بنتــــــي ومعاناتها مع الآمساك... ساعدوني

السلام عليكم خواتي
انا حابة اعرض مشكلتي عليكم لاني والله اتعذب وانا اشوف بنتي كذا ويمكن تلقون لي حل
انا ياخواتي لي بنت عمرها سنتين و8 شهور يعني ان شاء الله بتكمل ثلاث سنين قريب
بس المشكلة الرئيسية انو بنتي تعاني من هالمشكلة من مدة طويلة يمكن 7 شهور تقريبا اذا مو اكثر
بنتي تعاني من صعوبة بالغة وكبيرة عند التبرز الله يكرمكم صعوبة ماتتخيلوها واحيان تبكي من الالم
زي ماتقولون معاها امساك والبراز نفسه شديد القساوة بالمرة ولونه مايل للسواد بشكل كبير
واحيان يابنات تخيلو من فترة العصر تتبرز الى فترة بعد العشاء على هالحال لااااااااااا وليت الجهد الي تسويه يسوى بالاخير اشوف حفاظتها مالقى الا زي حجم الفول اذا مو اكثر
منزوية على نفسها وتحاول تتبرز والمسكينة تحس بنظرات الي حولها يمكن تقولون صغيرة بس والله احس انها تفهم خصوصا لما نكون برا عند اي احد اذا كانت تبي تسويها تتكرر المعاناة والكل يلاحظ هالشي والحريم يسالوني وهم متعاطفين معها والي تنصحني بالمرة والي تنصحني بدواء وانا صراااااااحه مليت

مليت لانو ودي لبنتي للمستشفى اكثر من مرة ويصرفون لي دواء عن الامساك بس واذا كشفو عليها بس من عند بطنها ؟

والادوية استمرت عليها ليما تنتهي بس مافي اي نتيجة تذكر ؟ وصرت اخاف من تاثير هالادوية لانو كل مرة نسمع فيها عن دكتور ممتاز نروح يمه ويصرف دواء غير الي كانت تاخذه وهكذا 0000 على هالحال واخاف بنتي تصك السنة ومشكلتها زي ماهي
مع العلم ياخواتي انو بنتي تاكل بالقطارة واحيان والله اغصبها عشان ماتموت
الاكل ماتاكله بسهولة اكلها مرررررررررة قليل الصنف الوحيد الي ماترفضه الاندومي
اما الاكل المفيد ماتحبه على فكرة انا بنتي من يومها ماعطيها شوكولاته او اي شي من البقاله لاني مابيها تتعود عليها ومع هذا ماتاكل زين تعبت بالحيل والي اتعبني اشوف بنتي تتعذب ولا ادري شسوي ؟
امي خوفتني تقولو يمكن امعاءها فيها شي او ممكن تخرب وتتوسع من كثر الظغط لازم تكشف ؟
بس وين اروح الدكاترة الي وديتها لهم يامستشفى حكومي او مستوصف خاص وكشفهم مجرد مبدئي
انا حابة تحاليل اشمل من كذا ابي اعرف اذا فعلا امعائها فيها شي ممكن تتطور المشكلة اكبر من كذا ونصير في متاهة التدخل الجراحي على كلام جارتي وانا مابي افكر بهالشي لانه يزعجني
تكفون يالغاليات من الي مر عليها طفل نفس حاله بنتي ؟
ساعدوني والله لادعي لها بالجنة الي تنقذ بنتي ولو بدعوة او حل
واخير اعذروني على اسلوبي في الكلام الي احسه مومناسب بس هذي طبيعتي الي في قلبي على لساني
ماعرف انمق الكلام اكثر من كذا

انا في انتظاركم