الف مبروك علي الجزء الجديد والاعضاء الجداد ما شاء الله داخلين طايجين بالشباشب علي طول :D

شكرا يا وسوسة انتي اللي دايما مجمعة المصرييات في كل حتة بعد مروة الله يجازيكي انتي ومروة كل خير

اهلا ام سلمي الامورة ربنا يخليهالك وتفرحي بيها والله يكرمك بلاش شباشب تطير منك هنا ولا هنا مش ناقصين اعتقد فاهماني وبعدين نقول معلش ما اخدتش بالي

روشانااا فاكرينك طبعا يا قمر منورة بس يا ريت ما تناميش تاني مننا وتخليكي مصحصحة كده علي طول لحسن في شباشب بتطير هنا وهنا

حبيبة زوجها يعني بس داخلة تقولي انك هتغيبي عننا طيب تروحي ونرجعي بالف سلامة يا جميل وما تنسيش الحاجات الحلوة معاكي


الوردة الحمرة منورة الموضوع ويلا في انتظار مشاكاتك معنا وان شاء الله البنات تفيدك في الموضوع بتاعك ده معلش اختك متغربة بره مصر

رهومة ازيك يا جميل يلا مطنشني دايما علي الماسينجر

سكر هانم منورة يا جميل وسمعت عنك شعر من نودي ربنا يوفقك يا جميل

داليا اسمك ملخبطني مش عارفة ارد عليكي باي اسم

زءردة منوره يا جميل وسلامي وبوسة للوجي

عاشقة زوجها وابنها منورة يا جميل وسطينا والف مرحب بيكي

سبانش فلور انتي بتامي وقت ما بنصحي وبتصحي وقت ما ننام طيب نظبطها معاكي ازاي دي

ريم احمد منورة يا جميل بس يا ريت ما تختفيش كتير خليكي دايما معانا

دون انتي فين يا قمر وحشتني اوعي يكون حد خطفك فاهمين اوعوا دي حبيتي انا

اليانور منورة يا جميل وازي اللي بالي بالك

ام باسل وحشتني اوي اوي يا رب اطمن عليكي وعلي الولاد قريب

رواء فينك النهاردة مش شوفتك خالص

سلامي ليكم كلكم ويا رب تكونوا كلكم بخير وبوسة كبيرة اوي واللي هيدخل الاول هتيجي البوسة فيه

في خبر حلو اوي بس مش هاقوله عاوزة صاحبته تيجي هنا وتقوله بنفسها ومبروك يا حبي الف مبروك يلا تعالي اعلني الخبر بنفسك عشان نعلك احلي هيصه :icon28: :icon28:

السلام عليكم ورحمه الله وبركاته
مبارك الجزء الجديد ودوما مجتمعين اخوه فى الله متحابين فى جلاله ندعوه الرحمن الرحيم ان يظلنا فى ظله يوم لا ظل الا ظله
اولا جزاكم الله خيرا جميعا على سؤالكم عنى والحمد لله اولادى وانا بخير والحمد لله
ارحب بكل اخواتى الجداد وبقول لهم اهلا بيكم فى بيتكم وسطينا
وبقول لكل البنات اللى اصابهم الاكتئاب والملل من روتين الحياه
نصيحتى التى انصح نفسى واياكم بها عندما تعترينى هذه الحاله التى اسال الله لى ولكم ان يعافينا منها
كل ما ينقصنا الاقتراب من الله اكثر فاكثر
ان نكون مع الله
ان ذكره دوما وفى كل لحظه
اعلم ان كلامى مكرر ولكن هذه هى الحقيقه
فقربى من الله عز وجل يعطينى كل شء والبعدعنه يضيع منى كل شيء
قربى منه عز وجل يدفعنى بقوه الى فعل الطاعات وكل شيء حتى يرضى عنى خالقى
ومن خلال هذا يعطينى الرضا فى داخلى الذى ينتج عنه السعاده والشعور بالبهجه والامل
قد اقول انا اصلى واؤدى ما على ولكن ايضا تعترينى هذه الحاله من الاكتئاب الذى يصل احيانا الى البكاء المستمر
اذا ابحث فى نفسى واسالها واحاسبها هلى تخشعين وانتى بين يدى ربك سبحانك وهل تشعرين بهذه الشفافيه بعد قيامك من صلاتك هل يهفو هذا القلب ويتوق الى الانتظار من الصلاه الى اختهاالصلاه لاهثا وراء لذه السجود بين يديه سبحانه وتعالى
هل تشعرين بالنقاء وصفو النفس بعد ان بكيت لربك ان يفرج عنك
هل شعرت بقوه الايمان تزلزل اعماقك وتؤكد لك ان المولى عز وجل سيستجيب لك وان امرك وقدرك كله خير
ان كانت اجابتى نعم فهو ان شاء الله اختبار وسامر منه بنجاح باذن الله وعونه وما على سوى الصلاه والدعاء والصبر
و وباذن الله سياجرنى خالقى على تحملى واساله ان اثاب وان تكون كل تلك المشاق فى ميزان حسناتى وعلى وقتها ان اتاكد تماما انه ما من طريق الى راحتى الى وهو ملىء بالاشواك والمصاعب فالراحه لا تاتى بعد راحه ابدا فالراحه تاتى دوما بعد التعب
فلابد لك يا قلبى بالخشوع لجلاله
اما ان كانت اجابتى لا
فعلى ان اعيد النظر فى عبادتى وقربى من الله فحتما واكيد هناك خطا ما
والله القرب من المولى عز وجل راحه ولذه ليس بعدها شيء احلى واروع
اما البعد عنه والعياذ بالله شقاء ما بعده شقاء
اعذرونى على اسلوبى فالكتابه
فكل ما اعلمه من امور اللغويات بسيط جداا
ولكن وودت ان اذكركم ونفسى اذا نسيت
اسال الله
لى ولكم الهدى والتقى والسداد فى القول والعمل
كما اساله
ان يجعل لسانى رطبا بذكره حتى القاه
وقلبى عامرا بخشيته حتى يردنى اليه
ونفسى قانعه راضيه حتى اقبض اليه
وبدنى على البلا ء صابرا محتسبا حتى ان اعرض عليه
واستغفره على ما بدر منى من ذنوب ما علمته وما لم اعلمه
واتوب اليك يا الله من كل ذنبا اقترفته على نفسه او اصبت به مسلما
واختم كلاماتى
بشهاده ان لا اله الا الله وان محمد عبده ورسوله
والسلام عليكم والرحمه والبركه

تسلمى أختى داليا رضا

ازيك يا ريم عاملة ايه وحشانى ومنورة

حبيبتى أم أحمد أنا ما اقدرش اطنشك أبدا ازاى تقولى كده بس أكيد مش بكون شيفاكى
يا جميل اوعى تزعلى أنا ما اقدرش على زعلك أبدا

أم باسل يا أحلى أم باسل فى الدنيا نورتى الصفحة يا غاليه والحمد لله انك انت وأولادك بخير ديما يا رب وربنا يزيدك هدى ورضا كمان وكمان ويجزيكى خير عن كل حرف كتبتيه ويجعله فى ميزان حسناتك لأنى فعلا بكيت وانا بقرأ كلامك اللى زى البلسم يتحط على الجرح يطيب بارك الله فيكى ولكى وعليكى
http://www.y1y1.com/up/get.php?filename=1118459856.gif

رواء يا رب تكونى صاحبه الخبر اللى بتقول عليه سمسم وتكونى ولدتى باتلسلامه موش عارفه ليه انا حاسه بيكى جدااا
ربنا يكملك على خير يا رب

الف مليون مبروك وعقبال الجزء المليون