ازيكم يا مدامات مصر

كده ولا حد ملاحظ وجودي :icon33: ، بجد زعلتوني والله ربنا يسامحكم

وسومة

مش عارفة اخذت بالك اني هنا ولا لأ ، اصلكم وحشتوني خالص انت ونودي وكهرمانة وسكرة هانم وقلت اجيلكم انا هنا طالما انتم مش في عروس

عاملين ايه طمنوني عليكم

نودي

قولي لي اخبار المعرض ايه ، اصل انا دخلت في السابع ومن يومها كأني دوست على زرار كل ما امشي ان شالله حتى خطوتين ادوخ ورجلي تورم

دون

ربنا يكرمك على دعائك وترحيبك بي ، واتمنى نكون اصحاب ان شاء الله، انا بقالي فترة متابعة الموضوع لكن من بعيد من غير ما اشارك وهاكون مبسوطة قوي لو بقينا اصحاب

ام ابيها
بصراحة والله ملاحظة اسمك لكن بصراحة سامحينى مش فاهماه
هو يعنى ايه
جدتك يعنى
منورة

مقالتى


القراءه اجباااااااااااااااااااارى




يا ام ابيها ويا كل الناس الى متبعانا من وراء الستار امثال شيرى وناس كثيررررررررر يا جماعه الموضوع يباله صبر على راى اخواتنا الخليجيات عشان تكونوا صدقات لازم تصبروا احنا هنا زى ملعب الكوره السله الكوره مش كل مره فى ايدك لكن لو خرجتى من الملعب مش هتبقى فى ايديك خالص لما تلاقوا ان الناس مش بترد ما تاخذوهاش شخصى خااااااااااااالص انا اول مره شاركت كانى هوااااااااااء عدوا من جنبى والله العظيم ما فى واحده توحد الله ردت عليا
ثانى مره باين حد رحب
ثالث مره نفس الهدوء التام

قلت مش هدخل خلاص بقى هما بيرحبوا ببعض وانا مش صاحبتهم ولما اعوز حاجه ببعث على الخاص وبصراحه كانوا بيدونى المعلومات كامله وبمنتهى الحب

المهم كنت نايمه فى يوم فى السرير وقعدت اعدهم لقيتهم فوق الاربعين بنت

والله اكسفت من نفسى قولت يعنى لو احنا فى اوضه ولا حتى قاعه هيلزمنى وقت طويل عقبال ما ابنى علاقاتى بالناس

وقررت انى اشارك حتى لو ما حدش رد عليا خالص احط لهم الى هما عايزينه وكانت ليا علاقاتى بام باسل وبهدهوده وبعدين دون كلمتنى وفى نفس الفتره عييت جامد

لقيت ام باسل بتكلمنى وبتقولى لو مرحتيش للدكتور هنزل واجيلك- وهى ماتعرفنيش-

بصراحه اتصدمت ....... حسيت انى بشوف ناس بحق وحقيقى لاول مره وان ثقتى بالعالم والناس بترجع لى وتوالت الاخبار والناس الطيبه اهل بلدى الى فعلا كنا متغربين واحنا فى نفس المكان عن بعض من يومها حضرتك وانا لاوقه بغراء ابيض ومش عارفه حتى افوت يوم من غيرهم. وفتحت الصفحه وانا مش قادره اقعد على الكرسى لقيتهم كلهم بيسالوا عليا - مش معنى كده انكوا تنتحروا عشان نحبكم لالا-

عارفين انا فكرت انى ابعث رساله شكر لاداره المنتدى لانهم فعلا فعلا ساعدونى

ده غير شكرى العميق جدا لمروه لانها سبب مباشر ورئيسى فى المساعده دى - جزاها الله عننا كل خير عن كل يوم بنفتح الصفحه دى - مع اختلافى معها لكن الاختلاف لا يفسد للود..........

الملخص ما تزهقوشششششششششششش شاركوا وشاركوا دايما وخلوا عندكم صبر وشويه شويه هتتفتح السكك لكن لازم تكونوا فى ارض الملعب لان موقع المتفرج ده هيخسركم كثير جداااااااا

رحم الله الملك فهد والله كنما بنعزه الراجل ده
كان اخر الرجال المحترمين

البقاء لله