معليش ياجماعه ان كان كلامي ضايقوا .. انا مكانش قصدي تمتنعوا عن الكلام .. على كل حال الي عاوز يفهم قصدي كويس يرجع يقرأ كلامي من الاول وبتمعن فيه.. والي مش عاوز مفيش مشكلة انا بسحب كلامي واعتبروني مقلتش حاجه والي عاوز يعمل شات يعمل زي ماهو عاوز .


ام حبيبة .. لاه انا متجوزه وعندي عتريسه فعلا ربنا يبارك لي فيها .. يمكن لاني متجوزه من سنتين بس فلسه مبانش علي .. لسه في الرمق :) ..

رواء .. ربنا يقومك بالسلامه ويسعدك بالمولود ويبارك لك فيه .. ومتنسيش تدعي لنا وانتي بتولدي وربنا معاكي ..

نودي .. كل سنة وانتي طيبه وعقبال مية سنة في طاعة ورضى من ربنا ..

هبة .. عندي لك خبر كويس .. الدكتور بيقول ان الكلام الطويل الي انا بكتبه برا المنهج يبقى مش جاي منه في الامتحان .. يعني ببساطه ممكن متقريهوش وتريحي نفسك من طوله.. وعلى العموم انا آسفه ياستي اني كتبت لك رد طويل وجع قلبك على ماعرفتي تمسحي منه الكلام الزايد .. معليش ياستي نعمل ايه اصلي رغايه وبحب ادي الشغل حقه .. على العموم ان شاء الله متتكررش يافندم ..


واستأذن منكم ياجماعه يمكن اغيب لي يوم ولا اكتر فمحدش يقلق وان شاء الله اول مارجع هشارك معاكم تاني واقرفكم " بمقالاتي " الي مبتخلصش ..

السلام عليكم و رحمة الله و بركاته

اولا عاوزة اقولكم كلكم باحبكم جدا جدا جدا و ربنا يخليكوا ليا و ميحرمنيش منكم ابدا

ثانيا، تعالي هنا يا هبة هاااااااااانم!!!! عشان كده اقولك امبارح النت اتصلح اخيرا و اقولك حادخل اشوف البنات تقوليلي لا لا لا خليكي بكرة و الفاتورة و مش عارف ايه و اكلتي دماغي!!! و عمالة تقولي لي قومي نامي قومي نامي، اتاريكي مجهزالي حفلة هنا و انا باكل رز بلبن و في سابع نومة و التورت عمالة ترف هنا!!! الف الف شكر يا هوباا على المفاجأة الجميلة دي بجد بجد مش عارفة اقولك ايه، بس انتي غلطتي غلطة كبيرة اوي يا هانم!!! انا مش 66 انا 59 و نص!!!!!

حبايبي كلكم ام احمد و لاروزا و زئردة و منمون و غيدا ورواء و رهومة و ام باسل و بليكان و كهرمانة و دندونة و ام عتريسة و ام حبيبة و رانيا و ريم واليانورا وسكرة و كلكم كلكم مش عارفة بجد اقولكم ايه، فرحتوني جدا بمشاعركم الجميلة دي و يا رب ما نتحرم منها ابدا

و كل سنة و انتي طيبة يا ام احمد و كل سنة و انتي طيبة يا لاروزا مقدما، و على فكرة يا بنات كل سنة و تماتيا كمان طيبة لانها كانت مع هبة في نفس اليوم يوم السبت اللي فات

ام باسل يا حبيبتي، كلامك صح مية المية، بس احنا ما بنصدق بس نفرفش بعض بأي حاجة لمجرد الخروج من حالة الملل و الكآبة الصيفية لكن بالطبع احنا لينا عيدين اتنين بس بنحتفل بيهم و اي حاجة تانية بنعتبرها بس قعدة مرح نخفف بيها عن نفسنا. و جزاكي الله خيرا على هديتك الجميلة اللي هي احلى دعوة ممكن اتمناها من حد، و يا رب تكوني انتي و باسل و كل الاسرة بصحة طيبة دلوقت

ام عتريسة و ام حبيبة، حبيباتي اهلا و سهلا بيكم معانا دائما و ابدا، و مفيش داعي حد يزعل من التاني و الصفحة للجميع و زي ما انتم شايفين احنا كلنا ممكن نختلف في الآراء لكن دايما الود موصول الحمد لله و بتبقى الاختلافات دي سحابة صيف و بتعدي >>>> يا سلام عالحكمة يا بنااااااااااااات، ما انا صغرت سنة بقى!!!!!

كهرمانتي الحبيبة، مش ممكن ننساكي يا بنتي بس وسام قالت لنا انك بتصيفي فقلنا نستناكي لما ترجعي و تحكيلنا بالتفصيل الامل من ممل على التان اللي خدتيها من نقرة الشمس في المصيف!!! انا لما كنت في اسوان و رجعت اول حاجة اخويا قالها لي و هو بيقابلني على المحطة: اهلا بباكاكا داسا!!!!! كنت راجعة لهم راسمة حنة على ايدي و سودا زي الفحمة من اللف في النيل بمراكب و لابسة عقود شكلها عجب، تقولوا سايحة يا اخواتي!!! عاوزينك ترجعي بقى تقولي لنا عملتي ايه في المصيف، اووووووووووك؟؟

لاروزتي، ازاي تزعلي و انتي حتشوفيني بكرة ان شاء الله؟؟!!! ده ينفع يعني؟ قومي قومي اتنططي من الفرح و المرح لحد ما ييجي ميعادنا!

و يا بنات ايوة دندون تقصد هدهوووووووووودة و هي ان شاء الله حتيجي قريب تفرحنا بنفسها و الف الف مليون مبروك لها و عقبال لما هييييييا كمان ترجع تفرحنا و عقبال كل البنات

مرة تانية باشكركم على اللعب و على البالونات و على التورتات الجميلة و حابعت لكم على الخاص عنواني عشان اللي عاوزة تبعت اي حاجة بالدي اتش ال!!!!! ههههههههههههههه

و يا هبة ميرسييييييييييييييييييييي على توقيعك الجميل و على احلى مفاجأة شفتها النهاردة و على كل اللعب و الصور الجميلة دي، نط الحبل هلكني من الضحك!!!، دلوقت اسيبكم و اروح اترجم مقالة عالماشي

السلام عليكم
دائما يا رب متجمعين على الخير مبروك عليكم وعقبال الجزء المائه
كل سنه وكلكم طيبين واولادكم بخير ويارب كل الانسات فى العام القادم يكونوا متزوجات امين
وحشتونى وبحبكم فى الله لكم جميعا تحياتى

ازيكوا يا بنات

انا عايزه اقولكوا علي حاجه للي عنده اولاد صغيرين انا مش عارفه انتوا عارفنها و

لا لاء بس هاقول و خلاص

انا ساءلت في مصر قبل مسافر علي اللاب توب اللي بيعلم القران للاطفال المهم دخت

عليه في مصر حتي العزبي بيبي سنتر قالي انه بقاله 6 شهور ناقص المهم انا ان

شاء الله بعت اجيبه من السعوديه بس انتوا ممكن تساءلوا عليه تاني عند العزبي

لاني بقالي 4 شهور هنا ممكن يكون جابه

بجد مفيد جداا لتعليم القران للاطفال
سلام يا كوكو انتي و هيه

علي فكره انا باكتب المره دي علشان لقيت عدد المشاركات بتاعتي 409 و برضه نودي 409 قلت اكتب علشان اسبقها بواحد