بنا أبي أكلات بسيطه وتستوي بسرعه لرمضان القادك (تحملوني ما أعرف أطبخ مثل الناس)

يحليلج يام الغالي ذكرتيني باللذي مضى...شوفي حبوبه..أنا ما بحط وصفات لأنها وايد البنات مب مقصرات ماشاء الله بس بخبرج كيف ممكن تستفيدين من المنتدى..بس اول شي لااااازم يكون عندج اصرار على التعلم(فهمت من كلامج انج موووول ميح..السموحه)
اول شي اجمعي من المنتدى او اهلج او صديقاتج الأكلات الرئيسه التاليه:
صالونه(لحم،دياي،سمك)
مجبوس(لحم،دياي،سمك)
برياني و يااااكثر انواعه اختاري لج كم نوع سهلين و انا منزله نوع وااايد سهل و لذيذ
مشوي لحم و سمك و دياي
عيش ابيض
مقلي سمك (ما يباله تعليم)
اذا اتقنتي هذيل تراج تعلمتي نص الطبخ بعدين دوري عالمحاشي و الصواني و يااااكثرها في المنتدى..انا بديت جذيه و الحمدلله الحين الكل يشهد لي..و اي خدمه انا حاااااااضره

فديتج أم البنات صدق والله تراني ميح شسوي لما كنت في بيت أبوي محد علمني وشجعني وكنا كلما دخلنا المطبخ قالوا لنا بتعفسون المكان او بتحرقونا :(

وبعد الزواج توهقنا

مشكوره حبيبتي وبروح أدور الوصفات وإذا ما فهمت شي منهم بسألج عنه جزاج الله خير

تدرين أني مره ييت بسوي عيش أبيض أوني وطلع هريسه لووووول

الله يعيني ويعين اللي مثلي :(

معلش حبيبتي شوي شوي وبتتعلمي بس بدها طولة بال
ومادام انت لسه عروس وماراح يعملي عزايم كبيرة شو رايك تعملي مثلا ستيك مع الخضار
ستيك بتقطعي شرايح وبتبليه مع الملح والفلفل وبتقلبيه بشوية زيت اوسمن وبعدين بتضيفي خضار مسلوقة (بازلا-جزر ذرة -بصل ...)اللي متوفر وبعدين قبل 5د من اطفاء النار حطي شوية خل التفاح اوصويا صوص حسب ما تحبي اما اذا حبيتي تاكلي معه رز فاضيفي له صوص طماطم .....وهي خلصت طبخة
طبعا يمكن استخدام قطع الدجاج بدلا من الستيك

دوري عندج العضوة دردشة مطابخ حاطة مواضيع عن المقبلات والسمج والدياي والعيش! بقسم المقبلات ومثبت!
وان شاء الله بتستفيدين!
وعندج كتاب اسمه خفايف ، حق عائشة بهلول اعتقد مالها! بس اكلاتها والعيش مالها رهييييييييييييب
مرة علمت بشكارتنا طريقة العيش القوزي! اهلي تحروه عندنا عرس وله ناس يابوا العيش مستوي عندهم عرس!
انصحج بكتاب طبخ عائشة بهلول لاتها نزلت كتب يددية! شفتها بكارفور عندنا!

ام مضر تسلمين حبيبتي كلج ذوق ان شاء الله بجرب اللي قلتي عليه

جزاج الله خير

+++++++++

فديت علاوي ان شاء الله بشوف مواضيعها ويارب يضبط شي معاي

تسلمين الغاليه وجزاج الله خير

بشوف مواضيعج اللي بالتوقيع بعد

بارك الله فيكم