بنتك بين ( 13 و 17 ) طلباتها مشاكلها كثرة هنا الحل ........)

السلآم عليكم ورحمة الله وبركآتة ...

طبعاً الكل مننا عندها اولاد او بنات والي ما عندها الله يرزقها

هذا الموضوع يخص البنات الي اعمارهم تتراوح بين ( 13 - 17 )

طبعاً في هذي الاعمار التربية راح تصعب بطلبات وتغير الحالة النفسية والا ذلك

انا عندي بنت الله يخليها لي عمرها 14 سنة اول كانت مزعجتني ابي و ابي و ابي وكل يوم طلب جديد

بس يوم حضرت ندوة عن البنات الي اعمارهم بين 13 - 17

راح انسخ لكم بالكامل الي سمعتة و طبقته و طلع لي كل الي انقال صحيح 100 %

البنت في هذا السن تحاول تبرز نفسها طي اي طريق كان الخطاء او الصح !

انتي الي تقدرين توجهينها بس كيف ؟

طبعاً لو وجهتيها بالعصبية صدقيني و الله العظيم راح تروح للطريق الخطاء طبعاً راح تسوي كذا علشان ترفه عن

نفسها !

بس انتي تقدرين توجهينها إذا كان اسلوبك معها محترم

مثلاً بنصايح , بالكلام المنفرد , تحاولين تقولين لها وش راح يصير لك بالمستقبل إذا مشيتي بطريق الخطاء !

هذآ طبعاً بختيار الطريق

=======================================================

والحين بتعزيز الثقة

تقدرين تعزيزين ثقتها في نفسها من الاشياء الاجابية الموجودة عندها و حاولي تنمينها !

مثال إذا تبين تعطينها الثقة حاولي تعطينها من ( الفلوس ) قد ما تقدرين إذا شفتيها و الله ماسكة الفلوس ومحافظة عليهم

هنا راح تمشين بالخطوات الثانية

1- قعديها مع خواتها الاضغار إذا كان عندها لمدة ساعة او ساعة و نصف إذا قالت خلاص مليت فإن ما يتكل عليها ابداً

2- إذا رحتي لعرس او عزيمة عطيها الاخوان الاصغار خليها تنتبه لهم اذا رجعتي وشفتي الحال حلو المكان نظيف و

كل شيء مرتب و قاعدة تشغلهم فإن هنا البنت قاعدة تاخذ الاشياء الاجابية و الصحيحة

=======================================================

التوجيه الى الشيء الصحيح :

البنت بذآت لا تحاولييين توجهيتها غصب بالعصابية بالعكس هذا بيضرها و يضرك لانها راح تكون تبي تنتقم منك على

هذي الاشياء الي تسوينها و انها ما تقدر تاخذ حريتها حتى سمعت و انا في الندوة قصة بنت تبي تتزوج علشان مثالية امها

الزآيدة مثل :

1- ما تخليها تطلع مع صديقاتها الا بطلعت الروح .

2- اذا بنات عمتها او خالتها طلعوا مكان الام تقول لا انا بنتي تكون معي !

3- تهمها دراسة بنتها اكثر من انها تونس نفسها ( في هذي النقطة مو قصدهم اتركي بنتك لا تخلينها تدرس لا العكس بس القصد اذا قالت لك ابي اسهر علشان بشوف فلم صديقاتي بيشفونه )

4- الخوف على البنت مثل ( عدم ركوب الدباب او شيء زي كذا )

5- الوعد من ثم المخالفة بالوعد يكون عند البنت اشياء ان امها ما تحبها وزي كذا وبنهاية راح تتراجع عن الوثوق فيك

احب انبه على النقطة الثانية ان البنت ما تطلع مع عماتها و خالتها المقصود ان الام تطلع معاها ولا تحرمها من هذي

الرحلة لان البنت قهرها غير عن الجنس الاخر لان راح تنقهر او تعصب و اذا جاوها البنات و سولفوا لها راح ينقص

ثقتها بنفسها كثير مرة , و النقطة الاولى اذا جت و قالت لك ماما ابي اطلع مع صديقاتي قولي لها طيب بس بشروط

( ان المكان يكون مخصص بس للنساء , الصديقات لبسين لبس محترم )

=======================================================

طبعاً انا هناك سمعت قصص كثير مرة

عن بنات في النهاية تركوا امهم على حجة انها ما خلتهم يطلعون و يستانسون في شبابهم و مراهقتهم .

و البنات الثانيات حاولوا ينتحرون .

و ترى اذا البنت ثقتها بنفسها تصلحت راح تكون دايم متواصلة مع الناس و الناس راح تكون تحبها ويمكن تصير قرمة


ترى هذا الموضوع علشان بناتكم و لكم

و نصيحة مني طبقوا كل الكلام الي فوق انا بنتي تغيرت 180 درجة صارت هي يدي اليمين في البيت و برى البيت

حتى ثقتها تغيرت و تواصلها مع الناس صارت ممتازة .

حاولوا تصلحون كل الاشياء الموجودة فوق .