**بنات يله كل وحد تدخل موضوعنا عن رجال الحسبة الله يوفقهم **

وعليكم السلام ورحمة الله وبركاته
في البدايه اشكرك على الموضوع الحلو
بالنسبه لرجال الحسبه فالحمد لله هم نعمه انعمها الله على هذا البلد
وانا ضــــــــــــــــــــــــــــــــد اي شخص يتكلم عليهم او يكرههم او يقول ان فيهم ناس سيئين
مع اني اسمع قصص كثيره عنهم من اللي يعارضونهم او بالاحرى اليي يعارضون الاشخاص السيئين منهم
ومن هذي القصص انهم يضربون الحريم بالعصا اذا شافوا وحده مو محتشمه(وانا ما عمري شفتهم يسوون كذا , ولا اعتقد هذي سياستهم ولا سياسة ديننا الحنيف)(اللي اشوفه انهم ينصحونها ويروحون, او يقولون غطي شعرك الله يصلحك) وسمعت ان في شخص من رجال الحسبه دخل على محل كاسات واواني كرستال وكسرهم قال ان حرام الشرب فيها وصاحب المحل اشتكى عليه عند احد الامراء على ما اعتقد وخلوا المحتسب يدفع له ثمن اللي كسره (على ما اذكر)..
لكن بالنسبه لي انا دايما ادافع عنهم واحترمهم وانا على وعي ان هذي الوضيفه كانت من ايام الصحابه وليست جديده والله يديمهم في هالبلد ياارب
ولوكانت هالبلد خاليه منهم كان صارت مصااايب اكثر من اللي نشوفه ونسمع عنه
كان ما شفنا لا ستر ولا احترام للمرأه وخصوصيتها
وكان شفنا انتشار للفواحش والخمر...الخ
في النهايه نقول الحمد لله على هذي النعمه اللي ربي انعم بها على هذا البلد المحاافظ على الدين

وعليكم السلام ورحمة الله وبركاته
رجال الحسبه الله يسدد خطاهم ويجعلهم شوكة بحلق كل مفسد والله اني ادعي لهم كل ماشفتهم ,
اما بالنسبه لمن هم ضدهم فهم يريدون ان ينشروا الفساد فهم يتصيدون اخطائهم ويكبروها , حتى لو كان هناك اخطاء فرديه لاتقلل من شأن الاعمال الجليلة التي يقومون بها ومن منا معصوم من الخطأ.
لااحب ان اتخيل المجتمع من دونهم .
واجبنا الدعاء لهم والذب عنهم من كل من يسب فيهم .

والله مثل ماقلتو بنات الله يحفظهم لنا ويخليهم وبصراحة النا ماقد شفت احد منهم يتعدى على الناس والله كل اساليبهم روعه ويمكن يصير فيه قصص صارت لبعض الناس مع بعض رجال الهيئه بس يضل هذا شاذ وأندر من النادر والهيئة مثل الناس بشر يصيبون ويخطئون ومن العيب على الناس تصيد اخطائهم ومايسبهم الا واحد فيه عيب أو انه قد سوى اخلاق منافيه للآداب الاسلامية أوانه معادي للدين ويبغى الفساد ينتشر .. وبض البنات يقولون ان اسلوبهم فض ويشهرون قدام الناس
وانا اقول انه انتي لو كنتي متستره وحافظة لنفسك كان ما جاك احد وبعدين اسلوبهم مناسب جدا ولا يستخدمون القوة او الاساليب الاخرى الا بعد تجربة الاساليب اللينة لإن فيه بعض الناس الله يهديهم مايستجيبون ويجادلون وماينفع معهم الا العين الحمرا , الله يهدينا وجميع ضال المسلمين
ويجمل نساء المسلمين بالستر والحشمة ويرزق بعض الشباب الغيره على المحارم أأأأمين


اشكركم اخواتي على التفاعل الجميل وكلامكم رائع جداوالله يوفقكم واتمنى التفاعل يكون اكبر من كذا من العضوات الأخريات وياريت الكل يكون مثلكم ..

up:)