألتي عنه وأكثر ..


<FONT face=Arial color=#008080 size=4> **** زئردة ****</FONT>
مالك يابنتي كفى الله الشر .. أوعي تكوني انتي كمان شفتي بوحه

السلام عليكم و رحمة الله و بركاته

صباح الخير يا بنات

معلش انا مقدرتش اقرا كل الحاجات اللي فاتتني، بس رد ام عتريسة فطسني على نفسي من الضحك!!!! ام عتريسة انتي مش ممكن ابدا!!! انتي متأكدة انك كنتي في ألسن؟؟!!! امال انا متكعبلتش فيكي ازاي؟؟!!!! انا بقى قبلك بشوية و قبل هوجة عرابي، انا اللي ضربت نابليون بالنبلة ايام الحملة الفرنسية!!! على فكرة نصايحك بخصوص الاطفال مفيدة جدا و يا ريت داليا تحاول تطبقها بس بهدوووووووووووووء من غير عصبية. يعني يا داليا تبقي عصبية بهدوء، و متنرفزة بس بشويش على رأي خالد صالح!!

سندريلا، رأييي معا البنات، بابا ربنا يخليه يجيبلك و انتي انزلي هاتيلك كام حاجة على ذوقك انتي لانك بتحتاجي تحسي بالحاجة اللي انتي جايباها بنفسك

كهرمانتي، انا مش عارفة موضوع حاجات البيريود دي، بس بالنسبة للاسوكتير بيشكرو فيها، انا شخصيا مجربتهاش في الاندروير بس جبت منها كام حاجة في اللانجيريهات

لاروزا، ريحة بيوت الناس الكبار ايام زمان دي هي ريحة المسك على فكرة. انا شفت مكعبات المسك دي عند جارتي و باباها كان جايبها لها من السعودية و لونها زي ما بتوصفي زي لون العسلية تقريبا او زي لون الصابون بتاع زمان، و ريحتها حلوة فعلا و هي نفس الريحة اللي وصفتيها، بس احنا مش متعودين عليها لاننا اتعودنا على روايح البارفانات و الحاجات الكيماوية دي، مش متعودين على الروايح الطبيعية زي المسك و العود. بس لو انتي عجبتك الريحة هاتيها، معجبتكيش يبقى خلاص مش اساسي اوي كمان لانك متضمنيش تبقى طبيعية مية المية عشان اللي بالي بالك اللي بتتكلمي عنه. اوكي يا توتة؟؟ و انتي ممكن تدوري على الطبيعي المضمون هناك لما تروحي. يا رب اكون أفدتك

دندوووووووووووووووووون، اسمي مكنش في قايمة اللي بالي بالك، بس انا عارفة اني معششة في نافوخك!! شيكي عالخاص عشان طلبك هناك و اسفة على التأخير.

هووووووبا وصفك شبطني اني اروح هايبر انا كمان!!!!

ام سلمى الامورة ربنا يخليكي ليا و يحرمنيش منك ابدا

ام حبيبة 2، انتي دمك زي العسل، بس باحس كتير ان انتي و ام عتريسة فولة و اتقسمت نصين!!! كلامكم بيهلكني على نفسي من الضحك، انتوا كنتوا دفعة واحدة و الا ايه!!!

شيري، و ام احمد، و زئردة و منى و داليا و رهومة و لؤلؤ مكنون و وسام و فاطمة و ام ام ام و هدهودة و كلكم كلكم باسلم عليكم و ليكم بوسة كبيرة مني، و لو نسيت اسم حد محدش يزعل مني، انا باحبكم كلكم و الله

صباح الخييييييييييييييييير

وحشتوني والله؟، وقرأت كلمة كلمة لكم امبارح بس كان موودي وحش قوي علشان كده ما رديتش

باسلم بقى على كل البنات الحلوين واحدة واحدة ونفر نفر بدون أسماء علشان ما انساش حد وحد يزعل

دون

حمد لله على السلامة كنت مختفية طول الأيام اللي فاتت

هابي

انا نفسي اروح هيبر ده او حتى كارفور بس اعمل ايه بقى انا في آخر مصر الجديدة وما عنديش سيارة، الا ما لهمش موقع على النت؟

زئردة

منمن

عاملة ايه دلوقت في مود الاكتئاب؟ اظنه راح خلاويص

انا محتاجة الكتاب ده ضروري الله يخليكي، احكي لي اخباره ايه

كهرمانة

ولا الهوا، ولا حتى بافكر في المواضيع دي، يا بنتي ده انا باحط كريم مرطب على وجهي مرة في الأسبوع، وده كله علشان بازهق بسرعة ومش باعرف اتابع

زئردة

مالك يا بنتي قلقتينا عليك، ايه اللي حصل؟

يا جماعة رابطة الألسن، ايه رايكم لو كل واحدة تقول كانت دفعة كم، متهيألي ممكن نطلع كنا في سيكشن واحد ولا حاجة ونعرف بعض من زمان ايه رأيكم؟

بناااااااااااااااااااااات

نظرا لكبر الموضوع هنا، انا فتحت موضوع جديد ياللا تعالوا هناك

بنات و مدامات مصر ام الدنيا تعالوا نورونا تااااااااااااااني