بنتقل بيت الزوجية+خدامة جديدة+بيتي لاصق في بيت اهل زوجي+وضع جديد=شسوي؟

السلام عليكم .........
اولا الف مبروك على البيت وجعله بيت عامر ومبارك يارب
ثانيا انتي دخلتي بيتك الخاص يعني مملكتك الخاصه حاولي تعودين نفسك من البدايه على عادات تكون اقرب للمثاليه لانه كل ما تاخرتي كل ما صعب عليك التغيير
وانا الصراحه زيك عادات نومي ملخبطه ودايما دلوعه مع نفسي وزوجي ما يرد من دوامه الا قرب المغرب يعني متى ما اصحى ما يفرق عنده لكن لما تعودت اني اصحى بدري سبحان الله تغيرت حياتي للافضل احس بنشاط وروقان
بالنسبه لاهل الزوج الصراحه ما اقدر افيدك رغم انه احنا ساكنين قريب منهم جدا بس زوجي غريب شوي في هذي النقطه ................
تخيلي انه \\\\\\\\\\\\\
\\\\\\\\ ما يحب يروح لاهله ابدا ابدا قولوا ما شاء الله خخخخخخخخخخ تصوري اني
اسحبه سحب واترجاه علشان نروح لاهله هههههههه وهم يعاملونا بالمثل ما يزورونا ابد "عايله غريبه"........
والله يوفقك

تصدقين نفس الحاله راح تصير لي اذا رجعت للسعوديه ان شاء الله
بنتقل في بيتي الجديد وجداري هو جدار بيت اهل زوجي اما الخدامه فهين متعوده
بس من جد وضع جديد وانا مشكلتي اني مزاجيه ولا احب كثر الزيارات المفاجئه الي هي سمي وموتي ان احد يطق على الباب فجأه لاني احب اخذ راحتي في بيتي مثل الناس
وراعيت نووووم ولا نيب اجتماعيه ياربي وش السوات!!

خليك على طبيعتك ولا تغيرين اي شئ ومن البداية بيعرفون طبعك وخلاص هم بعد يعرفونك ويعرفون طبعك
هذي نصيحتي لك وبالتوفيق يااااااااااااااااااااااااااااااااعسل

انا مثلك بس انا ماغير ت شئ في حياتي في البداية صعبة بس بعدين حتى اهل زوجك ماراح يتكلمون عنك لانو بيعرفوا ان هذا طبعك لانك لو جاملتيهم من البداية وتعبتي وغيرتي طريقتك راح يقولون انك تغيرتي عليهم خليك على تصرفاتك وطبيعتك وانتي بترتاحين وهم راح يرتاحون لمن يعرفونك

اولا مبروك البيت والخدامه الجدد

انا اشوف ان هالشي حلو مايخوف بيت وشغاله ..لو انا طرررررت من الفرحه ولا شلت هم شي ..بسم الله عليك ماشاء الله لاحول ولاقوه الابالله ...

اما اهله بالنسبه لي بصراحه مشكله ..الحمدلله ان اهل زوجي في مدينه ثانيه

ولا كان شفتي العزايم والدخلات والطلعات وانا من النوع الهادي ماحب العزايم

انا اشوف انك تعاملينهم باحترام وتقدير وتصيرين رسميه ..معهم وتعودينهم على نظام معين

لاتعودينهم على الدخله والطلعه في كل وقت ..

تحياتي

السلام عليكم ورحمة الله وبركاته

أنا من رايي :

عوديهم إن المسأله ماهي سايبه دخول وخروج على كيفهم

وإذا منتي مستعده تستقبليهم لا تفتحين الباب أبد وبعدين أعتذري لهم إنك كنتي مشغوله

عشان يحسبون حسابك المره الجايه ويعطوك خبر قبلها بوقت ...

والشغاله خليكي على طبيعتك والبسي اللي على كيفك بس مايبين العوره

ولا تلتزمي قدامها بلبس معين البسي براحتك ..

يعني على ماتعوديهم كلهم سواء الشغاله أو أهل زوجك ..

وخليكي واثقه من نفسك لا تخافين من تجريح في الكلام أو تنغيز

عيشي حياتك بالطول والعرض وسوي إللي يريحيك إنتي وزوجك

واللي مو عاجبه على كيفه ....