أم أبيها74 :

سندريلا خلاص هاصبر ، بس انتم كمان ما طنشونيش قوي يعني :17:

سندريلا خلاص هاصبر ، بس انتم كمان ما طنشونيش قوي يعني :17:

redrose201 :

السلام عليكم و رحمة الله و بركاته ازيكم كلكم يا بنات ، عاملة ايه يا بنات جزاكي الله خيرا يا اخت UMHABEBA متشكرة جدا جدا انك افتكرتيني و سألتي علي و بالنسبة للسؤال الي سالته مفيش مشكلة ربنا يسهل و الاقي اللي انا عاوزاه. و ربنا يكرمكم انشاء الله

السلام عليكم و رحمة الله و بركاته ازيكم كلكم يا بنات ، عاملة ايه يا بنات جزاكي الله خيرا يا...

Noody30 :

ازيكم تاني يا جماعة معلش اتأخرت عليكم بس النت كان واقع تماما عندي انا رديت عليكم كلكم زي ما وعدتكم هبة حبيبتي، صباح الفل عليكي و شكرا على سؤالك على بابا و جزاكي الله خيرا على الدعوات الحلوة دي و يا رب يا رب ربنا يرزقك بالزوج الصالح و يخليلك مامتك و يفرحها بيكي. الحمد لله يا حبي هو بقى كويس دلوقت و ربنا يخليكوا ليا برايد يا قمر، ازيك وحشتيني جدا، و كل سنة يا ستي و انتوا بتحبوا بعض و مبسوطين و متهنيين و ان شاء الله السنة الجاية تحتفلوا بيه مع عتريس او عتريسة. شوفي انا رأيي انكم تحتفلوا احتفالين، واحد برايفت في البيت رومانسي و على ضوء الشموع و الذي منه (متسأليش ايه الذي منه اجري اتفرجي على التجارب و الخبرات و انتي تعرفي يا فالحة!!!) و طبعا ده حيكون من ترتيبك انتي، و التاني بقى يكون بره في أي مكان جميل و ده يكون من ترتيبه هو، و ميمنعش يكون الاسبوع كله احتفالية للمناسبة دي، ياللا الحقوا و انتوا خفاف انتوا الاتنين قبل ما تتقلوا اكتر من كده!!!! حبيبة عائشة ، اهلا يا راندا من الجيزة، منورانا يا جميل، بس ياللا حطي السي في بتاعتك بسرعة عشان نعرف كل حاجة عنك!!!! انا امل من طنطا، مترجمة و زي ما انتي شايفة عاملة دوشة في الصفحة!! ام حبيبة 2: "انما ايه العبقريه والفلفسه والجمال اللى عليكم يا ام ابيها ويا نودى ايىىىىىىىه الله ياست عظمه على عظمه على عظمه من غير لحمه ........ وفى الاخر بتقولى ده راى بسيط لا ده راى ناس خريجى علم نفس من النوع الكومبلكس يا جماعه اى حد عنده مشكله نفسانيه ماثره فى روحه المعدنيه يقول للدكتورة نودى" و الله يا ام حبيبة 2 هي الحكاية لا عبقرية و لا فلسفة خالص، انا حتى مليش في علم النفس و لا الكلام ده، بس انا كلمت ام باسل من خبرتي المتواضعة في التعامل مع الناس و مع نفسي، ظروفي خلتني اختلط بناس كتير و اتعامل معاهم عن قرب و بالتالي فيه حالات كتير بتتكرر معانا و بتساعدنا في التعامل مع ناس تانيين. لكن ميمنعش طبعا انهم يسمعوا كلامك و ان أي حد عنده مشكلة نفسانية يتفضل يخليني اتمدد عالشيزلونج و احكيله قصة حياتي، يقوم ينسى مشكلته و ينسى اسمه و ينسى هو كان جاي هنا ليه!!!! اقتباس من دون "دون: رواء الاسلام only 2 days يا مسهل يارب عمللالى هلع بالتوقيع بتاعك" و الله يا رواء دون عندها حق لدرجة كنت باحكي لصحبتي امبارح باقولها اني حاسة ان المؤشر بتاعك ده زي القنبلة الموقوتة و كل ما اشوفه امسك معدتي و اقول يا ترى يا رواء انتي لسة حتة واحدة و الا اتفكيتي اتنين!!!! بس لما دخلتي دلوقت اطمنت وقلت لا لسه شوية الانفجار السكاني في المانيا اتأخر حبة!!! صباحك فل يا رواء يا حبيبتي و ربنا يطمنا عليكي يا رب ام باسل يا غالية، شوفي هي المسألة مش مسألة اني لازم احكي كل مشاكلي لاهلي عشان يكون فيه تفاعل بس هي فكرة اني ابقى على تواصل معاهم اكتر اخليهم يحسوا بيا و بمشاكلي اكتر لاني طول ما انا كاتمة جوايا و خايفة اشيلهم همي و خايفة اتقل عليهم عمرهم ما حيحسوا باللي جوايا ده. تعرفي فيه ناس بتتوقع ان لازم اللي حواليهم يقروا اللي جواهم من صوتهم او من عيونهم، بعض الناس عندها المقدرة دي و بيعرفوا يحللوا الاصوات و العيون كويس لكن فيه ناس معندهمش الهبة دي من الله، يبقوا يعرفوا ازاي؟؟؟ و الله هي لو متعودة من زمان انها لما يكون عندها مشكلة او شئ مؤرقها انها تتكلم و تفضفض مع امها او اختها مكنتش حتقابل المشكلة دي، لكن احساسها المستمر بان الاهتمام بس للكبيرة و الصغيرة و انها مش فارقة عندهم هو اللي ولد جواها الاحساس بانها لو اتكلمت حتكون هم عليهم. اما حكاية انها اذا اشتكت كل اللى بتقال احنا موش فاضين انتى عايزه ايه بالظبط، فمعناه ان المشكلة عندها هي برضه، هي من كتر ما كتمت جواها مشاكلها و احساسيها مش قادرة دلوقت انها تتواصل معاهم و توصل لهم مشكلتها، مش معقول حيردوا عليها الرد ده مباشرة لو كانت قالت مشكلتها بشكل صريح من غير لف و دوران، يمكن هي مقدرتش توصل المشكلة او حاولت تلمح عشان همه يفهموا لوحدهم و يعرضوا عليها المساعدة بدل ما هي تطلبها منهم. شوفي انا متعاطفة مع مشكلتها جدا لكن لسه شايفة ان المشكلة جواها هي، لان مش معقول الاب و الام اللي شايلين هم بنتهم المريضة حتى بعد ما اتجوزت و بعدت و بقت ام، يهملوا في حق بنتهم التانية بالشكل ده بدون سبب هي مشاركة فيه. انا مقصدش اتفلسف و الله لكن يمكن كلامي ينبه الانسانة دي لحاجة لازم تتغير جواها و لازم تفتح قلبها شوية للناس عشان الناس يقدروا يدخلوه و يشوفوا اللي فيه. و الله يا ام باسل كلامي ده مش سفسطة لكن كلام من تجارب كتير حصلت معايا و مواقف كنت انا شخصيا طرف فيها. يعني الحياة بتلطش في الواحد و بتعلمه و يا رب مشكلة البنت دي تتحل و تلاقي راحة البال اليانورا و ام ام ام و داليا ازيكم يا قمرات؟؟ ريم، انتي فين يا بنتي؟؟؟ صلحي النت و تعالي بسرعة وحشتينا اوي اوي، و احكيلنا بالتفصيل الممل جبتي ايه من المعرض و عجبك. ربنا يطمنا عليكي سندريلا، اولا حمدا لله على سلامتك و اللي واخد عقلك يتهنى بيه يا ست هانم!!!! فيه حد عاقل يعمل كده برضه؟؟!!! اوعي تعملي العملة دي تاني و تحطي ايدك في الخلاط الا لما تكوني باعداه تماما عن الكهرباء احسن اجي انا اشيلك ضوافرك ضافر ضافر بنفسي!!! متقلقيناش عليكي تاني كده يا سمسمة انتي غالية علينا اوي. و بعدين تعالي هنا!!! اقتباس من كلامك " ده زمان اجوازكم يا عينى رابطين دماغهم من كتر رغيكم ده ربنا يكون فى عونكم يارجاله " يا حبيبتي اصلك مش فاهمة حاجة لسه!!!! يا بنتي اجواز ايه اللي رابطين دماغهم؟؟؟ هو فيه اجواز بيسمعوا ستاتهم اصلا؟؟!!!! يا حبيبتي اللي بيتكلموا و يرغوا هنا و يملوا صفحات دول بيتكلموا من حالة الصمتي الرهيبي اللي في البيت!!! همه لو كانوا عارفين يكلموا اجوازهم كنتوا لقيتيهم لاجئين في الصفحة هنا؟؟؟!!! يا شيخة خلي الطابق مستور و اقعدي ساكتة!!! بكرة نقعد جنب الحيط و نشوف اللي داخلين يرغوا من الفرااااااااغ و الصمت!! >>>>> و انا اولهم بكل فخر!!!!! سكرة:" نودي ب.ا اعرفي الرمز ده ولا اقولك..ا.ف...كخخخخخخ" يالهوي يا سكرة!!!!! انا فهمت التانية و مفهمتش الاولانية!!!!! ابقي افتكري افكرك تفتكري تفكريني اخد منك كتيب فك الشفرة الله يكرمك!!!! لو مكسوفة تديهولي في ايدي ابقي دوبيه في ماج الكابتشينو و انا حاشرب و انا ساكتة!!!! يا رب صبررررررررررررررني زئردتي، يا ترى سألتيلي على اللي قلتلك عليه يا توتة؟؟ معلش تعباكي معايا، و ادي بوسة كبيرة ليكي و بوسة للوجي ممممممممممممممواه وسووسة الحمد لله بابا بقى بخير ، و مستنياكي يا قمر تيجي بس و انا حاجمعهم لك نفر نفر ان شاء الله سلامي لدندونة الجميلة و لشيري المتآمرة و لاروزا "الهادية" و لهدهووودة عروستنا و لوسووسة الحلوة و لسبانش فلاور العسولة و لام احمد الجميلة و لميرو المفترية و تماتيا المختفية و لرهومة الامورة و ام يوسف اللي لسه مطمنتيش على يوسف، و ام عتريسة و ام سلمى و ام حبيبة 1 و لؤلؤ مكنون و كهرمانة و هبة اللي وحشتني و ناني الغايبة عننا و غيداء و نورا عمار و اليانورا و منى عبد العزيز حبيبتي و مشمش ام مصطفى و ماشماش ميشو و سمكة السكرة و مروة اللي وحشتني و حبيبة زوجها الجميلة و عاشقة زوجها و ابنها و سمسمة ميرو و بليكان المتفوقة، و ظلال القرآن اللي بتراقبنا من بعيد لبعيد و البنات الجداد اللي جم زارونا و كسلوا يدخلوا تاني، و كلكم كلكم

ازيكم تاني يا جماعة معلش اتأخرت عليكم بس النت كان واقع تماما عندي انا رديت عليكم كلكم زي ما...