السلام علييييكم ورحمة الله
تدخل برجلها اليمين >> فيس مبتسم
معي دلة القهوه وابي وحده سنننعه تجيب حلا
وراي سواليف وعلوم >> ياحبي لكن وربي
اسأل الله ف هالشهر الفضيل ان يلطف بحاااالنا اللي مايعلمه غيره
ويمن ويعطينا من خير الدنيا والآخره
ويسخر لنآ ازواجنا ويطول بأعمارهم ويحفظ كل حبيب لحبيبه
اللي ابي اقوله سلمكم الله فضفضه طاقتن تسبدي
وجايه اهذر معكن واوسع صدري وصدوركن
وتجربه مريت بها من شهرين لعوزتني وقلبتني فوووق حدر >> متأثره بأهل الكويت
ياحبايبي يمكن بعضكم يعرف قصتي والبعض يجهلها
لكن مجملها اني تو لي سنتين متزوجه ورزقني ربي بالحمل بعد سنه
وتوفئ الطفل بالشهر السابع وبدون اسباب طبيه الله عطنا اياه والله أخذه >>> فيس حزين
لكن بعد ماقمت من نفاسي بالسلامه بديت ابحث وابحث عن الحمل
انا وزوجي مافينا الإ العافيه من فضل الله ومنته
ولاصار حمل وقلت يابنت لحقي علئ عمرتس وتسنعي مثل الحريم وقمت احوووس بعمري
اشرب ميرميه وعشبة المدينه وانناس ومادري وشو وقرفه المهم انا ملوله ولا احب انتظم كوب كوبين
بالشهر والقرفه بالدوره بس ما أنكر ان عشبة المدينه كانت تنظفني وقت الدوره لكن بعد الدوره ذيك يابناااااات. الطااامه ماعاد احس بألام التبويض واترك الأعشاب واستمر ع الأنناس ولا احس بشيءً ابدد. اهني خفت وقمت افكر واقنعت زوجي اسوي فحوصات وقالت لي الدكتوره عندك كيس ف المبيض اليمين خفت انا ولا ادري وش كيس ماكيس ماتوقعت توصل الأمور لهالحد وكان حجمه 4*3 وارد البيت ولاعلمت زوجي قلت ماابيه يحس اني السبب ورا تأخر الحمل لكن باحل مشكلتي بنفسي ورجعت لطبيبه قالت باصرف لك حبوب منع الحمل لمدة ثلاث شهور لان التبويض عندي معدوم بعد ماكنت بصحه وعافيه وانا اناظرها قلت بنفسي هييين افلقيني بس وماستخدمت شي وسحبت ع المراجعات وادخل واتثقف وش كيس وش تكيس ومن ذا وتوديني الأفكار وتجيبني ويلهمني الله بفضله سبحاااانه للقسط الهندي
ورحت لأهلي ويطلع لي ابوي ذاك العسل الأصلي واخذه وابداء ارقي نفسي واتحصن بعد صلاة المغرب والفجر واروح لدكتوره بعد السونار قالت مافيش حاقه >> ههههه يمديكم ع الكلمه
قلت وابو 4 *3 وينه فيه طس ان شاء الله خخخخخ قالت كلو تمام وراح نبدأ بالمنشطات
وفعلاً صرفت لي كلوميد وتذكرت ان علتي كلها من المنشطات دمرت مبايضي ورميته بالزباله >> يكرم القارئون
واستخدمت خلطة لقاح النخل وعسل مساءً قبل النوم وصباحاً ع الريق
وحسيت ان الله يمن عليّ ويرد لي التبويض حتئ الأفرازات وانتوا بكرامه ردت مثل اول
ورحت لها باليوم ال 14 قالت ممتاز بويضات كتير والله اني حمدت الله من صمصوم قلبي
لكن احجامها لسه يبي لها وحده 17 ووحده 15 وكذا قلت يابنت لعل وعسئ وهي تقول عشان يصير فرصه للحمل اكثر باعطيك ابر منشطه وعطتني فوستيمون
وماشاء الله لاقوة الا بالله توصل الحجم المناسب واخذت ابره تفجيريه في 1 رمضان
وهذاني ادعي الله ليل ونهااار اكون حامل والله يسعدها اللي بتاذكرني وهي صايمه والا وهي تصلي وتدعي لي
باقي علئ دورتي خمس ايام بالظبط ومحتااااسه ماقدر احلل لان مع الابره التفجيريه بيكون ايجابي ولكن عطوني قلب يصبرررر مافي خلاص
يابناااات الله كريم ورحيم ولطيف ومالجأت لغيره سبحانه كفؤ وأهل للدعاء ما أحلمك ربي وما أعظمك لايُعز عليگ ان ترحم ضعف قلوبنا وقلت حيلتنا
يلاااا هات دلتي >>>> تصارخ
ابي أسري
استودعكن الله اللذي لاتضيع لديه الودائع
ري ــــــــــوف @ry_of_1
عضوة نشيطة
يلزم عليك تسجيل الدخول أولًا لكتابة تعليق.
ذكرتيني بنفسي بعد كنت سليمة تلخبطت اموري فوق تحت ولا ادري وش عندي حللت ماعندي مشكلة
بس مااستجيب للحمل والله قادر انه يرزقنا ياااااارب لاتحرمنا واعطينا وفرح قلوبنا فرحة نسجد لك باااكيين يااارب
بس مااستجيب للحمل والله قادر انه يرزقنا ياااااارب لاتحرمنا واعطينا وفرح قلوبنا فرحة نسجد لك باااكيين يااارب
يااارب ياحي ياقيوم جعلك دور السنة تلعبين ولدك او بنتك الله لايحرمك يااربيااارب ياحي ياقيوم جعلك دور السنة تلعبين ولدك او بنتك الله لايحرمك ياارب
الصفحة الأخيرة
يارب يرزقك ويعوضك ياكريم باذن الله تبشرينا بس هاه بشريني اذا حللتي لو برساله خاصة >>>> مصدقة رساله خاصة هههههههه
موفقه ياقلبي :33: