12-7-1975 :27:

يا هبة انا ازلطت يوم 16 بقي مش يوم 19 يا مسطولة هانم صلحي الليستة بقي وعدين احنا لينا الشهادات الرسمي يعني كلكم اتسجلتم يوما ما اتولدتم اسالو بس اهاليكم هتلاق يكل واحدة استولدت في يوم واتسجلت في يوم تاني انا بس عشان صريحة شوييتين مسكهالي يا هبة

هدهودة ايه حكاية الريحة اللي في شعرك بسبب الهالايت دي انا عملت شعري قبل كده مرتين وعمره ما كات في ريحة من الصبغة ابدا دي اكيد من حاجة تانية يا هبة واعتقد والله اعلم من كتمة الشعر بسبب كتر غسله ومش بيلحق ينشف شوفي كده وهارد عليكي علي الخاص

ازيك يا نودى يا حبيبتى
ميرسى قوى على الرد

حبيبتى أم أحمد
الريحة فعلامن الصبغة لانى كنت شمها فى الكوافيروهى بتتعمل وكان فعلا هيغم عليه
بس قلت دى هتروح بعد الغسيل على طول

الله يسامحهم بقة اكيد الصبغة كانت فاسدة جدااااااااا او حاجة
ودى كانت اول مرة لية فماكنتش اعرف مع انهم اخدوا150 جنيه للهاى لايت وانااعرف ان ده مش مبلغ قليل

انا عارفة موضوع كتمة الشعر ده وباحاول اجيبه لورا وقدام وعلى الجنب او الفه او اعمله سيشوار علشان الريحة ما تبقاش اسؤا لكن الريحة اللى شمتها من الصبغة لسة موجودة

وربنا يخليكوا ليه وتلحقوا تسعفونى

انا بقى يا هبة 5/8/1979
سجلى عندك
الظاهر هبة يا جماعه هتبعت صاروخ موجه لكل واحده فى عيد ميلادها احتفالا بيها عشان كده عماله تسألنا عن اعياد ميلادنا , مش عايزة حد يفلت منها

شوفوا بقى بالنسبة للمعرض، اولا حتلاقوا هناك كل حاجة من اول رفايع المطبخ لحد النجف و المفروشات كلها. بالنسبة للمفروشات فيه طبعا المفارش السوري و الحاجات الجميلة المشغولة دي بس احنا للاسف مسألناش على اسعار لان اللف كان كتير و بجد محتاجة انك تكوني ماشية فاضية و مفيش في ايدك حاجة عشان تكتبي سعر كل حاجة بتشوفيها. المهم، فيه ملايات هناك جميلة اوي و شغلها حلو و الوانها كمان جميلة، الطقم ب 140 عبارة عن ملايتين و كيسين مخدة و خدديتين. فيه في ادوات المطبخ حاجة عجبتني و انا شخصيا اخدت منها هي عبارة عن طقم صواني ميلامين تركي بايدين من 3 قطع بس شكله حلو اوي و الوانه جميله و ب 60 جنيه. فيه هناك شموع و فيه لانجيريهات و فيه ستاند مخصوص لماركة كوتونيل و دي بيشكروا فيها و فيه فساتين الدلع بتاعة البيت دي للعرايس و اندرويرات كل الاشكال و الالوان و الاصناف و في حاجات اسعارها حلوة اوي، يعني مثلا فيه 3 اندروير ب 10 جنيه و تنقي من الالوان اللي تعجبك. فيه ايه كمان؟؟؟ فيه مكان كده للعطارة و الاعشاب و عندهم ليفة مغربي و الصابون المغربي و طمي مغربي، الطمي و الصابون كل حاجة ب 35 جنيه. و فيه اكسسوارات و ماكياج و منتجات اوريفليم باسعار حلوة اوي. انا جبت روج معاه قلم التحديد بتاعه اسمه dreamy woman بعشرة جنيه، و حلو اوي اوي لما جربته لقيته ناعم جدا و احلى حاجة ان الليب لاينر معاه نفس اللون مش حتضطري تروحي تدوري على اللون المناسب ليه. ايه كمان؟؟ و الله يا بنات فعلا فيه كل حاجة و حاجات كتير من رفايع المطبخ حتلاقوها ب 2 و نص. من الاخر المعرض ده عاوز يتراح مش مرة و لا اتنين لا ده كل يوم كمان عشان الواحد يجيب كل اللي عاوزه

اممم مش عارفة عرفت اشرح و الا لا، اصلي نيلة في الوصف!!! عموما لو افتكرت حاجة حابقى ارجع لكم تاني ان شاء الله